Ozee 8:13 - Bibeli do fee

¹³ À ya ce kuwee do mɛɛmu ŋa a naam wai, si na iyi í jɔ̀ à ya bi iŋa ku ŋɔ. Amma amu Aɔ̃ Lafɛ̃ɛ, n ci ya n gba kuwee nŋa ŋau. Bɛbɛi, ǹ ye gigii kurara nŋa ŋau, nɔ an kpã ŋa ijui na dulum du ŋa ŋau. Inɛ nŋu ŋau, aa sinda a nyi ilɛi Ezibiti mái.

Ozee 8:13 Iomraidhean Croise

Ozee 9:9

Inɛ ŋau à dási laalɔ ku cei bɛi waatii inɛi Gibea ŋau. Amma Aɔ̃ Lafɛ̃ɛ wa ye gigii kurara nŋa ŋau, nɔ á kpã ŋa ijui na dulum du ŋa ŋau.

Ozee 9:6

Waati iyi aa na i fita hai si ilɛ nŋɛ iyi aa lɛgɛu, ilɛi Ezibiti á gba ŋɛ, nɔ ilu nlai Nɔfui á jɛ balɛ nŋɛ, nɔ kakayɛtɛ ŋai aa bii amani jiida nŋɛ ŋa iyi à ce do isɔ fũfũ ŋau fei, nɔ wua tũtũ ku nɛ agũ ŋai aa bii bi kuwa nŋɛ ŋau fei.

Amɔsu 8:7

Aɔ̃ Lafɛ̃ɛ iyi inɛi Izirɛli ŋa à waa tɔɔ í fɔ do kugbasi í ni, n kaa n gbɛjɛ kuce nŋa ŋa baa akã.

Amɔsu 5:22

Waati iyi ì naa ì waa ceem kuwee ŋa iyi à ya jo si ina fei sãa sãa do kuweei iyafũ wa ŋa, n kaa n nɛ si inɔ didɔ̃ kãma, nɔ baa do kuweei anu akã iyi ì ce do mɛɛmu ku nɛ ikpo ŋa fei n kaa n cɔɔ mɔm.

Ozee 11:5

Inɛi Izirɛli ŋau a kaa sinda a nyi ilɛi Ezibiti má, amma inɛi Asiriui á jɛ ilaalu nŋa, domi à kɔ̀ ku sinda wa bi titom.

Ozee 5:6

Nɔ aa maa dɛdɛ Aɔ̃ Lafɛ̃ɛi na saabui kuwee nŋa ŋa iyi aa maa ce do angudã do kɛtɛ nŋa ŋa. Amma a kaa yɔɔ si na iyi í jɔ̀ í fa araɛ í jĩò ŋa.

Zeremi 14:10

Ŋɔi Aɔ̃ Lafɛ̃ɛ í ba zamaau ide ku fɔ í ni, inɛ ŋau ihɛ̃ ku dabii nŋa kù nɛ kɔɔ. A ci ya leekĩ inya akã. Nɔ iyi bɛ kù waa dɔ̃a amu Aɔ̃ Lafɛ̃ɛ si. Na ŋɔi í jɔ̀ n kù gbɛjɛ idei kurara nŋa nɔ ǹ wa n kpã ŋa iju.

Ezai 1:11

Bɛi Aɔ̃ Lafɛ̃ɛ í ni má wee. Í ni, n kù nɛ bukaatai kuwee nkpɔ nkpɔ nŋɛ ŋa. Kuwee ŋa iyi à ce do angudã kombo ŋa iyi à jo si ina fei sãa sãa do ti ikpoi ama kɛtɛ ŋau í to. N kù nɛ inɔ didɔ̃ kãma si njɛi kɛtɛ kombo ŋa do ti ama angudã ŋa do ti iwo kombo ŋa.

Wooda ku kɔsi 28:68

Aɔ̃ Lafɛ̃ɛ á gbã ŋɛ ku bɔò ŋɛ Ezibitii do akɔi inyi ŋa. Á jɔ̀ i sinda i nyi ilɛ bii ǹ sɔ̃ ŋɛ ǹ ni i kaa yɛ do iju má ŋau. Do ikpa bɛ, inɛmɔkɔ do inaabo ŋa, aa dɛdɛ bɛi aa ce i ta ara nŋɛ bi mbɛɛ nŋɛ ŋa i jɛ aru nŋa ŋa, amma inɛ kãma kaa bi ku ra ŋɛ.

Kuyɛi Zãa 16:19

Ilu nlau í kpɛ̃ ikɔ mɛɛta, nɔ ilui ilɛ fei í cuku. Ilaaɔ̃ kù gbɛjɛ laalɔ ku cei inɛi Babilɔni ŋa ilu nlau nɔ í nyisi ŋa idɔɔkɔ̃ nlaɛ.

Kɔrɛnti 1, 11:29

Ntɔ ntɔ, bii ì jɛ nɔ ì waa mɔ ŋa nɔ i kù mà ŋa iyi arai Kirisii, ì waa soa ara nŋɛ taalei si kujɛ do si kumɔ nŋɛ.

Kɔrɛnti 1, 11:20

Bii ì tɔtɔɔ ì waa jɛ ŋa, ì ya tamaa bɛi ijɛi Lafɛ̃ɛi ì waa jɛ ŋa amma iboi,

Ozee 12:11

Ǹ ba walii ŋa ide ku fɔ, ǹ jɔ̀ à ce kuyɛ ŋa nkpɔ nkpɔ, nɔ do saabui walii ŋau, ǹ fɔ idei mɔnda ŋa.

Ozee 7:16

À sinda à waa baa, amma kù jɛ bi tom. À yɛi bɛi bioo iyi í ka. Inɛ ngbo nŋa ŋa aa kui si igũ, na ide laalɔ ku fɔ nŋa si gãmɛm. Na ŋɔi í jɔ̀ inɛi Ezibiti ŋa aa maa yaako ŋa.

Ozee 7:2

Inɛ kãma ci ya fɔ si idɔɛ ku ni, Ilaaɔ̃ wa ye gigii laalɔ ŋa iyi inɛ ŋa à waa ce fei. Bɛbɛi, laalɔ ŋa iyi à waa ce ŋaui à kaako ŋa, nɔ ǹ wa n yɛ fei ndɛɛ si wajum.

Ozee 4:9

Amma mii iyi á na ku ba woo wee ŋau, nŋui á na ku ba zamaau mɔ. An ce nŋai si bɛi isɛɛnɛ nŋa í yɛ. Yaase bɛi kuce nŋa í yɛ, bɛɛbɛi an sã nŋa.

Mɔnda ŋa 21:27

Aɔ̃ Lafɛ̃ɛ í cé kuweei inɛ laalɔ, iyi í re mɔm bii lafɛ̃ɛ wa coo do lasabu laalɔ.

Samuɛli 1, 15:22

Nɔ Samuɛli í ni, Aɔ̃ Lafɛ̃ɛ í bi inɛ ŋa a jirima idei nŋu í re a cea nŋu kuwee, domi ideɛ ku gbɔ í tia kuwee ŋa, nɔ iri ilɛ ku sũ í tia ikpoi angudã ŋa.

Kufita 32:34

Bɛbɛi koo gbã inɛ ŋau i nɛò ŋa tengi bii ǹ sɔ̃ɛu. Amalekam nii á maa cuaɛ. Amma ajɔ iyi ǹ dede an kpã ŋa iju na irii dulum du ŋa.

Kufita 20:3

[Na nŋu, ide iyi ǹ wa n jilɛ nŋɛ wee.] I maà tɔɔ ngɔgɔ má ŋa bii kù jɛ amu akã.

Luku 12:2

Ngɔgɔ kù wɛɛ iyi wa manji iyi kaa fita gbugbãa, nɔ asii kãma kù wɛɛ iyi a kaa na a mà.

Kɔrɛnti 1, 4:5

Na nŋu, i maà kiiti inɛ kãma hai waati iyi Ilaaɔ̃ í jilɛu kù to. I degbe ajɔ iyi Lafɛ̃ɛ á nyi wa ŋa. Mii iyi wa manji si ilu kuku fei á jɔ̀ ku fita bantuma, nɔ ku jɔ̀ a mà lasabui idɔi amanɛ ŋa. Waati bɛɛbɛi, inɛ fei á gbɔ saabu iyi í jɛ tɛɛ hai bi Ilaaɔ̃.

Zeremi 6:20

Iwoi ǹ nɛò bukaatai tuae iyi wa naa hai Saba, walakɔ jĩi ku dɔ̃ inunui ilɛ jĩijĩ gɔ. N kù bi kuwee nŋɛ ŋa iyi ì ya jo si ina fei sãa sãa ŋau. Kuwee nŋɛ ŋau ci ya dɔ̃ɔm si.

Ezekiɛli 29:16

Inɛi Izirɛli ŋa a kaa maa kaaba ŋa má. A kaa bɔ sobi ku tɔɔ bi inɛi Ezibiti ŋa iyi aa dasi ŋa dulum má. Do yaase bɛɛbɛ, inɛ fei á mà iyi amui ǹ jɛ Aɔ̃ Lafɛ̃ɛ.

Ozee 7:11

Inɛi Efaraimu ŋa à yɛi bɛi ankasiidi. Lasabu nŋa kù jĩisa nɔ a kù nɛ bisi. Inɛi Ezibiti ŋai à kpe. Si anyiɛ, nɔ à dede à nɛ ilɛi Asiri.

Ozee 9:7

Waati si bii Aɔ̃ Lafɛ̃ɛ á sã nŋɛ gbesei mii ŋa iyi ì ce ŋau fei mbɛ ŋa. Ntɔ ntɔ, waati si bii inɛ fei á ba ribai mii ŋa iyi ì ce ŋau mbɛ, nɔ inɛi Izirɛli ŋa à nɛ a mài. Ì ya fɔ ŋa i maa ni, waliiu ihɛ̃ í sũmui. Ì ya fɔ má ŋa i ni, inɛ iyi hundei Ilaaɔ̃ í wa siɛu ihɛ̃ wa fɔ ide hai nɛ yaase. Ntɔ ntɔ bɛɛbɛi, amma iyi bɛ ŋau bɛ fei, na laalɔ nkpɔ nkpɔ ku ce nŋɛ ŋai, do ide ku kɔ̀ nŋɛ do gbugbã nla nla.

Ozee 6:6

Ntɔ ntɔ, kù jɛ kuwee ŋai ǹ bi, amma ǹ bi i jɛ ilu naanɛ ŋai. Ǹ bi i mà ŋa iyi amui ǹ jɛ Aɔ̃ Lafɛ̃ɛ. Inɛ nŋu bɛ í re i maa ceem kuwee ŋa iyi à ya jo si ina fei sãa sãa.

Amɔsu 3:2

Si dimii inɛi andunya ŋa fei iŋɛ akãi ǹ cica. Na ŋɔi í ce an bee ŋɛ ide si gãmɛi laalɔ iyi ì ce fei ŋa.