Ozee 8:10 - Bibeli do fee

¹⁰ Baa do iyi à cea inɛi ilɛ mmu ŋau amua ŋa, an tɔtɔɔ ŋai, nɔ kaa kpɛ mɔm aa ba ijuukpã na aso iyi ilaalu do amai ilaalu ŋau aa kãa nŋa.

Ozee 8:10 Iomraidhean Croise

Ilaalu 2, 14:26

Aɔ̃ Lafɛ̃ɛ í fɔ bɛɛbɛi si na iyi í jɔ̀ í yɛ wahala nla nla iyi inɛi Izirɛli ŋau à wa si. Nɔ inɛ kãma kù wɛɛ má iyi á faaba ŋa, kù wɛɛi baa akã.

Ilaalu 2, 17:3

Samanasaa ilaalui Asiriu í koo í jɔɔ igũ. Nɔ Ozee í ya maa sãa fiai adɔ̃ do tilasi.

Ilaalu 2, 17:4

Amma ilaalui Asiriu í na í yɛ iyi Ozee wa dĩa nŋu sɔɔlui zamba wa, domi í bɛ inɛ ŋa bi So ilaalui Ezibitiu, nɔ kù waa sãa fiai adɔ̃u má. Ŋɔi í jɔ̀ à muu à dũu do sesee nɔ í cĩmboɛ si ile piisɔ̃ɔ.

Ezai 10:8

Bɛi í ni wee. Bɛɛrɛi inɛ ngboi soogem ŋa kù to bɛɛrɛi ilaalu ŋaui?

Ezai 30:2

Í ni inɛ ŋau à ya bɔ Ezibitii, amma a ci ya sabuu nŋu ide kãma. À ya koo bɛi a koo a manji si ile ku nɛ gbugbãi ilaalu Faraɔ̃. Ilɛi Ezibitiui í jɛ bi ku bɔ ku manji nŋa.

Ezai 36:13

Ŋɔi inɛ ngboi soogei Asiri ŋau í dede í leekĩ, nɔ í dɔ̃ anu hee lele do feei Ebɛɛ í ni, i sotĩ i gbɔ idei ilaalu nlai Asiriu ŋa.

Zeremi 42:2

nɔ à sɔ̃ walii Zeremi à ni, jɔ̀ i gba nwa mii iyi à waa tɔɔɛ. Tɔɔ Aɔ̃ Lafɛ̃ɛɛ na irii awa iyi à gbeu ihɛ̃ fei, domi awa nkpɔ nkpɔi à wɛɛ wo, amma nsɛi wee a kù kpɔ má bɛi awɔ takaɛ ì waa yɔɔ.

Ezekiɛli 16:33

Inaabo à ta icu ŋa fei à ya sã nŋa fiai. Amma awɔ ì ya cea mɔkɔ kaafeɛ ŋa amuai ku ba ì fa ŋa si sakaraɛu hai do bii fei.

Ezekiɛli 16:37

Na nŋu, an tɔtɔɔ mɔkɔ kaafeɛ ŋau wa aŋa iyi ì nɛ si inɔ didɔ̃ nɔ ì bi ŋau, hee do iyi ì cé ŋau fei. An tɔtɔɔ aŋa fei wai hai bii fei a naa bi tɛɛ n nyisi ŋa basĩɛ nɔ aŋa fei a yɛ basĩɛu.

Ezekiɛli 22:20

Bɛi à ya tɔtɔɔ isɔ fũfũ do isɔ nkpa do isɔ alala, do lolo do isɔ kurɔ a dasi ŋa inɔ caka a bɛi a yɔ ŋa do ina, do yaase bɛɛbɛi, si idɔɔkɔ̃ nlam, an tɔtɔɔ ŋɛ nɔ n yɔ ŋɛ do ina.

Ezekiɛli 23:5

Amma Ohola baa do iyi í wa bi tom fei, í ya kɔ̀ ku maa ta icuui. Í ya maa ce lasabui mɔkɔ kaafeɛ ŋa iyi à wa kɔkɔɛ si ilɛi Asiri.

Ezekiɛli 26:7

Ntɔ ntɔ, amu Aɔ̃ Lafɛ̃ɛ ǹ wa n fɔi si gãmɛi inɛi Tii ŋa iyi an jɔ̀ Nebukanɛsaa ilaalui Babilɔni iyi í re ilaalu ŋa fei ku naa siɛ wa hai do ikpa awɔi njɛi kpãai inunu. Á naai do acĩ ŋa do sarɛtii igũ ŋa do masa ŋa do sooge ŋa nkpɔ nkpɔ.

Daniɛli 2:37

Ilaalu, awɔi ì la ì re ilaalu ŋa fei. Ilaaɔ̃ Lafɛ̃ɛi leleui í jɔ̀ ì jɛ bomma, nɔ í muuɛ gbugbã do bɛɛrɛ.

Ozee 10:10

Aɔ̃ Lafɛ̃ɛ í ni, an kpã ŋa ijui si bɛi ǹ dasi idɔ. Zamaa nkpɔ nkpɔ á tɔtɔɔ si ŋa wai nɔ a kpã ŋa iju na dulum iyi à ce à sisiu.

Ozee 12:2

Inɛi Efaraimu ŋai à ya kooa inɛi Ezibiti ŋa ikpo, nɔ à dĩ akabuu do inɛi Asiri ŋa. À dĩ kpaasi do inɛ ŋa iyi a kù jɛ ngɔgɔ, nɔ à ya maa sɛii si fufu ajɔ fei. À ya dabii a maa sɔ iboi a maa ceò laalɔ ŋa.

Azee 2:6

Ntɔ ntɔ, amu Aɔ̃ Lafɛ̃ɛi lele do ilɛ ǹ ni, kaa kpɛ n yaga lele do ilɛ do tenku ŋa fei.