Ozee 8:1 - Bibeli do fee

¹ Aɔ̃ Lafɛ̃ɛ í ni, i fã kuu ŋa i faò laakaii inɛ ŋa. Laalɔ í cuku wai si kpasɛ̃i Aɔ̃ Lafɛ̃ɛ bɛi kungbã í ya cuku wa hai lele, si na iyi í jɔ̀ a kù jirima akabuu iyi í wa si gãmɛi awaò ŋa nɔ à ce ide ku kɔ̀ si gãmɛi ikɔm ŋa.

Ozee 8:1 Iomraidhean Croise

Ilaalu 2, 18:27

Ŋɔi inɛ iyi í jɛ inɛ ngboi soogei Asiri ŋau í jɛ í ni, ì waa tamaa ide iyi lafɛ̃ɛm í sɔ̃m wau, ti lafɛ̃ɛɛ do ti awɔ akãi? Ideu í kã inɛ ŋa mɔ iyi à wa si antaii bindiu fei. Inɛ ŋau, iŋɛò ŋa fei, imi nŋɛ ŋai aa na i maa i jɛ ŋa, nɔ i maa mɔ itɔ nŋɛ ŋa.

Ezai 18:3

Iŋɛ inɛi andunya ŋa fei, iŋɛ iyi ì wa si ilɛu ihɛ̃, waati iyi aa na a gũ tuuta si iri kuta ŋau ŋa, i sinda i cɔ, nɔ i maa de itĩ ŋa waati iyi aa na a fã kuu.

Ezai 24:5

Inɛ ŋa iyi à wa si ilɛu, à jɔ̀ ilɛu í so riisi, domi a kù jirima woodai Aɔ̃ Lafɛ̃ɛ ŋau, nɔ a kù ceò ikɔɛ ŋa iyi à ba icɛ. Akabuu hai nɛ kɔɔ iyi í wa si gãmɛi aŋaò Aɔ̃ Lafɛ̃ɛ ŋau, à jɔ̀ í leekĩ.

Ezai 58:1

Ŋɔi Aɔ̃ Lafɛ̃ɛ í ni, dɔ̃ anu hee lele, maà coko. Dɔ̃ anu hee lele bɛi kuu i sɔ̃ zamaam nɔu wooda ku kuaɛ. Sɔ̃ inɛi kpasɛ̃i Zakɔbu ŋa dulum du ŋa ŋa.

Zeremi 31:32

Nɔ akabuuu kaa jɛ dimi bɛi ǹ tako ǹ dĩ do bala nŋa ŋa si waati iyi ǹ mu awɔ nŋa ǹ fitaò ŋa wa ilɛi Ezibitiu. Akabuu inɛ nŋu a kù kɔ̃ɔ baa do iyi ǹ jɛ Lafɛ̃ɛ nŋa fei.

Zeremi 34:18

Ŋɔi inɛ ngboi Zudaa ŋa do ti Zeruzalɛmu ŋau do akawe nla ŋau do woo wee ŋau hee do zamaai ilɛu fei à dĩ akabuu do amu. Si akabuu iyi à dĩu, à kpɛ̃ ama kɛtɛ gɔ iyi à ceò kuwee minji nɔ à lɔ si aninii kukpɛ̃ minjiu. Amma inɛ ŋau à kua akabuu iyi awaò ŋa à dĩu, a kù kɔ̃ akabuu nŋa ŋau. Na nŋu, an ce nŋai bɛi aŋa mɔ à cea ama kɛtɛ iyi à kpɛ̃ minjiu.

Zeremi 4:13

Woo bɛjɛu wee wa nɛ wa bɛi kudũi ijĩ. Sarɛtiɛ ŋau à yɛi bɛi fufu dabii. Acĩɛ ŋa à gbãa à re baa katɔ. Laalɔi aa ka yɛ, domi à ce nfe mbɛ.

Zeremi 4:5

I cã kɛsɛɛdɛ si ilɛi Zudaa ŋa. I dɔ̃ anu si ilui Zeruzalɛmu ŋa. I fã kuu si ilɛu. I dɔ̃ anu hee lele i ni ŋa, i tɔtɔɔ wa ka sa ka bɔ si ilu ku nɛ bindi ku nɛ gbugbã ŋau ŋa.

Zeremi 48:40

Aɔ̃ Lafɛ̃ɛ í ni, mbɛɛ í yɛi bɛi yembeeku iyi wa fo, nɔ í fũ ikpaɛ ŋa si inɛi Moabu ŋau.

Zeremi 49:22

Mbɛɛu á yɛi bɛi kungbã iyi í fo hee lele, nɔ í tɛ́ ikpaɛ ŋa wa si Bɔsura. Ajɔ nŋu bɛ, woo ja igũ jiida jiidai Edɔmu ŋau, njo á mu ŋai bɛi inaabo iyi wa gbɔ ara kuroi kubí.

Zeremi 51:27

I kɔa tuuta lele si ilɛu ŋa. I fãa zamaau kuu ŋa. I jɔ̀ zamaa nkpɔ nkpɔ ku dede si inɛi Babilɔni ŋau ŋa. I tɔtɔɔ bommai Ararati ŋa do ti Mini ŋa do ti Asekenazi ŋau a naa si ŋa ŋa. I so inɛ ngboi sooge ŋa nɔ aŋa mɔ a dɛdɛ inɛ ŋa iyi aa naa a koo a jɛ ŋa igũ. I jɔ̀ acĩ ŋa iyi kukpɔ nŋa í jɔ̀ à yɛ bɛi kɛtɛngbo ŋa iyi à yɛ bɛi kudũi ijĩ a koo si ŋa igũ ŋa.

Zeremi 6:1

I sa hai inɔ ilu Zeruzalɛmu ŋa, iŋɛ inɛi Bɛnzamɛɛ ŋa. I fã kuu ilui Tekoa ŋa. I wu nyinda gɔ ilui Bɛti-Kerɛmu ŋa, domi laalɔ wa naa hai do awɔ njɛi kpãai inunu wa do nfe ku ce nla nla.

Ezekiɛli 11:4

Awɔ amanɛ, koo i ba ŋa ide ku fɔ bɛi walii.

Ezekiɛli 16:59

Amu Aɔ̃ Lafɛ̃ɛ ǹ ni, kugbasi iyi ì ceu i kù ceò icɛ. Ì fũ akabuu iyi í wa si gãmɛi awaɛi. Na nŋu, mii iyi ì ce, an sãaɛi.

Ezekiɛli 17:3

Sɔ̃ ŋa i ni amu Aɔ̃ Lafɛ̃ɛi ǹ ni i sɔ̃ ŋa iyi kungbã nla iyi í nɛ ikpa sisɔ do nto sisɔ ku nɛ ila ikã ikãu, í bɔ hee Libãa nɔ í gũ iri kutaɛ ŋau í koo í cɛ imɔi jĩi ndii sɛɛdi wa.

Ezekiɛli 7:14

Baa bii sɔɔlu í jĩa nɔ à fã kãakãakĩi, inɛ kãma kaa fita ku bɔ igũ, domi idɔɔkɔ̃m í wa si zamaau fei.

Ozee 4:6

Ntɔ ntɔ, zamaam wa ce nfei si na iyi í jɔ̀ kù nɛ kumà. Nɔ si na iyi í jɔ̀ awɔ takaɛ i kù bi i màm, an nyaɛ hai si icɛm nii. Nɔ si bɛi ì gbɛjɛ woodai amu Aɔ̃ Lafɛ̃ɛɛ, bɛɛbɛ mɔi amu mɔ an gbɛjɛ amaɛ ŋa.

Ozee 5:8

I fã kuu si ilui Gibea ŋa, nɔ i fã kãakãakĩ si ilui Rama ŋa. I dɔ̃ anui igũ si ilui Bɛti-Avɛni, iŋɛ tɔkui Bɛnzamɛɛ ŋa.

Ozee 6:7

Iŋɛ mɔ i kù jirima akabuum bɛi inɛi ilui Adamu ŋa. Si gãmɛu bɛi ì zambam ŋa.

Ozee 9:15

Laalɔ nŋau fei í fita gbugbãai Giligali bɛ. Si gãmɛu bɛi n kù bi ide nŋa. Na laalɔ ku ce nŋa an lele ŋai hai kpasɛ̃m. N kaa n nɛ kubi nŋa má. Inɛ ngbo nŋa ŋau fei ilu itĩ ku yika ŋai.

Zoɛli 2:1

I fã kuu si ilui Siɔ̃ɔ ŋa. I dɔ̃ anu ŋa si iri kuta kumám nɔu. Iŋɛ inɛi ilɛ ŋau fei, i yaya ŋa domi ajɔi Aɔ̃ Lafɛ̃ɛ wa naa, nɔ ajɔu í maai wa.

Zoɛli 2:15

I fã kuu si ilui Siɔ̃ɔ ŋa. I jilɛ anu ku dĩ ŋa. I kpe zamaau i ce kutɔtɔɔ nla nla ŋa.

Amɔsu 3:6

Ntɔ ntɔ aa fã kuu si inɔ ilu iyi zigii inɛ ŋa kù da? Wahala gɔ á naa si inɔ ilu iyi kù jɛ Aɔ̃ Lafɛ̃ɛi í jɛ icuɛ?

Amɔsu 8:3

Amu Aɔ̃ Lafɛ̃ɛ ǹ ni, ajɔ nŋu bɛ, iri ŋa iyi aa maa kɔ̃ si kabai ilaalu fei, irii inɔ kufɔ ŋai á jɛ. Bii fei iku ŋai aa maa nyɔ. Nɔ ilu á maa cokoi.

Amɔsu 9:1

Ǹ yɛ Aɔ̃ Lafɛ̃ɛ wa leekĩ si wajui bi kuweeu nɔ í ni, a cã antaii sɔbei kpasɛ̃i Ilaaɔ̃u, nɔ icu ŋau a yaga. Nɔ a lɛgɛ ŋa a cuku wa si irii inɛ ŋau fei. Inɛ ŋa iyi à gbe an ce nfe nŋai do taakuba. Si inɔ nŋa inɛ kãma kaa ba ku sa. Baa inɛ akã kaa ba ku fita si.

Abakuku 1:8

Acĩ nŋa ŋa à nɛ are à re muãa ŋa, nɔ à gaabu à re baa mbo iyi í ya ce adɛ alɛ. Hai jĩijĩi à naa, nɔ masa nŋa ŋau à ya fo lele à bata mbɛɛ ŋa bɛi kungbã í ya ce si iŋa ŋa.

Sofoni 1:16

Ajɔu, ajɔ si bii kuu á dɔ̃ anui. Ajɔ si bii aa dɔ̃ anui igũ si gãmɛi ilu ku nɛ gbugbã ŋaui, do si gãmɛi ile kugboka ŋa iyi à wa si gontai bindii ilu nla ŋau.

Zakari 11:1

Iŋɛ inɛi ilɛi Libãa ŋa i ce sɔɔlui kiiti nŋɛ, domi Aɔ̃ Lafɛ̃ɛ á jɔ̀ ina kú jo jĩi jiida nŋɛ ŋa iyi à ya kpe sɛɛdi.

Zakari 9:14

Aa yɛ amu Aɔ̃ Lafɛ̃ɛ ikpa lele, n ta afa bɛi kulai ijĩ. Nɔ n fã kuu nɔ n naa do fufui ijĩ iyi wa naa hai ikpa awɔ cangai kpãai inunu.

Matie 24:28

Tengi bii iku í wa, bɛi yembeeku ŋa à ya tɔtɔɔ.

Kɔrɛnti 1, 15:52

gbakã, si iju kãmɛɛ akã, waati iyi kãakãakĩi ankãanyi á kpata. Waati iyi kãakãakĩi ankãanyiu á kpata Ilaaɔ̃ á jĩ iku ŋa nɔ a kaa ku má, nɔ ku kpaasi awa mɔ.

Wooda ku kɔsi 28:49

Aɔ̃ Lafɛ̃ɛ á jɔ̀ dimi gɔ ku naa si ŋɛ wa hai hee jĩijĩ, hai kɔɔi andunya wa. Dimiu á naa si ŋɛ wai bɛi kungbã í ya naa si sɔndaɛ, nɔ dimiu, dimi gɔi iyi i kaa gbɔ feeɛ ŋa.