Ozee 7:8 - Bibeli do fee

⁸ Inɛi Efaraimu ŋau à tɔtɔɔ ara nŋai do dimi mmu ŋa. Inɛi Efaraimu ŋau à baa à yɛi bɛi kaa ku sɔ̃ iyi a kù sinda.

Ozee 7:8 Iomraidhean Croise

Ilaalu 1, 18:21

Ŋɔi Elii í sɛkɛɛ si zamaau nɔ í ni, hee waati yoomai aa jɔ̀ idɔ minji nŋɛ ŋa. Bii í jɛ ì yɔɔ iyi Aɔ̃ Lafɛ̃ɛi í jɛ ntɔ ŋa i tɔɔɛ, bii Baali mɔi i tɔɔɛ ŋa. Amma zamaau kù jɛaa ide kãma.

Ɛsidarasi 9:1

Si anyii mii ŋau bɛ fei ŋɔi inɛ ngbo gɔ ŋa à naa à sɔ̃m à ni, inɛi Izirɛli ŋa hee do woo wee ŋau do inɛi Levii ŋau a kù fɛɛfɛ ara nŋa do inɛi ilɛ ŋau ihɛ̃. À waa ce laalɔ bɛi inɛi Kanaã ŋa do inɛi Hɛti ŋa do inɛi Ferɛzi ŋa do inɛi Yebusi ŋa do inɛi Amɔɔ ŋa do inɛi Moabu ŋa do inɛi Ezibiti ŋa do inɛi Amɔre ŋa.

Ɛsidarasi 9:12

Na nŋu, i maà mua inɛmɔkɔi bɛ ŋa ama inaabo nŋɛ ŋa a ce abo. Nɔ i maà dɛdɛa ama inɛmɔkɔ nŋɛ ŋa abo si inɔ nŋa. I maà ti i jɔ̀ kɔdɛɛ nŋɛ ku lɔ si amani nŋa ŋa do si inɔ didɔ̃ nŋa. Si bɛɛbɛ aa na i nɛ gbugbã ŋa nɔ aa ya maa jɛ mii jiidai ilɛu bɛ ŋa, nɔ ilɛu á na ku jɛ ti tɔku nŋɛ ŋa hee do ajɔ fei.

Iri ku kɔ̃ 106:35

À tɔtɔɔi do dimi ŋa iyi a kù mà Ilaaɔ̃, nɔ à waa too si kuce nŋa ŋau.

Ozee 5:13

Inɛi Efaraimu ŋa à yɛ bɔ̃ɔ iyi aŋa à nɛ, nɔ inɛi Zudaa ŋau mɔ à yɛ juju iyi aŋa à nɛ. Efaraimu í dede í bɔ Asiri, nɔ í bɛ inɛ ŋa bi ilaalui Yarɛbu. Amma ilaaluu bɛ kaa yɔkɔ ku jɔ̀ a ba iri, nɔ kaa ba nŋa iwɔi jujuu.

Ozee 5:7

Inɛ ŋau à zamba Aɔ̃ Lafɛ̃ɛi, domi à bí amu ŋa do abo ŋa iyi aŋaò ŋa a kù ce abɔdɔ̃. Na nŋu, hai ihɛ̃ ku bɔ cukpa akã, aa ce nfei ilɛ nŋaui do amani nŋa ŋa.

Ozee 7:9

Isɛ mmu ŋa à waa cɔ̃ɔcɔ̃ɔ gbugbã nŋa ŋa, amma a kù waa mà. À baa à ce mɔkɔ ngbo, amma a kù mà.

Ozee 9:3

Inɛi Efaraimu ŋau a kaa yɔkɔ a buba si ilɛi Aɔ̃ Lafɛ̃ɛu. Aa sinda a nyi ilɛi Ezibitii walakɔ a bɔ ilɛi Asirii tengi bii aa jɛ sɔnda ŋa iyi à jɛ iwɔ̀.

Sofoni 1:5

Inɛ ŋa iyi à ya gũ antaii ile sikifa ŋa a maa tɔɔ cukpa do leleaɔ̃ ŋa, an ce nfei aŋa feii. Inɛ ŋa mɔ iyi à ya maa tɔɔm, nɔ a tɔtɔɔ a maa ceò kugbasi do irii iwɛ̃ iyi à ya kpe Molɔkuu, an ce nfe nŋai.

Malasi 2:11

Inɛi Zudaa ŋa à dede si akabuu iyi à dĩ. À ce dulum nla nla Zeruzalɛmu do si ilɛi Izirɛli fei. À riisi kpasɛ̃ kumá iyi Aɔ̃ Lafɛ̃ɛ í biu. À koo à so mudɛ̃ɛi woo tɔɔ iwɛ̃ ŋa à ce ŋa abo ŋa.

Matie 6:24

Jesu í sɔ̃ ŋa má í ni, inɛ gɔ kaa yɔkɔ ku cea lafɛ̃ɛ minji icɛ ajɔ. Ntɔ ntɔ, á cé inɛ akã nɔ ku bi inɛ akã, walakɔ á jirima inɛ akã nɔ ku donda inɛ akã. I kaa yɔkɔ i too Ilaaɔ̃ do fia ajɔ ŋa.