Ozee 7:7 - Bibeli do fee

⁷ Aŋa fei à ya maa gbãai bɛi inai bi ku sɔ̃ pɛ̃ɛ, nɔ à ya ce nfei inɛ ngbo nŋa ŋaui. Ilaalu nŋa ŋau mɔ à ya maa cukui akã akã, nɔ kãma nŋa ci ya kpem.

Ozee 7:7 Iomraidhean Croise

Ilaalu 1, 15:28

Í kpaai si adɔ̃ mɛɛtasiai bomma ku jɛi Aza ilaalui Zudaa, nɔ í jɛ bommau si agbɛɛ.

Ilaalu 1, 16:18

Iyi Zimiri í yɛ à gba iluu, ŋɔi í koo í lɔ inɔ ilei ilaaluu í bɛi í dasi ileu ina. Nɔ í jo araɛ si inɔ ileu bɛ.

Ilaalu 1, 16:22

Ŋɔi inɛi Ɔmuri ŋa à kãmia inɛi Tibuni amai Ginati ŋau. Tibuni í ku nɔ Ɔmuri í jɛ bommau.

Ilaalu 2, 10:14

Ŋɔi Yehu í ni a mu ŋa wa njaawɛ. Ŋɔi à mu ŋa nɔ à koo à saka ŋa aŋa ciiji do minji. Kù jɔ̀ baa akã ku fita si. Nɔ à so iku nŋa ŋau à sɔsi inɔ lɔgɔi woo degbe ŋau.

Ilaalu 2, 10:7

Iyi tiau í to si ŋa, ŋɔi à mu ama kitaò fɛɛwai ilaalu ŋau fei à saka ŋa. Nɔ à bu iri nŋa ŋa à dasi inɔ kɔlɔ ŋa à kooa Yehu Yizireɛli bɛ.

Ilaalu 2, 15:10

Ŋɔi Salumu amai Yabɛsi í dĩaa sɔɔlui zamba wa. Nɔ í na í kpaa si wajui zamaa í bɛi í jɛ bommau si agbɛɛ.

Ilaalu 2, 15:14

Ŋɔi Menahɛmu amai Gadi í dede wa hai Tirisa í naa Samari nɔ í kpa Salumu bɛ, nɔ í jɛ bommau si agbɛɛ.

Ilaalu 2, 15:25

Ŋɔi inɛ ngboi sooge gɔ iyi à ya kpe Peka amai Remalia í dĩaa sɔɔlui zamba wa nŋu do sooge ciitaai ilɛi Galaadi ŋa nɔ í kpaa Samari bɛ si inɔ kpasɛ̃i ilaaluu, nŋu do Aagobu do Arie. Do yaase bɛɛbɛ í kpa Pekahia nɔ í jɛ bommau si agbɛɛ.

Ilaalu 2, 15:30

Ŋɔi Ozee amai Ela í dĩa Peka sɔɔlui zamba wa í na í kpaa nɔ í jɛ bommau si agbɛɛ si adɔ̃ kɔnfiasiai bomma ku jɛi Yotamu amai Oziasiu.

Ilaalu 2, 9:24

Amma Yehu í so afaɛ í taa si aninii bãngaɛ hee afau í koo í ta akãaɛ í faata. Nɔ Yoramu í ku si inɔ sarɛtii igũɛu.

Ilaalu 2, 9:33

Ŋɔi í sɔ̃ ŋa í ni, i sɔɔ wa ilɛ ŋa. Ŋɔi à sɔɔ wa ilɛ í na í cuku nɔ njɛɛ í fangaa si bindiu do si acĩ ŋau. Nɔ Yehu í nɛ siɛ do sarɛtii igũɛ.

Zɔɔbu 36:13

Inɛ laalɔ hai nɛ naanɛ ŋa, idɔ nŋa í ya kɔ̃i, nɔ bii Ilaaɔ̃ í jɔ̀ à dasi wahala, a ci ya tɔɔɛ faaba.

Iri ku kɔ̃ 14:4

Ŋɔi Aɔ̃ Lafɛ̃ɛ í ni, ntɔ ntɔ, woo ce laalɔ ŋau ihɛ̃, a kù nɛ kumà kãma. Aŋa iyi à waa ŋɔ inɛm ŋa bɛi à ya ŋɔ pɛ̃ɛ, nɔ a kù waa tɔɔm ajɔ kãma.

Ezai 43:22

Aɔ̃ Lafɛ̃ɛ í ni, Zakɔbu, kù jɛ amui ì kpe. zamaai Izirɛli ì gbɛɛji do amui.

Ezai 64:4

Ì waa bɔ ku ko inɛ iyi í nɛ inɔ didɔ̃ wa ceò mii iyi í jɛ dee dee, do inɛ ŋa iyi à waa ye gigii kpãaɛ ŋa. Kpãaɛ ŋaui à ya faaba wa waati kãma fei wo. Amma idɔɛ í kɔ̃ si na iyi í jɔ̀ à ce dulum,

Ezai 64:6

Inɛ kãma kù wɛɛ iyi wa kpe iriɛ, nɔ inɛ kãma kù wɛɛ iyi í teese í mu araɛ nɔ í dĩ do awɔ, domi ì sinda wajuɛ hai bi tu wa nɔ ì jɔ̀ à kua gbugbã na kurara nwa ŋau.

Ezai 64:7

Do nŋu fei Aɔ̃ Lafɛ̃ɛ, awɔi ì jɛ baa nwa. Awa à yɛi bɛi amà, nɔ awɔi ì jɛ bɛi woo ma caka. Awa fei icɛi awɔɛ ŋai à jɛ.

Ezai 9:13

Na ŋɔi í jɔ̀ Aɔ̃ Lafɛ̃ɛ á bu irii inɛi Izirɛli ŋau do akpaamu nŋa. Á da amaawɔi kpakpai do njee si ajɔ akã.

Ezekiɛli 22:30

Ǹ dɛdɛ inɛ gɔ si inɔ nŋa iyi á ma bindiu ku kaakoɛ nɔ ku maa leekĩ bi foo ku ba n maà n naa n ce nfei ilɛu, amma n kù ba.

Daniɛli 9:13

Laalɔu bɛ fei í naa si wai si bɛi à kɔɔ dee dee si woodai Moizi, nɔ awa a kù dɛdɛ bɛi aa ka ce ka sũ laakaii awɔ Aɔ̃ Lafɛ̃ɛ nwa. A kù fũsi laalɔ ku ce nwa ŋau awɔ, nɔ a kù dɛdɛ bɛi aa ka ce ka gbɔ yaasei ntɔ iyi wa naa hai bi tɛɛ.

Ozee 13:10

Hee iwoi ilaaluɛ í wa. Kú faabaɛ si iluɛ ŋau fei. Hee iwoi inɛ ngboɛ ŋau à wa. Na iri nŋai ì fɔ wo ì ni, nam ilaalu do inɛ ngbo ŋa.

Ozee 5:15

Amu Aɔ̃ Lafɛ̃ɛ, ǹ wa n nɛ mbɛ. An sinda n nyi idem nii, hee koo to waati iyi aa mà kurara nŋa, a bɛi a sinda a nyi wa bi titom. Waati iyi aa na a wa si inɔ kufɔ, aa dɛdɛɛm.

Ozee 7:10

Inɛi Izirɛli ŋau, ilu faau ŋai. Faau nŋai í jɛ sɛɛdai kurara nŋa. Inɛi Izirɛli ŋau à kɔ̀ ku nyi wa bi amu Aɔ̃ Lafɛ̃ɛ nŋa. Baa do mii ŋa iyi í ba ŋau bɛ fei, a kù dɛdɛɛm.

Ozee 7:14

A ci ya dɔ̃ anu wa ikpa bi tom do idɔ nŋa fei. Amma à ya maa dɔ̃ anui si antaii daayi nŋa. À ya tɔtɔɔi ku ba a ba bilee do vɛ̃ɛ, nɔ à ya maa jĩim nii.

Ozee 8:4

Aŋa taka nŋai à soa ara nŋa ilaalu ŋa, nɔ kù jɛ baa do woodam. À soa ara nŋa akawe ŋa, nɔ kù jɛ do kumàsim. À cea ara nŋa iwɛ̃ ŋa do isɔ fũfũ nŋa ŋa do wura nŋa ŋa, nɔ nŋui í jɛ kpãa gɔ iyi á nyɔ ŋa.

Misee 2:1

Inɔ kufɔi á jɛ ti inɛ ŋa iyi à ya nɛ lasabu laalɔ. Idũ bii à waa sũ à ya wɛɛò sɔɔluɛi. Nɔ hai amɛɛjuumá gbakã, à ya cooi bii à ba kpãaɛ.