Ozee 7:6 - Bibeli do fee

⁶ Woo ce sɔɔlui zamba laalɔ ŋau bɛ, idɔ nŋa í yɛi bɛi inai bi ku sɔ̃ pɛ̃ɛ. Idũ, idɔɔkɔ̃ nŋa í ya sũi, amma bii iju í má, í ya dedei ku maa jo bɛi ina nla nla.

Ozee 7:6 Iomraidhean Croise

Iri ku kɔ̃ 21:9

Aɔ̃ Lafɛ̃ɛ, aa to mbɛɛɛ ŋau awɔ, nɔ awɔ njɛɛ kaa gaizia inɛ ŋa iyi à céɛ ŋa.

Mɔnda ŋa 4:16

Inɛ ŋau à ci ya sĩ njoo bii a kù ce laalɔ. À ci ya ba njoo bii a kù ba inɛ iyi à cea laalɔ.

Ozee 7:4

Aŋa fei woo ce sakara ŋai. À yɛi bɛi bi ku sɔ̃ pɛ̃ɛ iyi woo sɔ̃ pɛ̃ɛu í jɔ̀ wa gbãa ntɔ ntɔ nɔ kù waa ce laakaiɛ má hai waati iyi í kpo iyafũu hee í koo í dedeò.

Ozee 7:7

Aŋa fei à ya maa gbãai bɛi inai bi ku sɔ̃ pɛ̃ɛ, nɔ à ya ce nfei inɛ ngbo nŋa ŋaui. Ilaalu nŋa ŋau mɔ à ya maa cukui akã akã, nɔ kãma nŋa ci ya kpem.

Misee 2:1

Inɔ kufɔi á jɛ ti inɛ ŋa iyi à ya nɛ lasabu laalɔ. Idũ bii à waa sũ à ya wɛɛò sɔɔluɛi. Nɔ hai amɛɛjuumá gbakã, à ya cooi bii à ba kpãaɛ.