Ozee 7:3 - Bibeli do fee

³ À ya jɔ̀ inɔi ilaalu ku maa dɔ̃i na laalɔ iyi à waa ceu. Do ibo nŋai à ya fɔtɔtɔi lasabui akawe ŋau.

Ozee 7:3 Iomraidhean Croise

Ilaalu 1, 22:13

Ŋɔi inɛ iyi í bɔ Misee ku kpe wau í sɔ̃ɔ í ni, walii ŋau fei à ce anu akã à waa yɛa ilaaluu jiida. Jɔ̀ ide ku fɔi awɔ mɔ ku jɛ bɛi tu ŋa. Fɔ jiidaɛ.

Ilaalu 1, 22:6

Ŋɔi ilaalui Izirɛli í tɔtɔɔ walii ŋa zakai aŋa cĩɔ mɛɛ nɔ í bee ŋa í ni, n bɔ igũ Ramɔti si ilɛi Galaadiu? Mà n jɔ̀ɔɛ. Ŋɔi à jɛaa à ni, koo, Aɔ̃ Lafɛ̃ɛ á daɛ iluu si awɔ.

Zeremi 37:19

Nɔ hee iwoi walii nŋɛ ŋau à wa, aŋa iyi à ya ce nŋɛ walii a maa ni ilaalui Babilɔni kaa naa si ilɛ nŋɛu ihɛ̃ igũ.

Zeremi 5:31

Walii ŋa à waa ce walii do ibo. Woo wee ŋau à waa ce idɔɔbi nŋa. Nɔ iyi bɛi wa jɛa zamaam inɔ didɔ̃. Amma bɛirei aa ce ŋa na waju ku bɔi ilɛu.

Zeremi 9:2

Aɔ̃ Lafɛ̃ɛ í ni, amɛ nŋa í yɛi bɛi bioo, nɔ à nɛ ibo. Gbugbã ku nɛ nŋa si ilɛu kù jɛ na dee dee ku jɛ nŋa, domi si inɔ kukãu bɛi à ya maa nɛ si, nɔ a kù màm.

Ozee 10:13

Laalɔi ì gbɛ̃ ŋa, nɔ iyi kù jɛ dee deei aa da ŋa. Ribai zamba nŋɛi aa jɛ ŋa. Izirɛli, kpãai awɔ takaɛi ì dasi naanɛ, do si akpɔi woo ja igũɛ ŋa.

Ozee 4:2

Mii iyi í wa si anini nŋai í jɛ ikpe do ibo do inɛ ku kpa do ile do sakara do inɛ ku taa gbugbã. À ya so waati nŋa feii a maa kpaò inɛ ŋa.

Ozee 5:11

À waa kpã Efaraimu iju, nɔ à waa tɛɛsɛ asaiyaɛ ŋa, si na iyi í jɔ̀ í bi nŋu ku maa sɛi si inya ngbɛ.

Ozee 7:5

Ajɔ iyi à waa jɛa ilaalu jingau, akawe ŋau à ya dasi ara nŋa bɔ̃ɔi na gbugbãi atɛ̃ vɛ̃ɛu. Waati bɛɛbɛi ilaalu í ya to si woo yaako inɛ ŋau awɔ.

Misee 6:16

Ikɔi ilaalu Ɔmurii ì ya maa gbɔ ŋa, nɔ ì ya maa too si ikɔ do kucei amaɛ Akabu do ti inɛi kpasɛ̃ɛ ŋau ŋa. Na ŋɔi í ce an fũsi ŋɛ awɔ a ce nfe nŋɛ. An jɔ̀ a tɛɛsɛ ŋɛi i jɛ dɔ̃anyi ŋa, nɔ iŋɛi aa yɛ anyɔi inɛm ŋau ŋa.

Misee 7:3

Inɛ ŋau icɛi laalɔ ku cei à mà. Amanlu ŋau do woo kiiti nŋa ŋau à ya maa tilasi inɛ ŋa si amua ŋa ku cei. Inɛ nla nŋa ŋau, binɛ nŋa í fitai gbugbãa, aŋa fei à ce anu akãi ku ba a maa ce iyi à bi.

Romu 1:32

À mà woodai Ilaaɔ̃ iyi wa fɔ í ni, inɛ ŋa iyi à waa ce dimii mii bɛɛbɛ ŋa, ikui í jɛ kɔkɔɔ nŋa. Do nŋu fei à ya coo, nɔ à ya maa saabu woo ce dimiɛ ŋa má.

Zãa 1, 4:5

Inɛ nŋu ŋa ti andunyai à jɛ, ŋɔi í jɔ̀ à waa fɔ ide do bisii andunya, nɔ inɛi andunya ŋa à waa gbɔ ide nŋa.