Ozee 7:2 - Bibeli do fee

² Inɛ kãma ci ya fɔ si idɔɛ ku ni, Ilaaɔ̃ wa ye gigii laalɔ ŋa iyi inɛ ŋa à waa ce fei. Bɛbɛi, laalɔ ŋa iyi à waa ce ŋaui à kaako ŋa, nɔ ǹ wa n yɛ fei ndɛɛ si wajum.

Ozee 7:2 Iomraidhean Croise

Zɔɔbu 34:21

domi Ilaaɔ̃ wa yɛ kucei inɛ fei nɔ wa cɔ isɛɛnɛi inɛ fei.

Iri ku kɔ̃ 10:11

Si idɔɛ í ya fɔi ku maa ni baai Ilaaɔ̃ kù wa si do kucei nŋu. Ci ya cɔ hee ku yɛ ngɔgɔ iyi nŋu wa ce.

Iri ku kɔ̃ 25:7

Aɔ̃ Lafɛ̃ɛ, maà maa ye gigii dulum dom ŋa walakɔ ide ku kɔ̀m ŋa iyi ǹ ce hai awaasũm. Ye gigim si jiida ku jɛɛ na didɔ̃ɛ.

Iri ku kɔ̃ 50:22

I ce laakai nɔ i sotĩ i gbɔ ŋa, iŋɛ iyi ì gbɛjɛ idei amu Ilaaɔ̃ ŋa. Bii kù jɛ bɛɛbɛ an na n gagaga ŋɛ nɔ inɛ gɔ kaa gba ŋɛ.

Iri ku kɔ̃ 9:16

Isɛ mmu ŋa à dasi isa iyi aŋa taka nŋa à tu. Cɛkũm iyi à leu í mu isɛi aŋa taka nŋa.

Iri ku kɔ̃ 90:8

Ì ya jilɛ kurara nwa ŋai si wajuɛ. Nɔ mii iyi à waa ce si asii fei, inya kumáɛ í ya jɔ̀ ku fita gbugbãai.

Ezai 1:3

Kɛtɛ í ya mà lafɛ̃ɛɛ, nɔ gbankɛlɛ mɔ í ya mà lafɛ̃ɛɛ iyi í ya náa sɔnda. Amma inɛi Izirɛli ŋa a kù mà nkãma. Zamaam nɔu kù waa gbɔ yaasei nkãma.

Ezai 26:16

Aɔ̃ Lafɛ̃ɛ, si inɔ kufɔ, awɔi inɛ ŋa à tɔɔ do imu lɛlɛ. Waati iyi ijuukpãɛ í naa si ŋa awɔi à tɔɔ.

Ezai 44:19

Inɛ kãma ci ya lasabu, nɔ inɛ kãma kù nɛ yaase jiida walakɔ bisi hee ku fɔ ku ni, bubui jĩi nɔu ihɛ̃i ǹ so ǹ koò ina, nɔ do nyɛnyɛui ǹ tɛkɛò sɔnda. Do nŋui ǹ bandaò iŋa ǹ ŋɔ. Nɔ bubu iyi í gbeui ǹ ceò mii laalɔ. Si wajui sɔmbɔ kusii iyi í gbeui ǹ ya n naa n maa n gulɛ.

Ezai 5:12

Si jingau nŋɛ ŋa inɛ ŋa à ya cã mɔɔlɔ ŋa do kundigi ŋa do gãgã ŋa, nɔ à ya fã yee ŋa, nɔ à ya mɔ atɛ̃ ŋa hee ku kpa ŋa. Amma a ci ya mà mii iyi Aɔ̃ Lafɛ̃ɛ wa ce, nɔ a ci ya yɛ mii ŋa iyi wa ce.

Zeremi 14:10

Ŋɔi Aɔ̃ Lafɛ̃ɛ í ba zamaau ide ku fɔ í ni, inɛ ŋau ihɛ̃ ku dabii nŋa kù nɛ kɔɔ. A ci ya leekĩ inya akã. Nɔ iyi bɛ kù waa dɔ̃a amu Aɔ̃ Lafɛ̃ɛ si. Na ŋɔi í jɔ̀ n kù gbɛjɛ idei kurara nŋa nɔ ǹ wa n kpã ŋa iju.

Zeremi 16:17

Ntɔ ntɔ ijum wa kãsi kpãa nŋa ŋa iyi à waa too fei. Kãma nŋa kù waa manji si wajum, nɔ kurara nŋa ŋa mɔ kù waa manji si wajum.

Zeremi 17:1

À kɔ dulum dii inɛi Zudaa ŋai do isɔ ku nɛ gbugbã gɔ, walakɔ do kuta ku nɛ gbugbã gɔ. À kɔɔi si idɔ nŋa do si gontai bi ku ce kuwee nŋa ŋau.

Zeremi 2:19

Inɔ kukãɛi á jɔ̀ i ba ijuukpã, nɔ dee dee hai jɛɛi á jɔ̀ i yɛ bɔ̃nɛ. Do yaase bɛɛbɛ, aa mà iyi mii iyi ì ce í jɛ laalɔ nɔ í ro. Ì fũsi amu Aɔ̃ Lafɛ̃ɛɛ awɔ nɔ i kù mà bɛɛrɛm. Amu Aɔ̃ Lafɛ̃ɛi lele do ilɛ, amui ǹ fɔ bɛɛbɛ.

Zeremi 32:19

Awɔi ì ya ce sɔɔlui mii nla nla ŋa, nɔ a cei do gbugbã. Ijuɛ í ya maa kãsi mii iyi amanɛ ŋa à waa ce feii, nɔ ì ya cea inɛ feii bɛi isɛɛnɛi lafɛ̃ɛ í yɛ do bɛi daa ŋa iyi lafɛ̃ɛ wa ce í yɛ.

Zeremi 4:18

Zeruzalɛmu, mii iyi wa baɛ, wa naai hai si kuceɛ do si inɔ kukãɛ. Ntɔ ntɔ wahala iyi í baɛu í caa, nɔ wa gũɛi hee si idɔ.

Zeremi 44:21

tuae iyi ì kooò si ilui Zudaa ŋau ŋa, do si kpãai Zeruzalɛmu ŋau iŋɛ do bala nŋɛ ŋa do ilaalu nŋɛ ŋa do akawe nŋɛ ŋa do zamaai ilɛu, Aɔ̃ Lafɛ̃ɛ kù ye gigiɛi? Mà kù to si idɔɛi.

Ezekiɛli 21:29

Amu Aɔ̃ Lafɛ̃ɛ ǹ ni, n kù gbɛjɛ laalɔ ŋa iyi ì ya maa ce ŋa si na iyi í jɔ̀ ì waa mɔsi do laalɔ ku ce nŋɛ ŋau ŋa, nɔ ì jɔ̀ à waa fa laakaim ŋa. Na nŋu, aa dasi awɔi mbɛɛ nŋɛ ŋai.

Ozee 12:2

Inɛi Efaraimu ŋai à ya kooa inɛi Ezibiti ŋa ikpo, nɔ à dĩ akabuu do inɛi Asiri ŋa. À dĩ kpaasi do inɛ ŋa iyi a kù jɛ ngɔgɔ, nɔ à ya maa sɛii si fufu ajɔ fei. À ya dabii a maa sɔ iboi a maa ceò laalɔ ŋa.

Ozee 4:9

Amma mii iyi á na ku ba woo wee ŋau, nŋui á na ku ba zamaau mɔ. An ce nŋai si bɛi isɛɛnɛ nŋa í yɛ. Yaase bɛi kuce nŋa í yɛ, bɛɛbɛi an sã nŋa.

Ozee 6:2

Nŋui á jɔ̀ ka ba kuwɛɛ si anyii ajɔ minji. Si ajɔ mɛɛtasiau, á dede wai, nɔ aa ka maa wɛɛi si wajuɛ.

Ozee 8:13

À ya ce kuwee do mɛɛmu ŋa a naam wai, si na iyi í jɔ̀ à ya bi iŋa ku ŋɔ. Amma amu Aɔ̃ Lafɛ̃ɛ, n ci ya n gba kuwee nŋa ŋau. Bɛbɛi, ǹ ye gigii kurara nŋa ŋau, nɔ an kpã ŋa ijui na dulum du ŋa ŋau. Inɛ nŋu ŋau, aa sinda a nyi ilɛi Ezibiti mái.

Ozee 9:15

Laalɔ nŋau fei í fita gbugbãai Giligali bɛ. Si gãmɛu bɛi n kù bi ide nŋa. Na laalɔ ku ce nŋa an lele ŋai hai kpasɛ̃m. N kaa n nɛ kubi nŋa má. Inɛ ngbo nŋa ŋau fei ilu itĩ ku yika ŋai.

Ozee 9:9

Inɛ ŋau à dási laalɔ ku cei bɛi waatii inɛi Gibea ŋau. Amma Aɔ̃ Lafɛ̃ɛ wa ye gigii kurara nŋa ŋau, nɔ á kpã ŋa ijui na dulum du ŋa ŋau.

Amɔsu 8:7

Aɔ̃ Lafɛ̃ɛ iyi inɛi Izirɛli ŋa à waa tɔɔ í fɔ do kugbasi í ni, n kaa n gbɛjɛ kuce nŋa ŋa baa akã.

Zonasi 1:2

dede i bɔ Ninivu ilu nlau, i sɔ̃ inɛɛ ŋau wahala iyi á na ku ba ŋa, domi ǹ yɛ laalɔ ku ce nŋa í la í caa.

Kuka 32:23

Amma bii i kù ce bɛɛbɛ ŋa ì ce dulum ŋai bi Aɔ̃ Lafɛ̃ɛ, nɔ i mà ŋa iyi aa yɛ ijuukpãi dulum du ŋɛ.

Luku 12:2

Ngɔgɔ kù wɛɛ iyi wa manji iyi kaa fita gbugbãa, nɔ asii kãma kù wɛɛ iyi a kaa na a mà.

Kɔrɛnti 1, 4:5

Na nŋu, i maà kiiti inɛ kãma hai waati iyi Ilaaɔ̃ í jilɛu kù to. I degbe ajɔ iyi Lafɛ̃ɛ á nyi wa ŋa. Mii iyi wa manji si ilu kuku fei á jɔ̀ ku fita bantuma, nɔ ku jɔ̀ a mà lasabui idɔi amanɛ ŋa. Waati bɛɛbɛi, inɛ fei á gbɔ saabu iyi í jɛ tɛɛ hai bi Ilaaɔ̃.

Wooda ku kɔsi 32:29

Bii à nɛ laakai baa keeke wo, aa gbɔ yaasei tengi bii ide ŋau ihɛ̃ fei wa bɔò ŋa.

Ebɛɛ 4:13

Nkãma kù wɛɛ iyi wa manjia Ilaaɔ̃ woo taka. Fei ndɛɛ í cĩ wa jilɛi si wajuɛ. Nɔ nŋui awa fei aa ka tusɛa kuwɛɛ nwa.