Ozee 7:16 - Bibeli do fee

¹⁶ À sinda à waa baa, amma kù jɛ bi tom. À yɛi bɛi bioo iyi í ka. Inɛ ngbo nŋa ŋa aa kui si igũ, na ide laalɔ ku fɔ nŋa si gãmɛm. Na ŋɔi í jɔ̀ inɛi Ezibiti ŋa aa maa yaako ŋa.

Ozee 7:16 Iomraidhean Croise

Iri ku kɔ̃ 12:3

Inɛ ŋa à ya maa sɔ irii njɛi nɔ à maa sɔa njɛ ibo. Idɔ nŋa kù jɛ dee dee.

Iri ku kɔ̃ 12:4

Aɔ̃ Lafɛ̃ɛ, jɔ̀ idei ilu gɛlɛ didɔ̃ ŋau ku tã nɔ ilu faau ŋa a coko.

Iri ku kɔ̃ 12:5

Inɛ ŋau à fɔ à waa ni, na saabui gɛlɛ nwai à nɛ gbugbã nɔ à mà ide ku fɔ nɔ a kù waa ce njoi inɛ kãma.

Iri ku kɔ̃ 17:10

Inɔ nŋa í kã, a kù nɛ araare. À ya maa fɔ idei do faau.

Iri ku kɔ̃ 52:2

Iriu wa fɔ idei waati iyi Doɛgi inɛi Edɔmu í koo í sɔ̃ Saulu í ni, Davidi í bɔ kpasɛ̃i Ahimelɛki.

Iri ku kɔ̃ 57:4

Hai lelei á na ku faabam baa do iyi mbɛɛm wa lelem fei. Kusĩmi. Aɔ̃ Lafɛ̃ɛ á nyisim jiida ku jɛɛ do ntɔɛ.

Iri ku kɔ̃ 73:9

À ya la gɛlɛ nŋai a maa bu Ilaaɔ̃, nɔ amɛ nŋa ci ya dale nkãma si ilɛ.

Iri ku kɔ̃ 78:37

Idɔ nŋa kù leekĩ siɛ dim dim, nɔ a kù waa nɛ dee dee si akabuuɛu.

Iri ku kɔ̃ 78:57

Aŋa mɔ à cei bɛi bala nŋa ŋa. À fɔ inɔi Ilaaɔ̃ bɛi bioo iyi ikũɛ í da.

Ezai 3:8

Zeruzalɛmu í koosɛ, nɔ Zudaa mɔ í cuku si na iyi í jɔ̀ à dedeò ide ku kɔ̀ si gãmɛi amboei Aɔ̃ Lafɛ̃ɛ, do hai si ide ku fɔ nŋa ŋa do kuce nŋa ŋa si wajuɛ.

Zeremi 18:18

Ŋɔi inɛ gɔ ŋa à ni, ka koo, waatii ihɛ̃ bɛ iyi aa ka ba kpãa ka dĩaò Zeremi zamba, domi a kaa ka kua woo wee ŋa iyi aa maa kɔ wa si cio, do ilu laakai ŋa iyi aa maa na wa ikɔ jiida, do walii ŋa iyi aa maa sɔ̃ wa idei Aɔ̃ Lafɛ̃ɛ. I naa wa ŋa kaa nya fũnɛɛ do idei gɛlɛ nwa, nɔ ka maà desi baa ide ku fɔɛ ŋa itĩ.

Zeremi 3:10

Do nŋu fei wecĩɛ Zudaa hai jɛ dee deeu kù nyi wa sim do idɔɛ fei. Si iboi í ce nŋu bɛ fei. Amu Aɔ̃ Lafɛ̃ɛi ǹ fɔ bɛɛbɛ.

Zeremi 42:18

Ntɔ ntɔ Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋau í ni do yaase bɛi idɔɔkɔ̃ɛ í naa si inɛi Zeruzalɛmu ŋa, bɛɛbɛ mɔi idɔɔkɔ̃ɛ á naa si iŋɛ mɔ bii ì dede ì nɛ Ezibiti ŋa. Iŋɛi aa jɛ yaase iyi inɛ ŋa aa ya so waati iyi à waa bi a ceekpe inɛ gɔ, walakɔ bii à waa bi a fɔ idei mii laalɔ gɔ, walakɔ idei inɛ gɔ iyi à ceekpe, walakɔ inɛ gɔ iyi à waa bi a dasi anyɔ, nɔ i kaa yɛ ilɛu ihɛ̃ má ŋa.

Ezekiɛli 23:32

Aɔ̃ Lafɛ̃ɛ í ni, aa mɔ kɔɔfui idɔɔkɔ̃ui bɛi igbãɛ. Kɔɔfuu í cĩ nɔ í jĩisa. Inɛ ŋa aa maa nyaanyiɛ nɔ a maa yaakoɛ. Kɔɔfuu í kɔ̃i hee í caa.

Ezekiɛli 36:20

Si ilɛ mmu bii à to fei, irim í ya bɛjɛi na kurara nŋa. Na nŋu bɛi í jɔ̀ inɛ ŋa à ya maa ni, inɛi Ilaaɔ̃ ŋa mbɛ fa, hai si ilɛɛi à fita wa.

Daniɛli 7:25

Inɛ nŋui á na ku maa fɔaa Ilaaɔ̃ iyi í wa leleu ide sãmi ŋa, nɔ ku jɔ̀ inɛ ŋa iyi à jɛ inɛɛ ŋau a ba wahala. Á nɛ lasabui nŋu ku kpaasi waati ŋa do wooda ŋa, nɔ a so inɛi Ilaaɔ̃ ŋau a daa si awɔ zakai adɔ̃ mɛɛta do bubu.

Ozee 11:5

Inɛi Izirɛli ŋau a kaa sinda a nyi ilɛi Ezibiti má, amma inɛi Asiriui á jɛ ilaalu nŋa, domi à kɔ̀ ku sinda wa bi titom.

Ozee 11:7

Zamaam nɔu wa leekĩi si dee dee hai jɛɛ si gãmɛm. À waa kpe ŋa a dede a leekĩ, amma kãma nŋa kù bi ku dede.

Ozee 6:4

Iŋɛ inɛi Efaraimu ŋa, bɛirei an ce nŋɛ. Iŋɛ inɛi Zudaa ŋa, bɛirei an ce nŋɛ. Naanɛ nŋɛ í yɛɛm nii bɛi kudũi ijĩi daadaakɔ, walakɔ bɛi ikpãi daadaakɔ iyi í ya wɔ anu akã.

Ozee 7:13

Inɔ kufɔi á ba ŋa si na iyi í jɔ̀ à saam à nɛ hee jĩijĩ. Nfe ku cei á ba ŋa si na iyi í jɔ̀ à dedeò ide ku kɔ̀ si gãmɛm. À waa sɔ ibo ŋa si gãmɛm. To, bɛirei an ce n faaba ŋa má.

Ozee 9:3

Inɛi Efaraimu ŋau a kaa yɔkɔ a buba si ilɛi Aɔ̃ Lafɛ̃ɛu. Aa sinda a nyi ilɛi Ezibitii walakɔ a bɔ ilɛi Asirii tengi bii aa jɛ sɔnda ŋa iyi à jɛ iwɔ̀.

Ozee 9:4

A kaa ya dikã vɛ̃ɛ a ceaò Aɔ̃ Lafɛ̃ɛ kuwee ŋa má. Kuwee nŋa ŋau kaa dɔ̃aa si má. Sɔndau á baa ku yɛi bi tu ŋa bɛi sɔndai akũ. Inɛ ŋa iyi aa jɔɔ fei, aa so riisii. Sɔnda nŋau, ari nŋu akãi á nya ŋa, a kaa lɔò si inɔ kpasɛ̃i Aɔ̃ Lafɛ̃ɛ.

Ozee 9:6

Waati iyi aa na i fita hai si ilɛ nŋɛ iyi aa lɛgɛu, ilɛi Ezibiti á gba ŋɛ, nɔ ilu nlai Nɔfui á jɛ balɛ nŋɛ, nɔ kakayɛtɛ ŋai aa bii amani jiida nŋɛ ŋa iyi à ce do isɔ fũfũ ŋau fei, nɔ wua tũtũ ku nɛ agũ ŋai aa bii bi kuwa nŋɛ ŋau fei.

Malasi 3:13

Aɔ̃ Lafɛ̃ɛ í ni, ide ŋa iyi ì waa fɔ na irim ŋa kù sĩa. Nɔ ì beem ì waa ni ŋa ide laalɔ yoomai ì waa fɔ na irim ŋa.

Malasi 3:14

Ì fɔ ì waa ni ŋa bii iŋɛ ì waa tɔɔ amu Aɔ̃ Lafɛ̃ɛ ngbɛi. Ì ni iŋɛ ì waa jirima woodam ŋa nɔ ì waa ce bukii iku ŋa ku ba n ce nŋɛ didɔ̃, amma i kù ba nkãma ŋa.

Matie 12:36

An sɔ̃ ŋɛ, ide nfe iyi inɛ ŋa à waa fɔ fei, Ilaaɔ̃ á na ku bee ŋa si ajɔi kiitiu,

Luku 8:13

Inɛ gɔ ŋa mɔ à yɛi bɛi ilɛ kuta. Aŋai à gbɔ ideu nɔ à gbaa do inɔ didɔ̃. Amma a kù jɔ̀ kù ce icã si idɔ nŋa. Naanɛ ku dasi nŋa í kpɛ keeke amma iyi wahala í naa, à nyiò anyi.

Zaaki 3:5

Bɛɛbɛ mɔi amɛ í jɛ mii keeke si ara, amma í ya tɔɔ fufu si mii nla. I cɔ bɛi ina nyɛnyɛ í kere í to, amma do nŋu fei á yɔkɔ ku jo agbo nla nla.

Kuyɛi Zãa 13:5

Mɛɛmuu í nɛ kpãa ku tɔɔò fufu nɔ ku bu Ilaaɔ̃, nɔ í nɛ yiiko ku ceò gbugbãɛ icɛ cukpa ciiji do minji.