Ozee 7:13 - Bibeli do fee

¹³ Inɔ kufɔi á ba ŋa si na iyi í jɔ̀ à saam à nɛ hee jĩijĩ. Nfe ku cei á ba ŋa si na iyi í jɔ̀ à dedeò ide ku kɔ̀ si gãmɛm. À waa sɔ ibo ŋa si gãmɛm. To, bɛirei an ce n faaba ŋa má.

Ozee 7:13 Iomraidhean Croise

Neemi 1:10

Awa woo ce icɛɛ ŋai nɔ à jɛ zamaaɛ ŋa iyi ì ya do gbugbã nla nlaɛ.

Zɔɔbu 22:17

À ya maa ni wo, Ilaaɔ̃ ku jɔ̀ wa. Mii Ilaaɔ̃ ilu gbugbã fei á yɔkɔ ku ce nwa.

Iri ku kɔ̃ 106:10

Í faaba ŋa hai si awɔi inɛ iyi í cé ŋa. Í yá ŋai hai si awɔi mbɛɛ ŋau.

Ezai 30:1

Aɔ̃ Lafɛ̃ɛ í ni inɔ kufɔi í jɛ ti ama woo kɔ̀ ide ŋa. Í ni à ya maa ce lasabui mii ŋa iyi kù waa naa hai bi ti nŋu, nɔ à ya maa dĩ akabuu ŋai iyi kù waa naa hai si lasabui nŋu. Do yaase bɛɛbɛ, à ya maa kɔ̃ɔsi dulum nii si antaii dulum.

Ezai 30:2

Í ni inɛ ŋau à ya bɔ Ezibitii, amma a ci ya sabuu nŋu ide kãma. À ya koo bɛi a koo a manji si ile ku nɛ gbugbãi ilaalu Faraɔ̃. Ilɛi Ezibitiui í jɛ bi ku bɔ ku manji nŋa.

Ezai 31:1

Inɔ kufɔi á jɛ ti inɛ ŋa iyi aa bɔ Ezibiti ku ba a ba sobi. Acĩ ŋai à waa kaaba, nɔ naanɛ nŋa í wa si sarɛti ku ja igũ ŋa si na iyi í jɔ̀ à kpɔ, do si masa ŋa, domi à nɛ gbugbã ntɔ ntɔ. Amma a kù sinda ikpa bi Aɔ̃ Lafɛ̃ɛ Inɛ Kumái Izirɛliu, nɔ a kù bee lasabuɛ.

Ezai 41:14

Zakɔbu, awɔ iyi à waa cea bɛi kokoo, maà jɔ̀ njo ku muɛ. Izirɛli, awɔ iyi ì jɛ bɛi kokoo, ǹ wa n naa ku faabaɛ. Amu Aɔ̃ Lafɛ̃ɛ Inɛ Kumái Izirɛli, amu woo yaɛ, amui ǹ fɔ bɛɛbɛ.

Ezai 43:1

Bɛbɛi awɔ Zakɔbu, awɔ iyi ǹ taka, amu Aɔ̃ Lafɛ̃ɛ amu iyi ǹ ceɛ, awɔ dimii Izirɛli ǹ ni, maà jɔ̀ njo ku muɛ, domi ǹ yaɛ mbɛ, nɔ ǹ kpeɛ do iriɛ. Titom nii ì jɛ.

Ezai 59:13

À ce ide ku kɔ̀ bi tɛɛ Aɔ̃ Lafɛ̃ɛ nɔ à zambaɛ. À kɔ̀ ku tooɛ awɔ Aɔ̃ Lafɛ̃ɛ nwa. Ide kulele ŋai à ya ka maa fɔ nɔ à ya ka bɛjɛ mii jiida ŋa. À ya ka ce sɔɔlui ibo ŋa si idɔ nwai nɔ ka maa lasabu si.

Ezai 63:8

Nŋu takaɛ í fɔ wo í ni ntɔ ntɔ inɛ ŋau ihɛ̃ inɛi nŋu ŋai, nɔ à jɛ amu ŋa iyi a ci ya sɔ ibo. Nŋui í jɛ woo faaba nŋa.

Zeremi 14:10

Ŋɔi Aɔ̃ Lafɛ̃ɛ í ba zamaau ide ku fɔ í ni, inɛ ŋau ihɛ̃ ku dabii nŋa kù nɛ kɔɔ. A ci ya leekĩ inya akã. Nɔ iyi bɛ kù waa dɔ̃a amu Aɔ̃ Lafɛ̃ɛ si. Na ŋɔi í jɔ̀ n kù gbɛjɛ idei kurara nŋa nɔ ǹ wa n kpã ŋa iju.

Zeremi 42:20

Nɔ i jɔ̀ i mà ŋa iyi iŋɛ taka nŋɛi ì waa lɛlɛ ara nŋɛ, domi iŋɛi ì ni n bɔ bi Aɔ̃ Lafɛ̃ɛ nwa nɔ n tɔɔɛ na iri nŋɛ. Nɔ ì nyi ì ni má ŋa ide iyi Aɔ̃ Lafɛ̃ɛ í fɔ fei n sɔ̃ ŋɛ mam mam. Nɔ ì ni ŋa bɛi í fɔ fei iŋɛ aa ceò icɛ.

Zeremi 51:9

À waa bi Babilɔni ku ba irii, amma kù ba iri. Debɛi ka fũsiɛ awɔ, nɔ awa fei ka sa ka nɛ ilɛi ide nwa. Ijuukpãɛu í bɔ hee lelei Aɔ̃, nɔ wa lu kudũi ijĩ ŋa.

Zeremi 7:15

Nɔ an lele ŋɛi hai si wajum hee jĩijĩ, bɛi ǹ lele tɔkui Efaraimu nyaanze nŋɛ ŋau.

Kukpata 5:16

Bɛɛrɛ nwa í kpa iri. Irei ì gbɔ wahala nla nla na dulum iyi à ce.

Ezekiɛli 16:23

Inɔ kufɔi á jɛ titɛɛ si anyii laalɔ ŋa iyi ì ceu fei. Amu Aɔ̃ Lafɛ̃ɛi ǹ fɔ bɛɛbɛ.

Ezekiɛli 18:2

Ezekiɛli, na mii í jɔ̀ si ilɛi Izirɛli inɛ ŋa à ya maa kpa mɔndau ihɛ̃ a maa ni, baa ŋa à jɛ isoi rezɛ̃ɛ iko nɔ gɛlɛi amu ŋa í bɔ.

Ezekiɛli 18:25

Ì ya fɔ i maa ni ŋa lasabui amu Aɔ̃ Lafɛ̃ɛ kù jɛ dee dee. I sotĩ i gbɔ, iŋɛ inɛi Izirɛli ŋa, lasabum nii kù jɛ dee dee? Mà lasabu nŋɛ ŋa.

Ezekiɛli 34:6

Mɛɛmu gaam ŋau à fangaa si iri kuta ŋa do si geete ŋa fei. Mɛɛmum ŋau à fangaai si ilɛu fei, inɛ gɔ kù waa cɔ ŋa, nɔ inɛ gɔ kù bɔ ku dɛdɛ nŋa.

Ozee 11:2

Amma si anyiɛ, inɛi Izirɛli ŋa à na à nɛ hee jĩijĩ. Nɔ bɛi à waa kpe ŋa fei, bɛɛbɛi à ya maa jĩò inɛ ŋa iyi à waa kpe ŋau. À ya maa cea iwɛ̃ ŋa iyi à ya kpe Baali ŋau kuwee nɔ à ya joa iwɛ̃ mmu ŋa tuae ŋa.

Ozee 5:7

Inɛ ŋau à zamba Aɔ̃ Lafɛ̃ɛi, domi à bí amu ŋa do abo ŋa iyi aŋaò ŋa a kù ce abɔdɔ̃. Na nŋu, hai ihɛ̃ ku bɔ cukpa akã, aa ce nfei ilɛ nŋaui do amani nŋa ŋa.

Ozee 7:1

Waati iyi ǹ wa n bi n faaba inɛi Izirɛli ŋa, kurarai inɛi Efaraimu ŋa do laalɔ ku cei inɛi Samari ŋai ǹ ya n maa n yɛ, domi iboi à ya maa sɔ, nɔ à ya lɔ inɔ kpasɛ̃ ŋai a maa ce ile bata ngba. Woo ce daa sãmi ŋau à ya maa gba mii ndii inɛ ŋai si kpãa ŋa.

Ozee 7:3

À ya jɔ̀ inɔi ilaalu ku maa dɔ̃i na laalɔ iyi à waa ceu. Do ibo nŋai à ya fɔtɔtɔi lasabui akawe ŋau.

Ozee 9:12

Bii à bíi ama inɛmɔkɔ nŋa ŋa, an ya n kpa ŋai hee a maa la a maa ce awaasũ ŋa. Ntɔ ntɔ, inɔ kufɔi á jɛ tu ŋa waati iyi an sɛkɛɛ n jĩò ŋa.

Ozee 9:17

Aɔ̃ Lafɛ̃ɛm á fũsi ŋa awɔi si na iyi í jɔ̀ à kɔ̀ ku gbɔ ideɛ. Na nŋu, aa ya maa sa a maa dabii si ilɛ mmu ŋa.

Zonasi 1:10

Ŋɔi zigii inɛ ŋau í da ntɔ ntɔ si bɛi à gbɔ iyi Aɔ̃ Lafɛ̃ɛi wa saa, domi bɛɛbɛi í sɔ̃ ŋa. Ŋɔi à ni, na mii í jɔ̀ ì ce bɛɛbɛ.

Zonasi 1:3

Amma Zonasi í dasi idɔ nŋu ku saa Aɔ̃ Lafɛ̃ɛ nŋu ku nɛ ikpa Taasi. Si bɛɛbɛi í bɔ Zopee nɔ í ba akɔi inyi gɔ iyi wa bɔ ikpa Taasi. Ŋɔi Zonasi í sã fia nɔ í lɔ akɔu do zamaau ajɔ à waa nɛ Taasi.

Misee 6:12

Ilu amani ŋau à ya maa taa inɛ ŋa gbugbãi. Inɛi ilu ŋau iboi à ya bi. Nɔ do idei gɛlɛ nŋai à ya maa zambaò inɛ ŋa.

Misee 6:4

Amui ǹ nya bala nŋɛ ŋa wa hai ilɛi Ezibiti bii à waa jɛ aru, nɔ ǹ jɔ̀ Moizi do Arɔ̃ɔ do Mariama à gbã ŋa wa.

Matie 23:37

Jesu í ni, iŋɛ inɛi Zeruzalɛmu ŋa, iŋɛi ì ya kpa walii ŋa nɔ i ta amaabɛi Ilaaɔ̃ ŋa mɔ kuta i kpa ŋa ŋa. Isɛ fɛloi ǹ ya n bi n tɔtɔɔ ŋɛ si abɛm bɛi ajɛɛ í ya tɔtɔɔ amaɛ ŋa si ikpaɛ, amma i kù jɛ ŋa.

Wooda ku kɔsi 15:15

I ye gigii iyi iŋɛ mɔ ì tako ì jɛ aru wo si ilɛi Ezibiti, nɔ Aɔ̃ Lafɛ̃ɛ í ya ŋɛ í jɔ̀ ì nɛ ara nŋɛ ŋa. Na ŋɔi í jɔ̀ ǹ wa n na ŋɛ woodau ihɛ̃ nnyi ŋa.

Zãa 1, 1:10

Bii à ni a kù ce dulum à waa ce Ilaaɔ̃ ilu iboi, nɔ ideɛ kù wa si wa.

Kuyɛi Zãa 8:13

Iyi ǹ cɔ ilu má nɔ ǹ yɛ kungbã wa fo hee lelei Aɔ̃. Kungbãu wa kpata wa dɔ̃ anu hee lele wa ni, waiyooi, iko í jɛm, iko í jɛm. Bɛirei ijuukpãi inɛi andunya ŋa á to si waati iyi amaleka mɛɛta ŋa iyi à gbe ŋau aa fã kãakãakĩ nŋa.