Ozee 7:11 - Bibeli do fee

¹¹ Inɛi Efaraimu ŋa à yɛi bɛi ankasiidi. Lasabu nŋa kù jĩisa nɔ a kù nɛ bisi. Inɛi Ezibiti ŋai à kpe. Si anyiɛ, nɔ à dede à nɛ ilɛi Asiri.

Ozee 7:11 Iomraidhean Croise

Ilaalu 2, 15:19

Ŋɔi Pulu ilaalui Asiriu í naa si ilɛi Izirɛli nɔ Menahɛmu í mua isɔ fũfũ tɔnu kuntaa ku ba ku sobiɛ ku jɔ̀ bommaɛ ku nɛ gbugbã.

Ilaalu 2, 16:7

Ŋɔi Ahazi í bɛ inɛ ŋa bi Tigilati-Pilezɛɛ ilaalui Asiriu a koo a sɔ̃ɔ a ni, amu Ahazi ǹ jɛ amaɛ nɔ ǹ jɛ woo ce icɛɛ. Dede wa i naa i gbam hai si awɔi ilaalui Siri do ti Izirɛli ŋa iyi à dede sim.

Mɔnda ŋa 15:32

Inɛ iyi kù bi a fɔ siɛ ide í donda araɛi, amma inɛ iyi í ya gbɔ kai á jɛ ilu laakai.

Mɔnda ŋa 17:16

Aranfãani mii fia í nɛ si awɔi nnyɛi. Kaa yɔkɔ ku raò baa bisi domi í ce nnyɛi tã.

Mɔnda ŋa 6:32

Amma inɛ iyi í lɛlɛ inaabo aŋaò à ce sakara nnyɛii. Inɛ iyi í ce bɛɛbɛ, á ce nfei.

Zeremi 2:18

To. Nsɛi, mii í ce ì waa bɔ ilɛi Ezibiti. Inyii Nilii ì waa bɔ ku mɔ? Mii í ce ì waa bɔ ilɛi Asiri. Inyii idoɛui ì waa bɔ ku mɔ?

Zeremi 2:36

Na mii í ce ì yaa ì mu kpãa mmu ŋa. Anyɔi á mu ŋɛ wa hai ilɛi Ezibiti bɛi í mu ŋɛ wa hai ilɛi Asiriu.

Ozee 11:11

Nɔ aa baai hai ilɛi Ezibiti do kuyaya bɛi yɛi. Hai Asirii mɔ, aa baai bɛi ankasiidi. Nɔ ide nŋai an jɔ̀ a naa a buba. Ide iyi amu Aɔ̃ Lafɛ̃ɛ ǹ fɔ mbɛ.

Ozee 12:1

Ŋɔi Aɔ̃ Lafɛ̃ɛ í ni, zamaai Efaraimu í kaakom nii do muafiti, nɔ inɛi Izirɛli ŋa mɔ à biim nii do zamba. Inɛi Zudaa ŋai à waa nɛ do amu Ilaaɔ̃ amma aŋa mɔ a kù leekĩ dee dee, domi a kù fũsi iwɛ̃ ŋa awɔ.

Ozee 12:2

Inɛi Efaraimu ŋai à ya kooa inɛi Ezibiti ŋa ikpo, nɔ à dĩ akabuu do inɛi Asiri ŋa. À dĩ kpaasi do inɛ ŋa iyi a kù jɛ ngɔgɔ, nɔ à ya maa sɛii si fufu ajɔ fei. À ya dabii a maa sɔ iboi a maa ceò laalɔ ŋa.

Ozee 14:3

Na nŋu, i sinda i nyi wa bi Aɔ̃ Lafɛ̃ɛ nɔ i sɔ̃ɔ ŋa i ni, ce nwa suurui kurara nwa ŋau fei, nɔ i gba wa do jiida ku jɛ. Idei gɛlɛ nwa ŋai aa jɛ kuwee iyi aa ka maa ceɛ.

Ozee 4:11

Sakara ku ce do vɛ̃ɛ titɔ̃ ku mɔi í jɔ̀ zamaam nɔu kù nɛ iri.

Ozee 4:6

Ntɔ ntɔ, zamaam wa ce nfei si na iyi í jɔ̀ kù nɛ kumà. Nɔ si na iyi í jɔ̀ awɔ takaɛ i kù bi i màm, an nyaɛ hai si icɛm nii. Nɔ si bɛi ì gbɛjɛ woodai amu Aɔ̃ Lafɛ̃ɛɛ, bɛɛbɛ mɔi amu mɔ an gbɛjɛ amaɛ ŋa.

Ozee 5:13

Inɛi Efaraimu ŋa à yɛ bɔ̃ɔ iyi aŋa à nɛ, nɔ inɛi Zudaa ŋau mɔ à yɛ juju iyi aŋa à nɛ. Efaraimu í dede í bɔ Asiri, nɔ í bɛ inɛ ŋa bi ilaalui Yarɛbu. Amma ilaaluu bɛ kaa yɔkɔ ku jɔ̀ a ba iri, nɔ kaa ba nŋa iwɔi jujuu.

Ozee 5:4

Mii iyi inɛi Izirɛli ŋau à ce kaa jɔ̀ a nyi wa bi Aɔ̃ Lafɛ̃ɛ nŋa má, domi lasabui iwɛ̃ ŋa ku tɔɔu í wa si ŋa nɔ a kù mà Aɔ̃ Lafɛ̃ɛ.

Ozee 8:13

À ya ce kuwee do mɛɛmu ŋa a naam wai, si na iyi í jɔ̀ à ya bi iŋa ku ŋɔ. Amma amu Aɔ̃ Lafɛ̃ɛ, n ci ya n gba kuwee nŋa ŋau. Bɛbɛi, ǹ ye gigii kurara nŋa ŋau, nɔ an kpã ŋa ijui na dulum du ŋa ŋau. Inɛ nŋu ŋau, aa sinda a nyi ilɛi Ezibiti mái.

Ozee 9:3

Inɛi Efaraimu ŋau a kaa yɔkɔ a buba si ilɛi Aɔ̃ Lafɛ̃ɛu. Aa sinda a nyi ilɛi Ezibitii walakɔ a bɔ ilɛi Asirii tengi bii aa jɛ sɔnda ŋa iyi à jɛ iwɔ̀.

Ozee 9:6

Waati iyi aa na i fita hai si ilɛ nŋɛ iyi aa lɛgɛu, ilɛi Ezibiti á gba ŋɛ, nɔ ilu nlai Nɔfui á jɛ balɛ nŋɛ, nɔ kakayɛtɛ ŋai aa bii amani jiida nŋɛ ŋa iyi à ce do isɔ fũfũ ŋau fei, nɔ wua tũtũ ku nɛ agũ ŋai aa bii bi kuwa nŋɛ ŋau fei.

Abudiasi 1:7

Inɛ ŋa iyi iŋɛò ŋa ì nɛ anu akã ŋa aŋai aa zamba ŋɛ nɔ a lele ŋɛ hai si ilɛ nŋɛ. Inɛ ŋa mɔ iyi à jɛ kpaasi nŋɛ ŋa aa ta nŋɛ gbugbã a kãmia ŋɛ. Inɛ ŋa iyi iŋɛò ŋa ì ya jɛ sɔnda ŋa aa le nŋɛ cɛkũm, nɔ aa fɔ a ni i kù waa nɛ iri ŋai.

Matie 10:16

Jesu í sɔ̃ ŋa má í ni, wee ǹ wa n bɛ ŋɛ nɔ aa yɛ ŋai bɛi angudã ŋa si inɔi mbo ŋa. Na nŋu, i jɔ̀ i nɛ bisi bɛi njo ŋa, nɔ i jɛ hai ce laalɔ bɛi ankasiidi ŋa.