Ozee 7:10 - Bibeli do fee

¹⁰ Inɛi Izirɛli ŋau, ilu faau ŋai. Faau nŋai í jɛ sɛɛdai kurara nŋa. Inɛi Izirɛli ŋau à kɔ̀ ku nyi wa bi amu Aɔ̃ Lafɛ̃ɛ nŋa. Baa do mii ŋa iyi í ba ŋau bɛ fei, a kù dɛdɛɛm.

Ozee 7:10 Iomraidhean Croise

Iri ku kɔ̃ 10:4

Ilu inɔ kukã í ya fɔi do yaako si idɔɛ ku maa ni, Ilaaɔ̃ ci ya kpã inɛ iju si nkãma. Ilaaɔ̃ kù wɛɛ.

Iri ku kɔ̃ 14:2

Aɔ̃ Lafɛ̃ɛ wa cɔ inɛ ŋa wa hai lelei Aɔ̃ ku ba ku yɛ bii ilu laakai gɔ í wɛɛ iyi wa dɛdɛɛ.

Iri ku kɔ̃ 53:2

Nnyɛi í ya fɔi si idɔɛ ku ni, Ilaaɔ̃ kù wɛɛ. Inɛ dimi bɛɛbɛ ŋa à bɛjɛi. Aŋa fei mii laalɔ do mii iyi kù jɛ dee deei à waa ce. Inɛ kãma kù wɛɛ iyi wa ce jiida.

Mɔnda ŋa 27:22

Baa bii ì dasi nnyɛi si inɔ ido ì tutuɛ do amaado bɛi à ya tutu amaajɛ, i kaa yɔkɔ i fɛɛfɛɛ do kuce hai nɛ yaaseɛ.

Ezai 9:12

Do yaase bɛɛbɛi Ilaaɔ̃ í kpã ŋaò iju, amma do nŋu fei, a kù sinda a kù nyi bi tɛɛ nŋu iyi í jɛ Aɔ̃ Lafɛ̃ɛi lele do ilɛ.

Ezai 9:13

Na ŋɔi í jɔ̀ Aɔ̃ Lafɛ̃ɛ á bu irii inɛi Izirɛli ŋau do akpaamu nŋa. Á da amaawɔi kpakpai do njee si ajɔ akã.

Zeremi 3:3

Na ŋɔi í jɔ̀ ǹ kɔ̀ɛ ijĩ, nɔ agbɛ í mu si jɛadɔ̃u. Amma ì lele idɔɛ ì waa mɔsi do icu ku taɛ, nɔ anyɔ kù waa muɛ.

Ozee 13:14

Amu Aɔ̃ Lafɛ̃ɛ, an faaba inɛ ŋau hai si bi kuwai iku ŋa? An ya ŋa wa hai si iku? Iku, hee iwoi jĩnɛi igũɛ ŋa à wa. Iku, hee iwoi gbugbãɛ í wa. Araare ku ce kaa wɛɛm má.

Ozee 5:5

Faaui inɛi Izirɛli ŋai í jɛ sɛɛdai kuce nŋa. Inɛi Izirɛli do inɛi Efaraimu ŋau à koosɛi na kurara nŋa, nɔ inɛi Zudaa ŋau mɔ à koosɛ do aŋa.

Ozee 6:1

Aa na i fɔ i maa ni ŋa, ka koo, ka nyi bi Aɔ̃ Lafɛ̃ɛ. Nŋui í mɛɛ wa, nɔ nŋui á jɔ̀ kumɛɛu ku tã. Nŋui í cã wa, nɔ nŋui á jɔsi kumɛɛ nwa ŋau iwɔ.

Ozee 7:7

Aŋa fei à ya maa gbãai bɛi inai bi ku sɔ̃ pɛ̃ɛ, nɔ à ya ce nfei inɛ ngbo nŋa ŋaui. Ilaalu nŋa ŋau mɔ à ya maa cukui akã akã, nɔ kãma nŋa ci ya kpem.

Sofoni 1:6

Amu Aɔ̃ Lafɛ̃ɛ, an ce nfei inɛ ŋa iyi à sinda à toom anyi ŋaui, aŋa iyi a kù waa dɛdɛɛm nɔ a kù waa beem ide kãma ŋau.

Zakari 1:4

Ǹ wa n tɔɔ ŋɛ, i maà ti i sisi bala nŋɛ ŋa. Hai kukpɛi waliim ŋa à sɔ̃ ŋa idem, à ni a jɔ̀ kuwɛɛ laalɔ do kookoosu laalɔ nŋa ŋa iyi à waa ceu, amma a kù bi ku gbɔ mɔm hee a jirimam.

Romu 3:11

Inɛ gɔ kù wɛɛ iyi í nɛ bisi. Inɛ gɔ kù nɔ kù wɛɛ iyi wa dɛ Ilaaɔ̃.