Ozee 7:1 - Bibeli do fee

¹ Waati iyi ǹ wa n bi n faaba inɛi Izirɛli ŋa, kurarai inɛi Efaraimu ŋa do laalɔ ku cei inɛi Samari ŋai ǹ ya n maa n yɛ, domi iboi à ya maa sɔ, nɔ à ya lɔ inɔ kpasɛ̃ ŋai a maa ce ile bata ngba. Woo ce daa sãmi ŋau à ya maa gba mii ndii inɛ ŋai si kpãa ŋa.

Ozee 7:1 Iomraidhean Croise

Ezai 28:1

Inɔ kufɔi í jɛ ti Samari ilu iyi í yɛ bɛi fulai ilaalu nɔ wa jɛ faaui woo mɔ atɛ̃ ŋa si dimii Efaraimu ŋa. Ilu iyi wa jɛ boodaɛ nɔ í wa si antaii iri kuta iyi wa cɔ lɔɔma ku nɛ taasiu wa do ikpa ilɛ, í yɛi bɛi kokoi jĩi iyi í gbɛ si irii inɛ ŋa iyi atɛ̃ vɛ̃ɛ wa kpa ŋau.

Ezai 59:12

Ntɔ ntɔ, Aɔ̃ Lafɛ̃ɛ, kurara nwa ŋa í kpɔ í caa si wajuɛ, nɔ dulum du wa ŋa à waa yɛ taale nwa bi titɛɛ. Wooda ku kua í wa si wa, nɔ à mà kurara nwa ŋa.

Ezai 59:13

À ce ide ku kɔ̀ bi tɛɛ Aɔ̃ Lafɛ̃ɛ nɔ à zambaɛ. À kɔ̀ ku tooɛ awɔ Aɔ̃ Lafɛ̃ɛ nwa. Ide kulele ŋai à ya ka maa fɔ nɔ à ya ka bɛjɛ mii jiida ŋa. À ya ka ce sɔɔlui ibo ŋa si idɔ nwai nɔ ka maa lasabu si.

Ezai 59:14

Do yaase bɛɛbɛ, ntɔ kù wa si anini nwa má, nɔ à jĩòɛ. À bii ntɔ si bantuma, nɔ kù wɛɛ má.

Zeremi 51:9

À waa bi Babilɔni ku ba irii, amma kù ba iri. Debɛi ka fũsiɛ awɔ, nɔ awa fei ka sa ka nɛ ilɛi ide nwa. Ijuukpãɛu í bɔ hee lelei Aɔ̃, nɔ wa lu kudũi ijĩ ŋa.

Ezekiɛli 16:46

Igbãɛ iyi í wa ikpa awɔ cangaɛ, Samarii do ama inaaboɛ ŋai, nɔ ifɔɛ iyi í wa ikpa awɔ njɛɛ, Sodomu do ama inaaboɛ ŋai.

Ezekiɛli 23:4

Irii igbãui Ohola nɔ ti ifɔɛ mɔ Oholiba. Aboi amu Aɔ̃ Lafɛ̃ɛi à jɛ wo, nɔ à bíim ama inɛmɔkɔ ŋa do ama inaabo ŋa. Ohola nŋui í jɛ Samari nɔ Oholiba mɔ nŋui í jɛ Zeruzalɛmu.

Ezekiɛli 24:13

Zeruzalɛmu, kuraraɛi í jɔ̀ ì riisi. Ǹ bi ǹ wɛɛ i maajui wo, amma ì kɔ̀. Nsɛi, i bɛi i maaju, í gbe bii idɔɔkɔ̃m í naa siɛ.

Ozee 10:5

Inɛi ilui Samari ŋa aa wɛɛò inɔ kufɔ na ama kɛtɛi Bɛti-Avɛni. Zamaaɛ ŋa do woo weeɛ ŋa, aa wɛɛò inɔ kufɔi ikui iwɛ̃ui. Aa maa yayai na iriɛ na bɛɛrɛɛ iyi wa nɛ ilɛ mmu hee jĩijĩ.

Ozee 11:8

Do nŋu fei, Efaraimu, an yɔkɔ n fũsiɛ awɔ? Izirɛli, an yɔkɔ n soɛ n daa inɛ ŋa si awɔ? An yɔkɔ n ceɛ bɛi ǹ cea ilui Adima? N jɔ̀ i baa i yɛ bɛi ilui Seboimu? Ntɔ ntɔ, lasabum í fɔtɔtɔ, nɔ araareɛ iyi ǹ nɛ, í la ntɔ ntɔ.

Ozee 12:1

Ŋɔi Aɔ̃ Lafɛ̃ɛ í ni, zamaai Efaraimu í kaakom nii do muafiti, nɔ inɛi Izirɛli ŋa mɔ à biim nii do zamba. Inɛi Zudaa ŋai à waa nɛ do amu Ilaaɔ̃ amma aŋa mɔ a kù leekĩ dee dee, domi a kù fũsi iwɛ̃ ŋa awɔ.

Ozee 12:2

Inɛi Efaraimu ŋai à ya kooa inɛi Ezibiti ŋa ikpo, nɔ à dĩ akabuu do inɛi Asiri ŋa. À dĩ kpaasi do inɛ ŋa iyi a kù jɛ ngɔgɔ, nɔ à ya maa sɛii si fufu ajɔ fei. À ya dabii a maa sɔ iboi a maa ceò laalɔ ŋa.

Ozee 4:17

Inɛi Efaraimu ŋa à so ara nŋa à dasi iwɛ̃ ŋa ku tɔɔ. I jɔ̀ ŋa bɛ ŋa.

Ozee 4:2

Mii iyi í wa si anini nŋai í jɛ ikpe do ibo do inɛ ku kpa do ile do sakara do inɛ ku taa gbugbã. À ya so waati nŋa feii a maa kpaò inɛ ŋa.

Ozee 5:1

Iŋɛ woo wee ŋau, i sotĩ i gbɔ ku ce ncɛɛ ŋa. Iŋɛ mɔ inɛi Izirɛli ŋa, i ce laakai ŋa. Iŋɛ mɔ inɛi kpasɛ̃i ilaalu ŋa, i sotĩ i gbɔ ŋa. Iŋɛi à waa fãa si gãmɛi idei kiitiu bɛ, domi Misipa bɛ iŋɛi ì jɛ bɛi cɛkũm bi inɛm ŋau, nɔ ì jɛ má ŋa bɛi taa iyi à le si iri kutai Tabɔɔ.

Ozee 6:4

Iŋɛ inɛi Efaraimu ŋa, bɛirei an ce nŋɛ. Iŋɛ inɛi Zudaa ŋa, bɛirei an ce nŋɛ. Naanɛ nŋɛ í yɛɛm nii bɛi kudũi ijĩi daadaakɔ, walakɔ bɛi ikpãi daadaakɔ iyi í ya wɔ anu akã.

Ozee 7:13

Inɔ kufɔi á ba ŋa si na iyi í jɔ̀ à saam à nɛ hee jĩijĩ. Nfe ku cei á ba ŋa si na iyi í jɔ̀ à dedeò ide ku kɔ̀ si gãmɛm. À waa sɔ ibo ŋa si gãmɛm. To, bɛirei an ce n faaba ŋa má.

Ozee 8:5

Iŋɛ inɛi Samari ŋa, Aɔ̃ Lafɛ̃ɛ í kɔ̀si kɛtɛ kombo saasaabɔ nŋɛ iyi ì ce ŋa. Nɔ í ni, ǹ wɛɛò idɔɔkɔ̃ na iri nŋa. Kuwɛɛ nŋɛ do taaleu, hee waati yoomai á leekĩ.

Ozee 8:9

À dedei à nɛ ilɛi Asiri. A kù yɛi bɛi sɛnga iyi í wɛɛ nŋu akãɛ. Inɛi Efaraimu ŋa aa sãi na akabuu iyi à dĩ do inɛi ilɛ mmu ŋau.

Amɔsu 3:10

Aɔ̃ Lafɛ̃ɛ í ni, inɛ ŋau a kù mà mii iyi í jɛ dee dee ku ce. À waa tɔtɔɔ amani ŋai do gbugbã, do bata ngba si inɔ kpasɛ̃ nŋa ŋa.

Amɔsu 3:9

I fɔ si inɛi Asidodi do inɛi Ezibiti ŋa ide i ni, i tɔtɔɔ wa ŋa si iri kutai Samariu, nɔ i cɔ daa sãmi ikã ikãi inɛi Samari ŋa do njɛ ku taa gbugbã ŋa iyi í wa si anini nŋa.

Amɔsu 8:14

Aŋa iyi à waa ce kugbasi do irii iwɛ̃i Samari ŋa nɔ naanɛ nŋa í wa si iwɛ̃i inɛi Dãa ŋa do iwɛ̃i inɛi Bɛɛseba ŋau à waa ceò iro nŋa, aŋa fei aa cukui nɔ a kaa dede má.

Misee 6:16

Ikɔi ilaalu Ɔmurii ì ya maa gbɔ ŋa, nɔ ì ya maa too si ikɔ do kucei amaɛ Akabu do ti inɛi kpasɛ̃ɛ ŋau ŋa. Na ŋɔi í ce an fũsi ŋɛ awɔ a ce nfe nŋɛ. An jɔ̀ a tɛɛsɛ ŋɛi i jɛ dɔ̃anyi ŋa, nɔ iŋɛi aa yɛ anyɔi inɛm ŋau ŋa.

Matie 23:37

Jesu í ni, iŋɛ inɛi Zeruzalɛmu ŋa, iŋɛi ì ya kpa walii ŋa nɔ i ta amaabɛi Ilaaɔ̃ ŋa mɔ kuta i kpa ŋa ŋa. Isɛ fɛloi ǹ ya n bi n tɔtɔɔ ŋɛ si abɛm bɛi ajɛɛ í ya tɔtɔɔ amaɛ ŋa si ikpaɛ, amma i kù jɛ ŋa.

Luku 13:34

Iŋɛ inɛi Zeruzalɛmu ŋa, iŋɛ iyi ì ya kpa walii ŋa, nɔ i ta ama abɛi Ilaaɔ̃ ŋa mɔ kuta i kpa ŋa ŋa, isɛ fɛloi ǹ ya n bi n tɔtɔɔ ŋɛ si abɛm bɛi ajɛɛ í ya tɔtɔɔ amaɛ ŋa si ikpaɛ, amma i kù jɛ ŋa.

Luku 19:42

ǹ bi i mà ŋa wo mii iyi á mu nŋɛ laakai ku sũ baa nnyi. Amma nsɛi í manji nŋɛ.