Ozee 6:9 - Bibeli do fee

⁹ Do yaase bɛi wuaai sooge ŋa, à ya maa manjia inɛ ŋa ku ba a kpa ŋa, do yaase bɛɛbɛi wuaai woo wee ŋau à ya manjia inɛ ŋa a maa kpa ŋa si kpãai Sikɛmu. Nɔ iyi bɛ, mii laalɔi.

Ozee 6:9 Iomraidhean Croise

Kusintii Andunya 12:6

Aburamu wa dabii si ilɛu fei hee í koo í tosiò ilu iyi à ya kpe Sikɛmu hee bi agboi Mɔre. Waati bɛɛbɛ inɛi Kanaã ŋa mɔi à wa si ilɛu.

Ilaalu 1, 12:25

Ŋɔi Zeroboamu í koo í ma bindi í kaako ilui Sikɛmu si iri kutai Efaraimu ŋau, nɔ í ce kpasɛ̃ɛ bɛ. Si anyiɛ nɔ í fita í koo í ma bindi í kaako ilui Penuɛli mɔ.

Ɛsidarasi 8:31

Si ajɔ maateejisiai cukpa sinteu à dede hai ido iyi à ya kpe Ahavau à waa nɛ ikpa Zeruzalɛmu. Si isɛɛnɛ nwau Ilaaɔ̃ í wɛɛ do awa nɔ í nya wa hai si awɔi mbɛɛ ŋa do inɛ ŋa iyi à bi a zamba wa a ce wa ile.

Zeremi 11:9

Ŋɔi Aɔ̃ Lafɛ̃ɛ í sɔ̃m má í ni, inɛi Zudaa do inɛi Zeruzalɛmu ŋa à dĩ tɔɔsii laalɔ ku ce.

Ezekiɛli 22:25

Waliiɛ ŋa à yɛi bɛi muusu nla iyi wa dɔ̃ anu wa ŋɔò mɛɛmu iyi í mu. À waa kpa inɛ ŋa, à waa ko fia nŋa ŋa do mii jiida nŋa ŋa, nɔ à jɔ̀ jaaɔ̃ ŋa à waa kɔ̃ si inɔ iluu.

Ezekiɛli 22:27

Inɛ ngbo ŋau à ya maa kpa inɛ ŋai bɛi mɛɛmui sako ŋa. À ya nya hunde ŋai a bɛi a ko fia nŋa ŋa.

Ezekiɛli 22:9

Irii inɛ ŋa ku sɔ í ya jɔ̀ a maa kpa inɛ ŋai. À ya maa jɛ sɔndai kuwee ŋai si iri kuta ŋa. À ya maa jɛ kuwɛɛ nŋai si sakara.

Ezekiɛli 23:27

An leekĩ kuwɛɛ hai nɛ yaase do sakara iyi ì ya maa ce wa hai ilɛi Ezibitiu. Kɔdɛɛɛ do lasabuɛ kaa wa si inɛi Ezibiti ŋau má.

Ozee 2:10

Abou kù mà iyi amui ǹ ya n tako n maa n mua nŋu sɔnda wo, do vɛ̃ɛ do ikpo. Amui ǹ muaa fia do wura, nɔ í soo í cea iwɛ̃ iyi à ya kpe Baali amuaɛ.

Ozee 4:2

Mii iyi í wa si anini nŋai í jɛ ikpe do ibo do inɛ ku kpa do ile do sakara do inɛ ku taa gbugbã. À ya so waati nŋa feii a maa kpaò inɛ ŋa.

Ozee 5:1

Iŋɛ woo wee ŋau, i sotĩ i gbɔ ku ce ncɛɛ ŋa. Iŋɛ mɔ inɛi Izirɛli ŋa, i ce laakai ŋa. Iŋɛ mɔ inɛi kpasɛ̃i ilaalu ŋa, i sotĩ i gbɔ ŋa. Iŋɛi à waa fãa si gãmɛi idei kiitiu bɛ, domi Misipa bɛ iŋɛi ì jɛ bɛi cɛkũm bi inɛm ŋau, nɔ ì jɛ má ŋa bɛi taa iyi à le si iri kutai Tabɔɔ.

Ozee 5:2

Inɛ ŋa iyi à yaa à jɔ̀ kpãa ŋau, njɛ ku dikã nŋa í caa, amma amu Aɔ̃ Lafɛ̃ɛ, an na aŋa fei ikɔ jiida.

Ozee 7:1

Waati iyi ǹ wa n bi n faaba inɛi Izirɛli ŋa, kurarai inɛi Efaraimu ŋa do laalɔ ku cei inɛi Samari ŋai ǹ ya n maa n yɛ, domi iboi à ya maa sɔ, nɔ à ya lɔ inɔ kpasɛ̃ ŋai a maa ce ile bata ngba. Woo ce daa sãmi ŋau à ya maa gba mii ndii inɛ ŋai si kpãa ŋa.

Misee 3:9

Iŋɛ inɛ ngboi tɔkui Zakɔbu ŋa, do iŋɛ woo kiitii inɛi Izirɛli ŋa, i sotĩ i gbɔ ŋa, iŋɛ iyi i ci ya bi mii iyi í jɛ dee dee ŋa, iŋɛ iyi ì ya maa bɛjɛ ntɔ ŋa,

Misee 7:2

Si ilɛu, inɛ dee dee gɔ kù wɛɛ má, inɛ ŋa iyi à waa too ntɔ ŋa a kù wɛɛ má. Inɛ ku kpai inɛ nkpɔ nŋa fei í mu. Inɛ ŋa à ya maa zamba njɛi.

Sofoni 3:3

Ilaaluɛ ŋau à yɛi bɛi muusu nla ŋa iyi à waa dɔ̃ anu. Woo kiitiɛ ŋau à yɛi bɛi mbo ŋa si waatii alɛ, mbo ŋa iyi a kù nɛ nkãma iyi aa ŋɔ bii iju í má daakɔ.

Maaku 14:1

Si afei ajɔ minji jingaui Iku ku kua do ti Pɛ̃ɛ hai nɛ levɛ̃ɛ á to wa. Ŋɔi inɛ ngboi woo weei Ilaaɔ̃ ŋa do woo kɔ inɛ ŋa si wooda ŋau à waa dɛ kpãa bɛi aa ce a mu Jesu do bisi a kpaa.

Laabaau jiida iyi Zãa í kɔ 11:47

Ŋɔi inɛ ngboi woo weei Ilaaɔ̃ ŋau do Farisi ŋau à tɔtɔɔ inɛ ngboi woo ce kiiti ŋau mɔ à bee njɛ à waa ni, bɛirei aa ka ce. Inɛɛu wee í wasi maamaake nkpɔ nkpɔ ku ce.

Woo bɛ ŋa 4:24

Iyi à gbɔ ideu ŋɔi aŋa fei à tɔɔ Ilaaɔ̃ do anu akã à ni, Aɔ̃ Lafɛ̃ɛ, awɔi ì taka lele do ilɛ do tenku do mii iyi í wa si fei.