Ozee 6:8 - Bibeli do fee

⁸ Galaadi, ilui inɛ laalɔ ŋai. Tuubai njɛ iyi í dikãi wa kɔ̃ bɛ.

Ozee 6:8 Iomraidhean Croise

Samuɛli 2, 20:8

Waati iyi à maai bi kuta nla iyi í wa Gabaɔ̃ɔ, ŋɔi Amasa wa kò ŋa wa. Zoabu í dĩ taakuba si antaii jĩnɛ ŋa iyi wa dasi. Ŋɔi taakubau í yɔ hai si ankɔ̃ɔɛ í cuku si waati iyi Zoabu wa koo si Amasau.

Samuɛli 2, 3:27

Iyi Abinɛɛ í sinda í baa Eborɔ̃ɔ bɛ má, ŋɔi Zoabu í kpoo kɔkɔlɛ hee kɔkɔi andɛ koofai iluu, bɛi wa bi ku baa idei asii gɔ ku fɔ. Nɔ í gũu si caakaɛ í kpaa, í sãò gbesei ifɔɛ Azaɛli iyi Abinɛɛ í tako í kpau wo.

Ilaalu 1, 2:5

Ŋɔi Davidi í sɔ̃ Salomɔɔ í ni, ye gigii laalɔ iyi Zoabu amai Seruya í ceem. Nŋui í kpa Abinɛɛ amai Nɛɛ do Amasa amai Yetɛɛ inɛ ngbo minjii soogei Izirɛli ŋau. Mii iyi í ceu bɛ, idei igũi í naaò wa bɛ si waatii laakai ku sũ, nɔ í jɛ idei iriɛ.

Iri ku kɔ̃ 10:8

Í ya koo maa manji anyii ilu ŋai, ku maa kpa hai nɛ taale ŋa, nɔ ijuɛ si hai nɛ gbugbã ŋai í ya maa kãsi.

Iri ku kɔ̃ 141:4

Maà jɔ̀ n nɛ lasabui laalɔ ku ce, maà jɔ̀ n maa n too kucei ilu inɔ kukã ŋa, maà jɔ̀ n jɛ jingau do aŋa.

Iri ku kɔ̃ 59:2

Ilaaɔ̃ Lafɛ̃ɛm, nyam hai si awɔi mbɛɛm ŋa. Faabam si gãmɛi inɛ ŋa iyi à dede sim wa.

Zeremi 11:19

Ǹ yɛi bɛi ama angudã kurɔ iyi à gbã à waa bɔò bi ku kpa mɛɛmu ŋa, nɔ n kù mà lasabu iyi à waa ce na irim. À waa ni, ka kpa jĩi nɔu do isoɛ fei. Ka nyaa hai si ilɛ ihɛ̃ bii ilu hunde ŋa à wa, nɔ a maà ye gigii iriɛ má.

Ozee 12:11

Ǹ ba walii ŋa ide ku fɔ, ǹ jɔ̀ à ce kuyɛ ŋa nkpɔ nkpɔ, nɔ do saabui walii ŋau, ǹ fɔ idei mɔnda ŋa.

Ozee 12:12

Inɛi Galaadi ŋa à ce laalɔ, nɔ nkãma kù gbe nŋa má. Bi ku ce kuweei Giligaliu, à ce kuwee do kɛtɛ kombo ŋa. Amma nsɛi, bi ku ce kuwee nŋa ŋau, kuta ŋai iyi à waa timbi si inɔ iko ŋa.

Ozee 4:2

Mii iyi í wa si anini nŋai í jɛ ikpe do ibo do inɛ ku kpa do ile do sakara do inɛ ku taa gbugbã. À ya so waati nŋa feii a maa kpaò inɛ ŋa.

Ozee 5:1

Iŋɛ woo wee ŋau, i sotĩ i gbɔ ku ce ncɛɛ ŋa. Iŋɛ mɔ inɛi Izirɛli ŋa, i ce laakai ŋa. Iŋɛ mɔ inɛi kpasɛ̃i ilaalu ŋa, i sotĩ i gbɔ ŋa. Iŋɛi à waa fãa si gãmɛi idei kiitiu bɛ, domi Misipa bɛ iŋɛi ì jɛ bɛi cɛkũm bi inɛm ŋau, nɔ ì jɛ má ŋa bɛi taa iyi à le si iri kutai Tabɔɔ.

Misee 7:2

Si ilɛu, inɛ dee dee gɔ kù wɛɛ má, inɛ ŋa iyi à waa too ntɔ ŋa a kù wɛɛ má. Inɛ ku kpai inɛ nkpɔ nŋa fei í mu. Inɛ ŋa à ya maa zamba njɛi.

Woo bɛ ŋa 25:3

Nɔ à waa tɔɔɛ suuru ntɔ ntɔ ku ba kú jɔ̀ Pɔlu ku naa Zeruzalɛmu. À waa bi Pɔlu ku naa Zeruzalɛmui si na iyi í jɔ̀ à dĩ zamba nŋa aŋa a ba a kpaa kpãa.

Zozue 21:38

Si ilɛi dimii Gadi ŋa à ba bɛ mɔ ilu mɛɛ do ilɛɛko nŋa ŋa. Irii ilu ŋau wee. Ramɔti si ilɛi Galaadi iyi í jɛ ilu bi ku manjiu, do Mahanaimu do Hɛsebɔ̃ɔ do Yazɛɛ do ilɛɛko nŋa ŋa.