Ozee 6:7 - Bibeli do fee

⁷ Iŋɛ mɔ i kù jirima akabuum bɛi inɛi ilui Adamu ŋa. Si gãmɛu bɛi ì zambam ŋa.

Ozee 6:7 Iomraidhean Croise

Kusintii Andunya 3:11

Ŋɔi Ilaaɔ̃ í beeɛ í ni, yooi í sɔ̃ɛ í ni ì wɛɛ basĩ. Isa i kù na i kù jɛ isoi jĩi iyi ǹ ganjiɛ ku jɛu si ya.

Kusintii Andunya 3:6

Ŋɔi abou í yɔɔ iyi isoi jĩi nɔu í sĩa ku yɛ, á dɔ̃ ku jɛ, nɔ á jɔ̀ inɛ ku nɛ bisi má. Ŋɔi í kaa í jɛ, nɔ í ka í na mɔkɔɛ iyi í wa kɔkɔɛu nɔ nŋu mɔ í jɛ.

Ilaalu 2, 17:15

À fũsi woodai Ilaaɔ̃ ŋau awɔ, a kù jirima akabuuɛ iyi í dĩ do bala nŋa ŋau, nɔ a kù saaluɛ waati iyi í ni a ce laakai. Nɔ à koo à waa tɔɔ iwɛ̃ nfe ŋa nɔ aŋa taka nŋa à baa à jɛ nfe. À waa too kucei inɛi ilɛ ŋa iyi à kaako ŋa iyi Aɔ̃ Lafɛ̃ɛ í ganji ŋa a sisiu.

Zɔɔbu 31:33

Si bɛi inɛ nkpɔ nkpɔ í ya ce, ǹ singa kuraram do taalem ŋai?

Ezai 24:16

Nɔ à waa gbɔ ibai iri ku kɔ̃ wa hai si andunya gonta mɛɛu wa ni, amboe ku jɛ ti Ilaaɔ̃ inɛ dee deeu. Amma amu ǹ fɔ ǹ wa n ni, ǹ nyɔ mbɛ, ǹ nyɔ mbɛ. Inɔ kufɔi í jɛ titom. Woo zamba ŋau à waa ce zamba. Ntɔ ntɔ, à waa ce zamba.

Ezai 24:5

Inɛ ŋa iyi à wa si ilɛu, à jɔ̀ ilɛu í so riisi, domi a kù jirima woodai Aɔ̃ Lafɛ̃ɛ ŋau, nɔ a kù ceò ikɔɛ ŋa iyi à ba icɛ. Akabuu hai nɛ kɔɔ iyi í wa si gãmɛi aŋaò Aɔ̃ Lafɛ̃ɛ ŋau, à jɔ̀ í leekĩ.

Ezai 48:8

Iyi í re mɔm, i kù bi ku gbɔ ŋa, nɔ i kù bi nkãma ku mà ŋa. I kù ce laakai ajɔ kãma ŋa mɔm. Ǹ mà iyi iŋɛ woo zamba ŋai nɔ hai waati iyi à bí ŋɛ wa, woo kɔ̀ ide ŋai à ya kpe ŋɛ.

Zeremi 3:7

Ǹ wa n fɔ wo ǹ ni, bii í ce nŋu ŋau bɛ wa fei í tã, á nyi wa bi tom. Amma kù nyi wa. Nɔ ifɔɛ Zudaa hai jɛ dee deeu í yɔɔ.

Zeremi 31:32

Nɔ akabuuu kaa jɛ dimi bɛi ǹ tako ǹ dĩ do bala nŋa ŋa si waati iyi ǹ mu awɔ nŋa ǹ fitaò ŋa wa ilɛi Ezibitiu. Akabuu inɛ nŋu a kù kɔ̃ɔ baa do iyi ǹ jɛ Lafɛ̃ɛ nŋa fei.

Zeremi 34:18

Ŋɔi inɛ ngboi Zudaa ŋa do ti Zeruzalɛmu ŋau do akawe nla ŋau do woo wee ŋau hee do zamaai ilɛu fei à dĩ akabuu do amu. Si akabuu iyi à dĩu, à kpɛ̃ ama kɛtɛ gɔ iyi à ceò kuwee minji nɔ à lɔ si aninii kukpɛ̃ minjiu. Amma inɛ ŋau à kua akabuu iyi awaò ŋa à dĩu, a kù kɔ̃ akabuu nŋa ŋau. Na nŋu, an ce nŋai bɛi aŋa mɔ à cea ama kɛtɛ iyi à kpɛ̃ minjiu.

Zeremi 5:11

Ntɔ ntɔ, hai inɛi Izirɛli ŋa do inɛi Zudaa ŋau fei, kãma nŋa kù leekĩ do amu. Amu Aɔ̃ Lafɛ̃ɛi ǹ fɔ bɛɛbɛ.

Zeremi 9:6

Na ŋɔi í jɔ̀ Aɔ̃ Lafɛ̃ɛi lele do ilɛ í ni, an dasi ŋa inai n ba n jɔ̀ a má, domi bii kù jɛ bɛɛbɛ, n kù mà bɛi an cea inɛm ŋau ihɛ̃ má.

Ozee 5:7

Inɛ ŋau à zamba Aɔ̃ Lafɛ̃ɛi, domi à bí amu ŋa do abo ŋa iyi aŋaò ŋa a kù ce abɔdɔ̃. Na nŋu, hai ihɛ̃ ku bɔ cukpa akã, aa ce nfei ilɛ nŋaui do amani nŋa ŋa.

Ozee 8:1

Aɔ̃ Lafɛ̃ɛ í ni, i fã kuu ŋa i faò laakaii inɛ ŋa. Laalɔ í cuku wai si kpasɛ̃i Aɔ̃ Lafɛ̃ɛ bɛi kungbã í ya cuku wa hai lele, si na iyi í jɔ̀ a kù jirima akabuu iyi í wa si gãmɛi awaò ŋa nɔ à ce ide ku kɔ̀ si gãmɛi ikɔm ŋa.

Romu 5:14

Do nŋu fei, hai waatii Adamu hee ku naa si Moizi fei, inɛ ŋa à ya ku baa do iyi a kù kua wooda bɛi Adamu í ce. Aa ka yɔkɔ ka wã Adamu do inɛ iyi í na í naau.

Wooda ku kɔsi 31:20

An gbã zamaai Izirɛliui n lɔòɛ si ilɛ iyi ǹ cea bala nŋa ŋa kuwãɛ do kugbasi bii amɔ do nyikɔ̃ wa kɔ̃. Tengi bɛ, aa ba a jɛ hee a yo, nɔ aa maa wa si ididɔ̃. Aa na a sinda si iwɛ̃ ŋa a maa tɔɔ ŋa. Aa na a dondam nii nɔ aa fũ akabuu iyi í wa si gãmɛi awaò ŋa.

Ebɛɛ 8:9

Kaa yɛ bɛi iyi ǹ dĩ do bala nŋa ŋa, ajɔ iyi ǹ mu awɔ nŋa ǹ fitaò ŋa hai ilɛi Ezibiti. A kù leekĩ do akabuu iyi ǹ dĩ do aŋa. Na nŋu, ǹ ce si ŋa atafii. Ideu bɛi, amu Aɔ̃ Lafɛ̃ɛ ǹ fɔ.