Ozee 6:6 - Bibeli do fee

⁶ Ntɔ ntɔ, kù jɛ kuwee ŋai ǹ bi, amma ǹ bi i jɛ ilu naanɛ ŋai. Ǹ bi i mà ŋa iyi amui ǹ jɛ Aɔ̃ Lafɛ̃ɛ. Inɛ nŋu bɛ í re i maa ceem kuwee ŋa iyi à ya jo si ina fei sãa sãa.

Ozee 6:6 Iomraidhean Croise

Bomma 1, 28:9

Nɔ awɔ mɔ amam Salomɔɔ, jɔ̀ i mà Aɔ̃ Lafɛ̃ɛi baaɛ. Jɔ̀ i tɔɔɛ do inɔ akã, do lasabu jiida, domi Aɔ̃ Lafɛ̃ɛ wa yɛ idɔi amanɛ ŋa nɔ í ya wusɛ idɔɛ ku mà lasabuɛ ŋa fei. Bii ì waa dɛdɛɛ, á jɔ̀ i yɔɔ. Amma bii ì kɔ̀siɛ á fũsiɛ awɔi hee do ajɔ fei.

Iri ku kɔ̃ 50:8

Kù jɛ na kuweeɛ ŋai ǹ wa n yɛ taaleɛ. Ntɔ ntɔ kuweeɛ ŋa iyi ì ya maa jo si ina fei sãa sãau à waa to wa sim ajɔ fei.

Mɔnda ŋa 21:3

Bii amanɛ í nɛ daa jiida nɔ wa ce mii iyi í sĩa, í ya dɔ̃a Aɔ̃ Lafɛ̃ɛ si ku re bii wa ceaa kuwee ŋa.

Woo lasabu 5:1

Maà fɔ ide do saasa nɔ i maà ya saasa i cea Ilaaɔ̃ kuwã, domi Ilaaɔ̃ í wa lele nɔ awɔ mɔ ilɛi ì wa. Debɛi, jɔ̀ ide nkpɔ ku fɔ.

Ezai 1:11

Bɛi Aɔ̃ Lafɛ̃ɛ í ni má wee. Í ni, n kù nɛ bukaatai kuwee nkpɔ nkpɔ nŋɛ ŋa. Kuwee ŋa iyi à ce do angudã kombo ŋa iyi à jo si ina fei sãa sãa do ti ikpoi ama kɛtɛ ŋau í to. N kù nɛ inɔ didɔ̃ kãma si njɛi kɛtɛ kombo ŋa do ti ama angudã ŋa do ti iwo kombo ŋa.

Ezai 58:6

Dimii anu ku dĩ iyi ǹ bii í jɛ, i fũ inɛ ŋa iyi à kpati do sesee si ngbɛ ngbɛ. Inɛ ŋa mɔ iyi asoi tilasi wa tɛ ŋa, i sɔ ŋa ŋa. Nɔ inɛ ŋa mɔ iyi à waa taa gbugbã, i faaba ŋa ŋa. Mii iyi wa mu lafɛ̃ɛ ŋa aru fei, i leekĩɛ ŋa.

Zeremi 22:16

Í ya ce kiitiɛi si dee dee ku jɛ si gãmɛi ilu are ŋa, do si gãmɛi inɛ ŋa iyi inɛ ŋa à waa taa gbugbã. Na nŋu, mii fei wa nɛa njɛi dee dee. Inɛ iyi wa ce bɛɛbɛ wa nyisi iyi nŋu í mà amu Aɔ̃ Lafɛ̃ɛi ntɔ ntɔ.

Zeremi 7:22

Ǹ ni bɛɛbɛi si na iyi í jɔ̀ waati iyi ǹ nya bala nŋɛ ŋa wa hai ilɛi Ezibiti, n kù jilɛ nŋa ide kãma si gãmɛi kuwee iyi à ya jo si ina fei sãa sãa do ti ajɔ feiu.

Daniɛli 4:27

Nɔ í fɔ wa ni, iluu ihɛ̃ ilu nla iyi ǹ ma si ilɛi Babilɔnii kú jɛ bi kuwai kabai bommam. Ǹ maai na saabui gbugbã nlam ku ba n nyisi zaka bɛi kulai bɛɛrɛm í to.

Ozee 14:2

Iŋɛ inɛi Izirɛli ŋa, i sinda i nyi wa bi Aɔ̃ Lafɛ̃ɛ nŋɛ, domi kurara nŋɛi í jɔ̀ ì koosɛ ì cuku ŋa.

Ozee 2:20

Ajɔ nŋu bɛ, an dĩ akabuu na inɛm ŋa do mɛɛmui sako ŋa do yɛi ŋa do kokoo ŋa si ilɛ. An cɛ bioo do taakuba, nɔ n jɔ̀ igũ ku leekĩ. An jɔ̀ fei ndɛɛ ku kpa irii si ilɛu, nɔ an cei bɛi aa ya ce a yɔkɔ a maa sũi do laakai ku sũ.

Ozee 4:1

Iŋɛ inɛi Izirɛli ŋa, i sotĩ i gbɔ idei Aɔ̃ Lafɛ̃ɛ ŋa, domi idei taale í wa si gãmɛi Aɔ̃ Lafɛ̃ɛ do inɛi ilɛɛ ŋau si na iyi í jɔ̀ jiida ku jɛ do dee dee ku jɛ do Ilaaɔ̃ ku mà kù wa si ŋa.

Ozee 8:13

À ya ce kuwee do mɛɛmu ŋa a naam wai, si na iyi í jɔ̀ à ya bi iŋa ku ŋɔ. Amma amu Aɔ̃ Lafɛ̃ɛ, n ci ya n gba kuwee nŋa ŋau. Bɛbɛi, ǹ ye gigii kurara nŋa ŋau, nɔ an kpã ŋa ijui na dulum du ŋa ŋau. Inɛ nŋu ŋau, aa sinda a nyi ilɛi Ezibiti mái.

Amɔsu 5:21

Ǹ cé jingau nŋɛ ŋa iyi ì waa jɛ na irim ŋa nɔ n kù saalu ŋa, n kù bi inunui tuaei buki nŋɛ ŋa ku gbɔ.

Misee 6:6

Amua yoomai an bɔò si wajui Aɔ̃ Lafɛ̃ɛ, waati iyi ǹ bɔ ku tɔɔ nŋu Aɔ̃ Lafɛ̃ɛ iyi í wa hee leleu. Ama kɛtɛi komboi adɔ̃ akã ŋai ǹ nɛ n koo n ceaò kuwee ŋa iyi à ya jo si ina fei sãa sãa?

Misee 6:8

Awɔ amanɛ, à jɔ̀ ì mà mii iyi í jɛ jiida, do mii iyi Aɔ̃ Lafɛ̃ɛ í bi i ce. Í bi i ce mii iyi í tɛ, do mii iyi í jɛ dee dee, nɔ i maa nɛ do ara ku kaye do nŋu Ilaaɔ̃ Lafɛ̃ɛɛ.

Matie 12:7

Kukɔi idei Ilaaɔ̃ wa fɔ í ni, Ilaaɔ̃ í ni, ǹ bi i ce araarei njɛ ŋa ku re i ceem kuwee. Bii í jɛ ì mà yaasei ideu bɛ ŋa wo i kaa maa yɛ taalei hai nɛ taale ŋa.

Matie 5:7

Ilu inɔ didɔ̃ ŋai inɛ ŋa iyi à ya nɛ araarei inɛ ŋa, domi Ilaaɔ̃ mɔ á nɛ araare nŋa.

Matie 9:13

Ǹ wa n sɔ̃ ŋɛi, n kù naa ku kpe inɛ dee dee ŋa, amma ilu dulum ŋai ǹ naa ku kpe. I koo i bee yaasei kukɔu iyi í ni, Ilaaɔ̃ í ni, ǹ bi i ce araarei njɛ ŋa i re i ceem kuwee.

Maaku 12:33

Amanɛ ku bi Ilaaɔ̃ do idɔɛ fei, do lasabuɛ fei, do gbugbãɛ fei, nɔ ku bi inɛ ŋa bɛi í bi araɛ, inɛ nŋu bɛi í sĩa í re kuwee iyi à ya jo si ina fei sãa sãa do kuwee ŋa iyi à gbe fei.

Zãa 1, 2:3

Bii à waa jirima woodaɛ ŋa, si bɛɛbɛi aa ka mà iyi à màa.

Zãa 1, 3:6

Na nŋu, inɛ iyi í wɛɛ do nŋu fei ci ya maa mɔsi dulum ku ce. Amma inɛ iyi wa ce dulum, lafɛ̃ɛ kù yɔɔ, kù nɔ kù màa.

Samuɛli 1, 15:22

Nɔ Samuɛli í ni, Aɔ̃ Lafɛ̃ɛ í bi inɛ ŋa a jirima idei nŋu í re a cea nŋu kuwee, domi ideɛ ku gbɔ í tia kuwee ŋa, nɔ iri ilɛ ku sũ í tia ikpoi angudã ŋa.