Ozee 6:5 - Bibeli do fee

⁵ Na ŋɔi í ce ǹ wahala ŋa do ide iyi ǹ jɔ̀ walii ŋau à sɔ̃ ŋau, nɔ ǹ kpa ŋa do idei gɛlɛm ŋa. Ǹ kiiti ŋa dasã nkpa.

Ozee 6:5 Iomraidhean Croise

Kusintii Andunya 18:25

Kù sĩa i kpa inɛ jiida ŋa do inɛ laalɔ ŋa fei ajɔ, aŋa fei a ba riba dimi akã. Aawo. Kù sĩa i ce bɛɛbɛ. Awɔ iyi ì waa kiiti inɛi ilɛu ihɛ̃ fei, kù sĩa i ce iyi í jɛ dee dee?

Ilaalu 1, 14:6

Iyi Ahiya í gbɔ ibai baataɛ waati iyi wa kua anu ileu wa, ŋɔi í ni, lɔ wa aboi Zeroboamu. Na mii í ce ì waa dɛ i kpaasi araɛ inɛ mmu. Amu de an sɔ̃ɛ laabaau sãmi gɔ.

Ilaalu 1, 17:1

Elii inɛi ilui Tisibu si ilɛi Galaadi í sɔ̃ Akabu í ni, do irii Aɔ̃ Lafɛ̃ɛi inɛi Izirɛli ŋa iyi ǹ wa n cea icɛ, si adɔ̃ ŋa iyi wa baau ihɛ̃ ikpã kaa le hee má jɛ ijĩ ku wɔ bii kù jɛ ǹ ni ku naa.

Ilaalu 1, 18:17

Iyi Akabu í hɔ̃nnɛ Elii gbakã ŋɔi í beeɛ í ni, kù jɛ awɔi i waa naaò laalɔ wa si ilɛi Izirɛli?

Ilaalu 1, 19:17

Waati nŋu, inɛ iyi í ga hai bi Hazaɛli fei Yehui á kpaa, inɛ iyi í ba í ga hai bi Yehu mɔ, Elizeei á kpaa.

Ilaalu 2, 1:16

Nɔ í sɔ̃ ilaaluu í ni, Aɔ̃ Lafɛ̃ɛ í ni, si na iyi í jɔ̀ ì bɛ inɛ ŋa kubee ku ce bi Baali-Zebu iwɛ̃i inɛi Ekorɔ̃ɔ ŋau bɛi Ilaaɔ̃ kù wa ilɛi Izirɛli bii aa ce kubeei ideɛ, i kaa kita hai si antaii daayi bii ì gũu bɛ, domi aa kui.

Bomma 2, 21:12

Ajɔ nŋu gɔ walii Elii í kɔ tia í sambaa wa í ni, Aɔ̃ Lafɛ̃ɛi balaɛ Davidi í ni, i kù too si kucei baaɛ Zozafati do si ti balaɛ Aza ilaalui Zudaa ŋau.

Zɔɔbu 15:30

Kaa fita si ikuu. Inai á jo amaawɔɛ ŋa nɔ fufui gɛlɛi Ilaaɔ̃ á so ku nɛòɛi.

Zɔɔbu 34:10

I sotĩ i gbɔ idem ŋa, iŋɛ ilu yaase ŋa. Ilaaɔ̃ kù jɛ woo cea inɛ laalɔ, nŋu iyi í jɛ ilu gbugbã fei, kaa ce mii iyi kù jɛ dee dee.

Iri ku kɔ̃ 119:120

Aram fei wa yayai na njoɛ iyi ǹ wa n ce, nɔ njo wa mum na kiitiɛ.

Iri ku kɔ̃ 37:6

Á jɔ̀ dee dee ku jɛɛ ku yɛi bɛi inya kumái daakɔ. Nɔ ntɔ iyi ì nɛ ku fita gbugbãa bɛi inunui dasã.

Ezai 11:4

Á cea ilu are ŋa kiiti dee dee. Á cea hai nɛ gbugbã ŋa iyi à wa si ilɛu kiiti si ntɔ. Ideɛ á ya yɛi bɛi golo iyi wa cãò inɛi ilɛ ŋau. Kiitiɛ á kpa inɛ laalɔ.

Ezai 58:1

Ŋɔi Aɔ̃ Lafɛ̃ɛ í ni, dɔ̃ anu hee lele, maà coko. Dɔ̃ anu hee lele bɛi kuu i sɔ̃ zamaam nɔu wooda ku kuaɛ. Sɔ̃ inɛi kpasɛ̃i Zakɔbu ŋa dulum du ŋa ŋa.

Zeremi 1:10

Cɔ, hai nnyi ǹ soɛi i jɛ inɛ ngbo si ilɛ ŋa do si bomma ŋa ku ba i tu ŋa nɔ i kɛkɛ ŋa, ku ba i bɛjɛ ŋa nɔ i kpa ŋa, ku ba i teese i ma ŋa, nɔ i lɔ ŋa.

Zeremi 1:18

Hai nnyi an jɔ̀ i yɛi bɛi ilu ku nɛ gbugbã, do bɛi sɔbei isɔ, do bɛi bindii isɔ danya si ilɛu fei, si wajui ilaalui Zudaa ŋa do akaweɛ ŋa do woo weeɛ ŋa do zamaai ilɛu.

Zeremi 13:13

Aa sɔ̃ ŋa mái i ni, ide iyi Aɔ̃ Lafɛ̃ɛ í fɔ wee. Í ni, an jɔ̀ inɛi ilɛ ŋau ihɛ̃ fei a mɔ atɛ̃i hee ku maa kpa ŋa, hai ilaalu ŋa iyi à waa buba si kitãi bommai ilaalu Davidi, do woo wee ŋa, do walii ŋa, do inɛi Zeruzalɛmu ŋa fei.

Zeremi 23:29

Ntɔ ntɔ, idem í yɛi bɛi ina do bɛi mataaka iyi í ya lɛgɛ kuta. Amu Aɔ̃ Lafɛ̃ɛi ǹ fɔ bɛɛbɛ.

Zeremi 5:14

Na nŋu, amu Aɔ̃ Lafɛ̃ɛi lele do ilɛ ǹ ni, si na iyi í jɔ̀ à waa fɔ bɛɛbɛ, an jɔ̀ idem ku yɛ bɛi ina si gɛlɛɛ, nɔ zamaau ku yɛ bɛi jĩi iyi inau á jo.

Ezekiɛli 11:4

Awɔ amanɛ, koo i ba ŋa ide ku fɔ bɛi walii.

Ezekiɛli 3:9

An jɔ̀ idɔɛ ku lei bɛi kuta, ku nɛ gbugbã ku re baa kuta. Maà jɔ̀ njo ku muɛ nɔ i maà jɔ̀ zigiɛ ku daò ŋa, domi woo yika itĩ ŋai.

Ezekiɛli 32:18

awɔ amanɛ, kpataa zamaai Ezibitiu. Kukpataɛu ku jɔ̀ nŋu do inɛi ilɛ mmu ŋa iyi à jɛ ilu gbugbã ŋau a dasi bi kuwai iku ŋa lɛlɛi ilɛ bii inɛ ŋa iyi à ku ŋau à wa.

Ezekiɛli 43:3

Kuyɛ iyi ǹ ceu í jɔ ti iyi ǹ ce waati iyi Aɔ̃ Lafɛ̃ɛ í naa í lɛgɛ Zeruzalɛmuu do bɛi ti waati iyi ǹ wa itĩi idoi Kebaau. Nɔ ǹ sɛɛbata ilɛ.

Sofoni 3:5

Do nŋu fei, Aɔ̃ Lafɛ̃ɛ njɛ í wa bi tu ŋa bɛ, nɔ í jɛ dee dee. Ci ya ce mii iyi kù jɛ dee dee. Daakɔ fei í ya jɔ̀ dee dee ku jɛɛ ku fita gbugbãai si inya kumá, nɔ ci ya haata ajɔ kãma. Amma inɛ laalɔ kù mà anyɔ.

Woo bɛ ŋa 7:31

Iyi Moizi í yɔɔ ŋɔi í biti. Nɔ í sɛkɛɛ siɛ í bɔ ku cɔɔ, ŋɔi í gbɔ ide ku fɔi Aɔ̃ Lafɛ̃ɛ wa ni,

Romu 2:5

Amma si bɛi idɔɛ í le nɔ i kù jɛsi i kpaasi, ì waa faa araɛ idɔɔkɔ̃ iyi í la í rei si ajɔ iyi Ilaaɔ̃ á kiiti inɛ ŋa dee dee nɔ inɛ fei á yɔɔ.

Efɛɛzu 6:17

I gba faabau bɛi fulai isɔ, nɔ idei Ilaaɔ̃ mɔ i gbaa ŋa bɛi taakubai Hundei Ilaaɔ̃.

Ebɛɛ 4:12

Idei Ilaaɔ̃i í jɛ kuwɛɛ, í nɔ í nɛ gbugbã. Í dɔ̃ anu í re taakuba ilu andɛ minji. Í nɛ gbugbã iyi á yɔkɔ ku lɔò hee lɛlɛi idɔ ku fɛɛfɛ idɔi amanɛ do lasabuɛ, ikɔ̃i ara mɔ do lompi. Nɔ á wusɛ idɔɔbii amanɛ do lasabuɛ.

Kuyɛi Zãa 1:16

Wa mu leleaɔ̃ mɛɛje si awɔ njɛɛ, nɔ taakuba andɛ didɔ̃ minji wa fita hai si gɛlɛɛ nɔ wajuɛ wa daana bɛi nunui dasã.

Kuyɛi Zãa 2:16

Na nŋu, i kpaasi idɔ ŋa. Bii kù jɛ bɛɛbɛ, an naa si ŋɛ bii í kɔ̃ɔsi nɔ n ce igũ do inɛ ŋau do taakuba iyi wa fita hai si gɛlɛm.

Kuyɛi Zãa 9:15

Ŋɔi í fũ amaleka mɛɛ ŋau. Amaleka ŋau à tã sɔɔlui mam mam si adɔ̃u do si cukpau do si ajɔu do si isɔu ku ba a kpa ikɔ akãi kukpɛ̃ mɛɛtai amanɛ ŋa.

Kuyɛi Zãa 9:21

Bɛɛbɛ mɔi inɛ ŋau a kù jɔ̀ inɛ ku kpa, do dobu dobu nŋa ŋa ku ce, do sakara ku ce, do ile nŋa ŋa.

Samuɛli 1, 13:13

Ŋɔi Samuɛli í jɛaa í ni, iyi ì ceu bɛ kù nɛ yaase. I kù jirima woodai Aɔ̃ Lafɛ̃ɛɛ. Bii ì yɔkɔ ì jirimaɛ wo, á jɔ̀ tɔkuɛ ŋa a ya maa jɛ bomma si ilɛi Izirɛli hee do ajɔ fei.

Samuɛli 1, 15:22

Nɔ Samuɛli í ni, Aɔ̃ Lafɛ̃ɛ í bi inɛ ŋa a jirima idei nŋu í re a cea nŋu kuwee, domi ideɛ ku gbɔ í tia kuwee ŋa, nɔ iri ilɛ ku sũ í tia ikpoi angudã ŋa.

Samuɛli 1, 15:32

Si anyii nŋu, ŋɔi Samuɛli í ni a naaò Agagi ilaalui inɛi Amalɛki ŋau wa. Nɔ Agagi wa naa bi tɛɛ do inɔ didɔ̃ wa tamaa bɛi a kaa kpa nŋu mái.

Samuɛli 1, 15:33

Amma Samuɛli í sɔ̃ɔ í ni, do taakubaɛi ì kpaò inɛ ŋa ì jɔ̀ iyei amu ŋa à kua ama nŋa ŋa. Bɛɛbɛ mɔi iyeɛ á kua amaɛ. Nɔ Samuɛli í cafeɛ si wajui Aɔ̃ Lafɛ̃ɛ Giligali bɛ.