Ozee 6:4 - Bibeli do fee

⁴ Iŋɛ inɛi Efaraimu ŋa, bɛirei an ce nŋɛ. Iŋɛ inɛi Zudaa ŋa, bɛirei an ce nŋɛ. Naanɛ nŋɛ í yɛɛm nii bɛi kudũi ijĩi daadaakɔ, walakɔ bɛi ikpãi daadaakɔ iyi í ya wɔ anu akã.

Ozee 6:4 Iomraidhean Croise

Zeremi 3:10

Do nŋu fei wecĩɛ Zudaa hai jɛ dee deeu kù nyi wa sim do idɔɛ fei. Si iboi í ce nŋu bɛ fei. Amu Aɔ̃ Lafɛ̃ɛi ǹ fɔ bɛɛbɛ.

Zeremi 3:19

Amu Aɔ̃ Lafɛ̃ɛ ǹ ya n maa n ni, ǹ bi n kàɛi wo si inɔi amam ŋa, nɔ n muɛ ilɛ bii ididɔ̃ í wa, iyi kusĩai boodaɛ í re si ilɛ fei. Ǹ ya n maa n nii wo, awɔi aa ya kpem i ni, baam. Nɔ i kaa kɔ̀sim pai.

Zeremi 34:15

Amma iŋɛ ì kpaasi kuceu ŋa. Ǹ yɛ iyi iŋɛ, kuce nŋɛ í sĩam si, domi ì jɔ̀ kpaasi nŋɛ ŋa à nɛ ara nŋa. Ì dĩ akabuu si wajum ŋa si inɔ kpasɛ̃ iyi à nya ikã í jɛ titom nɔu ihɛ̃.

Zeremi 5:23

Amma zamaau ihɛ̃ í nɛ idɔ ku donda inɛ do ide hai jɛ. À ya kɔ̀ idei nɔ a sinda a maa nɛ nŋa.

Zeremi 5:7

Na mii á jɔ̀ amu Aɔ̃ Lafɛ̃ɛ n ceɛ suuru, Zeruzalɛmu. Amaɛ ŋa à kɔ̀sim. À waa ce kugbasi do irii iwɛ̃ ŋa iyi a kù jɛ Ilaaɔ̃. Ǹ na ŋa bukaatai mii iyi à nɛ fei, amma à wasi sakara ku ce. À na ara nŋai mam mam si sakarau ku ce,

Zeremi 5:9

Amu Aɔ̃ Lafɛ̃ɛ, n kù nɛ n kpã kookoosu ŋau bɛ iju de. N kaa n baò inɛi ilɛ dimiɛ ŋa ija de.

Zeremi 9:7

Amɛi inɛ ŋau í yɛi bɛi afa ku kpa amanɛ. Ide iyi à waa fɔ fei iboi. À ya maa sɔ̃ kpaasi nŋa idei laakai ku sũ, amma hee si lɛlɛi idɔ nŋa, taai à ya maa leaa.

Ozee 11:8

Do nŋu fei, Efaraimu, an yɔkɔ n fũsiɛ awɔ? Izirɛli, an yɔkɔ n soɛ n daa inɛ ŋa si awɔ? An yɔkɔ n ceɛ bɛi ǹ cea ilui Adima? N jɔ̀ i baa i yɛ bɛi ilui Seboimu? Ntɔ ntɔ, lasabum í fɔtɔtɔ, nɔ araareɛ iyi ǹ nɛ, í la ntɔ ntɔ.

Ozee 13:3

Na nŋu, aa yɛi bɛi kudũi ijĩi daakɔ walakɔ bɛi ikpã iyi í ya wɔ. Aa yɛi bɛi fɔfɔ iyi fufu í so wa nɛò walakɔ bɛi cua iyi wa fangaa.

Ozee 7:1

Waati iyi ǹ wa n bi n faaba inɛi Izirɛli ŋa, kurarai inɛi Efaraimu ŋa do laalɔ ku cei inɛi Samari ŋai ǹ ya n maa n yɛ, domi iboi à ya maa sɔ, nɔ à ya lɔ inɔ kpasɛ̃ ŋai a maa ce ile bata ngba. Woo ce daa sãmi ŋau à ya maa gba mii ndii inɛ ŋai si kpãa ŋa.

Matie 13:21

Amma ci ya jɔ̀ ideu ku ce icã jiida si idɔɛ, nɔ kaa yɔkɔ ku leekĩ ku kpɛ. Bii wahala gɔ, walakɔ ijuukpã gɔ í dede na irii ideu, í ya fũsi awɔi gbakã.

Woo kiiti ŋa 3:12

Inɛi Izirɛli ŋau à nyi à cea Aɔ̃ Lafɛ̃ɛ mii iyi kù dɔ̃aa si má. Nɔ Aɔ̃ Lafɛ̃ɛ í mua Egolɔ̃ɔ ilaalui Moabuu gbugbã si ŋa si na iyi í jɔ̀ à ce mii iyi kù dɔ̃aa si.