Ozee 6:3 - Bibeli do fee

³ Na nŋu, ka mà nɔ ka dɛdɛ Aɔ̃ Lafɛ̃ɛ ku mà. Kunaaɛ kù nɛ sika kãma bɛi kunaai amɛɛjuumá. Á naa si wai bɛi ijĩ, bɛi ijĩi jɛadɔ̃ iyi í ya jɔ̀ ilɛ ku mandi.

Ozee 6:3 Iomraidhean Croise

Samuɛli 2, 23:4

í yɛi bɛi inya kumái daakɔ, nɔ kudũi ijĩ kãma kù wɛɛ. Í yɛi bɛi inunu iyi í ya jɔ̀ fɔfɔ ŋa a fita si ilɛ bii ijĩ í da.

Zɔɔbu 29:23

Amui à ya maa degbe bɛi ijĩ. Amui à ya maa degbe bɛi ijĩi jɛadɔ̃.

Iri ku kɔ̃ 19:4

Kù jɛ si faaji gɔ kù nɔ kù jɛ si ide ku fɔ gɔ, a kù nɔ a kù waa gbɔ imu nŋa.

Iri ku kɔ̃ 19:6

Daakɔ, inunu í ya fitai bɛi mɔkɔ titɔ̃. Bii wa nɛ, í ya nɛ inɔ didɔ̃i bɛi inɛ iyi í nya iri si kusɛi.

Iri ku kɔ̃ 63:8

Awɔi ì jɛ woo sobim. Ǹ ya n nɛ inɔ didɔ̃i waati iyi ǹ wa si ikpaɛ ŋa.

Iri ku kɔ̃ 65:9

Inɛ ŋa iyi à wa si kɔɔi andunya zigi nŋa wa da na nyindaɛ ŋa. Awɔi ì ya jɔ̀ inɛi nunui daakɔ do inɛi nunui alɛ ŋa fei a maa dɔ̃ anu do inɔ didɔ̃.

Iri ku kɔ̃ 72:6

Jɔ̀ ku yɛ bɛi ijĩ iyi wa wɔ si iko ŋa, do bɛi ijĩ iyi wa cɔ̀ ilɛ.

Mɔnda ŋa 4:18

Kpãai inɛ dee dee ŋa í yɛi bɛi inya kumái daadaakɔ iyi wa daana nɔ inya kumáɛu í la wa koo hee koo to dasã.

Ezai 2:3

Ntɔ ntɔ dimi nkpɔ nkpɔi á maa koo bɛ nɔ aa sɔ̃ njɛi a maa ni, i naa wa ŋa ka gũ iri kutai Aɔ̃ Lafɛ̃ɛ, kpasɛ̃i Aɔ̃ Lafɛ̃ɛi tɔkui Zakɔbu ŋau. Tengi bɛi á kɔ wa si kpãaɛ ŋa, do bɛi aa ka tooɛ, domi hai Siɔ̃ɔi woodaɛ á fita wa, nɔ hai Zeruzalɛmui ideɛ wa naa.

Ezai 32:15

Ajɔ wa naa si bii Aɔ̃ Lafɛ̃ɛ á jɔ̀ hundeɛ ku naa si wa wa hai lele. Waati bɛɛbɛ, gbaa á kpaasi ku jɛ ikoi jĩi ŋa, nɔ ikoi jĩi ku baa ku jɛ bɛi agbo.

Ezai 44:3

Ntɔ ntɔ, ilɛ hai nɛ mandiu, an fãsi inyi, nɔ n jɔ̀ inyiu ku maa cã si ilɛ ngbɛu. An jɔ̀ hundem ku naa si amaɛ ŋa nɔ kuweem ku naa si tɔkuɛ ŋa.

Ezai 5:6

An jɔ̀ ilɛu ku wɛɛɛ bɛɛbɛi. Inɛ kãma kaa ya teese amaawɔi jĩi ŋau, nɔ inɛ kãma kaa ya logooɛ. Jĩi ku nɛ agũ ŋa do agũ mmu ŋai aa dede a biiɛ. Nɔ n kaa n jɔ̀ ijĩ ku dũ hee ku wɔ si ilɛu.

Ezai 54:13

Amaɛ ŋa fei, mɔcɔm ŋai aa jɛ nɔ aa wɛɛò laakai ku sũ nla nla.

Zeremi 24:7

An jɔ̀ a mà iyi amui ǹ jɛ Aɔ̃ Lafɛ̃ɛ. Bii à sinda a nyi wa bi titom do idɔ nŋa fei, waati bɛɛbɛ aa jɛ inɛm ŋa, nɔ amu mɔ an jɛ Aɔ̃ Lafɛ̃ɛ nŋa.

Ezekiɛli 36:25

An fã si ŋɛ inyi kumá iyi á jɔ̀ i maaju ŋa. An jɔ̀ i maaju ŋai hai si riisi nŋɛ ŋa fei, do hai si riisi iyi iwɛ̃ nŋɛ ŋa à dasi ŋɛ fei.

Ozee 10:12

I gbɛ̃a ara nŋɛ iyi í jɛ dee dee ŋa, nɔ i da zaka bɛi dee dee ku jɛ nŋɛu í to. I da iko titɔ̃ ŋa. Waati í to i dɛdɛ Aɔ̃ Lafɛ̃ɛ ŋa hee ku maa to waati iyi á baa nɔ ku jɔ̀ dee dee ku jɛɛ ku bii si ŋɛ.

Ozee 14:5

Aɔ̃ Lafɛ̃ɛ í ni, an jɔ̀ inɛi Izirɛli ŋa a ba iri hai si dee dee hai jɛ nŋa. An bi ŋai do inɔ akã, domi n kaa n maa n mu ŋa do idɔɔkɔ̃ má.

Ozee 14:6

Amu an jɛi bɛi ikpã bi inɛi Izirɛli ŋa. Inɛi Izirɛli ŋau aa sĩai bɛi kokoi jĩi. Icã nŋa ŋau aa mi lɛlɛi bɛi ti jĩi ndii Libãa ŋau.

Ozee 2:20

Ajɔ nŋu bɛ, an dĩ akabuu na inɛm ŋa do mɛɛmui sako ŋa do yɛi ŋa do kokoo ŋa si ilɛ. An cɛ bioo do taakuba, nɔ n jɔ̀ igũ ku leekĩ. An jɔ̀ fei ndɛɛ ku kpa irii si ilɛu, nɔ an cei bɛi aa ya ce a yɔkɔ a maa sũi do laakai ku sũ.

Misee 4:2

Ntɔ ntɔ inɛi ilɛ nkpɔ nkpɔi á maa koo bɛ nɔ aa sɔ̃ njɛi a maa ni, i naa wa ŋa ka gũ iri kutai Aɔ̃ Lafɛ̃ɛ tengi bii kpasɛ̃i Aɔ̃ Lafɛ̃ɛi tɔkui Zakɔbu ŋau í wa. Tengi bɛi á kɔ wa si kpãaɛ ŋa, do bɛi aa ka tooɛ, domi hai Siɔ̃ɔi woodaɛ á fita wa, nɔ hai Zeruzalɛmui ideɛ wa naa.

Misee 5:2

Na ŋɔi í ce, Aɔ̃ Lafɛ̃ɛ á fũsi inɛɛ ŋa awɔ hee koo to waati iyi abo iyi á bí amau ku bí, nɔ inɛɛ ŋa iyi à gbe à wɛɛ si hunde ilɛ mmu a baa a na a tɔtɔɔ do inɛi Izirɛli ŋau.

Misee 5:7

Tɔkui Zakɔbu ŋa iyi à ba à fita si nɔ à wa si inɔi dimi nkpɔ nkpɔu, aa yɛi bɛi muusu nla si inɔi mɛɛmui sako ŋa, walakɔ bɛi ama muusu nla si inɔi angudã ŋa. Bii wa lɔ fei, í ya foi ku bata mɛɛmu ŋa ku maa ŋɔ ŋa, nɔ inɛ gɔ kù wɛɛ iyi á gba ŋa.

Zakari 10:1

I ya tɔɔ Aɔ̃ Lafɛ̃ɛ ku mu nŋɛ ijĩ wa si waatiɛ. Nŋui í ya jɔ̀ ijĩ ku dũ, nɔ ku mu nŋɛ ijĩ nla nla nɔ ku jɔ̀ ikoi iŋɛ fei ku ce jiida.

Matie 13:11

Nɔ í sɔ̃ ŋa í ni, iŋɛi Ilaaɔ̃ í jɔ̀ ì mà asiii bommaɛ ŋa. Amma kù jɔ̀ inɛ ŋa iyi à gbe ŋau a màa.

Luku 1:78

Ntɔ ntɔ, araarei Ilaaɔ̃ Lafɛ̃ɛ nwa í lá si wa. Na saabui araareɛui í jɔ̀ inya kumá í naa si wa hai lele bɛi nunui daakɔ,

Laabaau jiida iyi Zãa í kɔ 17:3

Kuwɛɛ hai tãui í jɛ inɛ ŋa a màɛ, awɔ Ilaaɔ̃ akã ilu ntɔu, nɔ a màm, amu Jesu Kirisi iyi ì bɛ wau.

Laabaau jiida iyi Zãa í kɔ 7:17

Inɛ iyi í bi nŋu ku ce idɔɔbii Ilaaɔ̃, lafɛ̃ɛ á mà bii ciom hai bi Ilaaɔ̃i wa naa, walakɔ bii í jɛ ti amu takam nii.

Woo bɛ ŋa 17:11

Inɛ ŋa iyi à wa bɛ ŋau à lasabu si ideu do laakai í re Zuifu ŋa iyi à wa Tɛsalonika. À gba idei Ilaaɔ̃ do inɔ didɔ̃. Ajɔ fei à ya maa cio kukɔui ku ba a mà bii í jɛ mii iyi Pɔlu í ya maa sɔ̃ ŋau ntɔi.

Wooda ku kɔsi 32:2

Ikɔm ŋau à waa cãi bɛi inyi í ya maa cã si amaajɛ ŋa. Ikɔm ŋau à fangaai bii fei bɛi ikpã si fɔfɔ ŋa.

Ebɛɛ 3:14

Ntɔi, à nɛ ikpɛ̃ si kuwɛɛi Kirisi bii à waa leekĩ dim dim si naanɛ ku dasi iyi à nɛ hai sinte hee kɔɔɛ.

Piɛɛ 2, 1:19

Bɛɛbɛ mɔi naanɛ nwa í kɔ̃ɔsi si idei walii ŋau. I jɔ̀ i de siɛ itĩ ŋa, domi í yɛi bɛi fitila iyi wa má inya si ilu kuku hee iju koo máò nɔ Jesu, nŋu iyi í yɛ bɛi leleaɔ̃i daakɔ, ku má inya si idɔ nŋɛ.

Kuyɛi Zãa 22:16

Amu Jesu, amui ǹ bɛ nŋɛ amalekam wa ku sɔ̃ igbɛi inɛm ŋa fei ideu ihɛ̃. Amui ǹ jɛ tɔkui Davidi, nɔ ǹ jɛ angua iyi wa má inya.