Ozee 6:2 - Bibeli do fee

² Nŋui á jɔ̀ ka ba kuwɛɛ si anyii ajɔ minji. Si ajɔ mɛɛtasiau, á dede wai, nɔ aa ka maa wɛɛi si wajuɛ.

Ozee 6:2 Iomraidhean Croise

Kusintii Andunya 17:18

Ŋɔi í sɔ̃ Ilaaɔ̃ í ni, jɔ̀ isɛɛnɛi Isimaɛli ku sĩaɛ si nɔ ku jɛ tubum.

Ilaalu 2, 20:5

ku sinda ku nyi ku koo ku sɔ̃ Ezekiasi inɛ ngboi zamaai nŋuu ku ni nŋu Aɔ̃ Lafɛ̃ɛi balaɛ Davidi í ni, amu Aɔ̃ Lafɛ̃ɛ ǹ gbɔ kutɔɔɛ Ezekiasi nɔ ǹ yɛ cikãajuɛ. Na nŋu, nsɛi an jɔ̀ i ba iri. Si ajɔ mɛɛtasia nɔ i bɔ inɔ kpasɛ̃i amu Aɔ̃ Lafɛ̃ɛu.

Iri ku kɔ̃ 61:7

Kɔ̃ɔsi kukpɔi adɔ̃i ilaalu, nɔ i jɔ̀ ku mɔsi ku maa koo.

Iri ku kɔ̃ 71:20

Ì cɔ laakai nwa do inɔ kufɔ do wahala ŋa, amma aa mu nwa kuwɛɛ má. Aa jɔ̀ ka fita hai si lɛlɛi isa nla nlau.

Woo lasabu 3:3

Waatii inɛ ku kpa í wɛɛi nɔ waati iyi aa jɔ̀ inɛ ku ba iri í wɛɛi. Waatii ku lɛgɛ í wɛɛi nɔ waatii ku ma í wɛɛi.

Ezai 26:19

Iŋɛ zamaam ŋa, inɛ nŋɛ ŋa iyi à ku ŋau aa nyi wa si kuwɛɛ má. Ikui inɛm ŋau, aa jĩ má. Na nŋu, iŋɛ iyi ì wa si sãau, aa dede nɔ aa dɔ̃ anu do inɔ didɔ̃ ŋa. Ntɔ ntɔ, Aɔ̃ Lafɛ̃ɛ á jɔ̀ ikpã nŋɛ ku yɛ bɛi inya kumá, nɔ ilɛ á jɔ̀ inɛ ŋa iyi à ku ŋau a ba kuwɛɛ má.

Ezai 30:26

Ajɔ iyi Aɔ̃ Lafɛ̃ɛ á jɔsi agbɛ bii í mɛɛ inɛɛ ŋau iwɔ nɔ ku jɔ̀ kumɛɛ ŋau a tã, ajɔ nŋu bɛ inya kumái cukpa á yɛi bɛi ti inunu, nɔ inya kumái inunuu takaɛ á la ku re bɛi í ya tako ku ceu ikɔ mɛɛje bɛi inya kumái ajɔ mɛɛje.

Ozee 13:14

Amu Aɔ̃ Lafɛ̃ɛ, an faaba inɛ ŋau hai si bi kuwai iku ŋa? An ya ŋa wa hai si iku? Iku, hee iwoi jĩnɛi igũɛ ŋa à wa. Iku, hee iwoi gbugbãɛ í wa. Araare ku ce kaa wɛɛm má.

Ozee 7:2

Inɛ kãma ci ya fɔ si idɔɛ ku ni, Ilaaɔ̃ wa ye gigii laalɔ ŋa iyi inɛ ŋa à waa ce fei. Bɛbɛi, laalɔ ŋa iyi à waa ce ŋaui à kaako ŋa, nɔ ǹ wa n yɛ fei ndɛɛ si wajum.

Laabaau jiida iyi Zãa í kɔ 14:19

Í gbe keeke nsɛi iyi inɛi andunya ŋa a kaa yɛm má, amma iŋɛ aa yɛm ŋa si na iyi í jɔ̀ ǹ wɛɛ, nɔ iŋɛ mɔ aa wɛɛ ŋa.

Romu 14:8

Ntɔ ntɔ, bii à wɛɛ, à wɛɛi na irii Lafɛ̃ɛ, bii à nɔ à ku mɔi, na irii Lafɛ̃ɛi à ku. Na nŋu, bii à waa wɛɛ walakɔ bii à ku, ti Lafɛ̃ɛi à jɛ,

Kɔrɛnti 1, 15:4

À suu nɔ í jĩ hai si balɛ si ajɔ mɛɛtasia si bɛi kukɔi idei Ilaaɔ̃ wa fɔ.