Ozee 6:10 - Bibeli do fee

¹⁰ Si ilɛi Izirɛli, ǹ yɛ mii laalɔ ŋa. Si ilɛu, inɛi Efaraimu ŋa à sinda si iwɛ̃ ŋa ku tɔɔ, nɔ nŋui í jɛ sakara ku ce. Do yaase bɛɛbɛi inɛi Izirɛli ŋau à dasi ara nŋa riisi.

Ozee 6:10 Iomraidhean Croise

Ozee 5:3

Amu ǹ mà dimii inɛi Efaraimu ŋau, nɔ kucei inɛi Izirɛli ŋau mɔ kù waa manjiim baa keeke. Ntɔ ntɔ, iŋɛi ì tale si inɛi Efaraimu ŋau sakara ku ce, nɔ nsɛi inɛi Izirɛli ŋa fei à so riisi.

Zeremi 23:14

Amma mii iyi ǹ yɛ bi waliii Zeruzalɛmu ŋau í nyi í sãmi í caa má. Inɛ ŋau woo ce sakara ŋai, nɔ si iboi à waa jɛ kuwɛɛ nŋa. À ya maa muaa inɛ laalɔ ŋa himmai si laalɔ ku ce nŋa ku ba baa inɛ akã nŋa ku maà sinda ku toa inɔ kukãɛ anyi. Aŋa fei à yɛi si wajum bɛi inɛi Sodomu ŋa, nɔ inɛi Zeruzalɛmu ŋa mɔ, à yɛi bɛi inɛi Gomɔɔ ŋa.

Ozee 4:17

Inɛi Efaraimu ŋa à so ara nŋa à dasi iwɛ̃ ŋa ku tɔɔ. I jɔ̀ ŋa bɛ ŋa.

Ozee 4:11

Sakara ku ce do vɛ̃ɛ titɔ̃ ku mɔi í jɔ̀ zamaam nɔu kù nɛ iri.

Ezekiɛli 23:5

Amma Ohola baa do iyi í wa bi tom fei, í ya kɔ̀ ku maa ta icuui. Í ya maa ce lasabui mɔkɔ kaafeɛ ŋa iyi à wa kɔkɔɛ si ilɛi Asiri.

Zeremi 18:13

Na nŋu, Aɔ̃ Lafɛ̃ɛ í ni, i bee inɛi ilɛ mmu ŋa i gbɔ ŋa. Yooi í gbɔ dimii mii bɛɛbɛ. Mii iyi inɛi Izirɛli ŋa à ce, í sãmi hee í caa.

Zeremi 3:6

Si waatii ilaalu Zoziasi Aɔ̃ Lafɛ̃ɛ í sɔ̃m í ni, ì yɛ bɛi Izirɛli woo kpaasi ideu í ce? Í bɔ si antaii iri kuta ŋa fei do si abɛi jĩi tũtũ ŋau fei, nɔ bɛi í koo í riisi araɛ.

Ilaalu 2, 17:7

Aɔ̃ Lafɛ̃ɛ í jɔ̀ à mu inɛi Izirɛli ŋa aru si na iyi í jɔ̀ à ce dulum bi tɛɛ, nŋu iyi í fitaò ŋa wa hai ilɛi Ezibiti í nya ŋa hai si awɔi Faraɔ̃ ilaaluu, do si na iyi í jɔ̀ à waa tɔɔ iwɛ̃ ŋa.

Ilaalu 1, 15:30

na irii dulum iyi Zeroboamu í ce do iyi í jɔ̀ inɛi Izirɛli ŋa à ce à dedeò idɔɔkɔ̃i Aɔ̃ Lafɛ̃ɛ nŋa.

Ilaalu 1, 12:8

Amma Roboamu í jɔ̀ ikɔi mɔkɔ ngbo ŋau nɔ í koo í bee awaasũ saaɛ ŋa iyi à wa bi tɛɛ

Ezekiɛli 23:7

Inɛ ŋa iyi à nya iri si ilɛi Asiri fei, kɔdɛɛɛ í ya lɔ si ŋai koo riisi araɛ nɔ ku tɔɔ iwɛ̃ nŋa ŋau.

Ozee 4:12

Zamaam nɔu, jĩi iyi í gbe í jɛ iwɛ̃ɛi í ya maa bee ide. Jĩi nɔui í ya jɛaa. Lasabui iwɛ̃ ŋa ku tɔɔi í naa si ŋa nɔ í jɔ̀ à nyɔ. Nŋui í jɛ bɛi sakara iyi à ya maa ce, nɔ à fɛɛfɛ do amu Aɔ̃ Lafɛ̃ɛ nŋa.