Ozee 6:1 - Bibeli do fee

¹ Aa na i fɔ i maa ni ŋa, ka koo, ka nyi bi Aɔ̃ Lafɛ̃ɛ. Nŋui í mɛɛ wa, nɔ nŋui á jɔ̀ kumɛɛu ku tã. Nŋui í cã wa, nɔ nŋui á jɔsi kumɛɛ nwa ŋau iwɔ.

Ozee 6:1 Iomraidhean Croise

Bomma 2, 30:6

Ŋɔi amaabɛ ŋau à kooò tiai ilaalu ŋau si ilɛi Izirɛli do Zudaa fei. Nɔ si bɛi í jilɛ nŋau, à wasi ku ni, inɛi Izirɛli ŋa, iŋɛ iyi ì ba ì fita hai si awɔi ilaalui Asiri ŋau ŋa, i nyi wa bi Aɔ̃ Lafɛ̃ɛi Aburahamu do Izaaki do Izirɛli ŋa, ku ba nŋu mɔ ku nyi wa bi tu ŋɛ.

Zɔɔbu 16:9

Amui Ilaaɔ̃ í kãsi iju nɔ wa lelem wa ŋɔ inyí sim. Nŋui í jɛ mbɛɛm nɔ wa dam gɔ̃gɔ̃.

Zɔɔbu 22:23

Bii ì sinda wa bi Ilaaɔ̃, bii ì nya laalɔ hai si kpasɛ̃ɛ, á jɔ̀ i baa si agbɛɛ.

Zɔɔbu 34:29

Bii Ilaaɔ̃ wa cokoɛ, yooi á yɛ taaleɛ. Bii í nɔ í bi ku manji mɔi yooi á yɔɔ. Amma á yɔkɔ ku tilasi ilɛ gɔ walakɔ amanɛ ŋa

Zɔɔbu 5:18

domi nŋui í ya mɛɛ amanɛ nɔ nŋui í ya wiaa jujuu má. Nŋui í ya dasi inɛ wahala nɔ nŋui í ya nyaa hai si wahalau má.

Iri ku kɔ̃ 30:7

Waati iyi ǹ wɛɛò laakai ku sũ ǹ ya n maa n nii, n kaa n koosɛ pai.

Iri ku kɔ̃ 6:2

Aɔ̃ Lafɛ̃ɛ, maà yɛ taalem si idɔɔkɔ̃ɛ, nɔ i maà kpãm iju si waatii idɔɔkɔ̃ɛu.

Iri ku kɔ̃ 71:20

Ì cɔ laakai nwa do inɔ kufɔ do wahala ŋa, amma aa mu nwa kuwɛɛ má. Aa jɔ̀ ka fita hai si lɛlɛi isa nla nlau.

Woo lasabu 3:3

Waatii inɛ ku kpa í wɛɛi nɔ waati iyi aa jɔ̀ inɛ ku ba iri í wɛɛi. Waatii ku lɛgɛ í wɛɛi nɔ waatii ku ma í wɛɛi.

Ezai 17:7

Ajɔ nŋu bɛ, amanɛ á wu ijui ku cɔ ikpa bi woo takaɛ nŋu iyi í jɛ Inɛ Kumái Izirɛliu.

Ezai 2:3

Ntɔ ntɔ dimi nkpɔ nkpɔi á maa koo bɛ nɔ aa sɔ̃ njɛi a maa ni, i naa wa ŋa ka gũ iri kutai Aɔ̃ Lafɛ̃ɛ, kpasɛ̃i Aɔ̃ Lafɛ̃ɛi tɔkui Zakɔbu ŋau. Tengi bɛi á kɔ wa si kpãaɛ ŋa, do bɛi aa ka tooɛ, domi hai Siɔ̃ɔi woodaɛ á fita wa, nɔ hai Zeruzalɛmui ideɛ wa naa.

Ezai 30:22

Isɔ fũfũ iyi ì so ì biiò iwɛ̃ nŋɛ ŋa, do wura ŋa iyi ì bii ŋa do ŋa, aa jilɛ ŋai si mii hai maaju ŋa. Nɔ hee do buubuu nŋa ŋau fei, aa jilɛ ŋai si mii riisi ŋa. Aa nya ŋai i fitaò hai si anini nŋɛ.

Ezai 30:26

Ajɔ iyi Aɔ̃ Lafɛ̃ɛ á jɔsi agbɛ bii í mɛɛ inɛɛ ŋau iwɔ nɔ ku jɔ̀ kumɛɛ ŋau a tã, ajɔ nŋu bɛ inya kumái cukpa á yɛi bɛi ti inunu, nɔ inya kumái inunuu takaɛ á la ku re bɛi í ya tako ku ceu ikɔ mɛɛje bɛi inya kumái ajɔ mɛɛje.

Ezai 55:7

Ilu inɔ kukã ku sinda ku jɔ̀ kpãaɛ, nɔ woo ce laalɔ mɔ ku jɔ̀ lasabuɛ ŋa nɔ ku sinda ku baa bi Aɔ̃ Lafɛ̃ɛ iyi á ce araareɛ. Ku sinda ku baa wa bi Aɔ̃ Lafɛ̃ɛ nwa nŋu iyi í ya ce suuru ntɔ ntɔ.

Zeremi 3:22

I baa wa ŋa, ama ku kɔ̀ ide ŋa. An ce nŋɛ suurui dee dee hai jɛ nŋɛ. Awa wee Ilaaɔ̃, à waa baa bi tɛɛ, domi awɔi ì jɛ Aɔ̃ Lafɛ̃ɛ nwa.

Zeremi 30:12

Bɛi Aɔ̃ Lafɛ̃ɛ í nyi í fɔ má wee. Í ni, wahala iyi í baɛu í la, nɔ kumɛɛɛu mɔ kaa tã.

Zeremi 30:17

Nɔ Aɔ̃ Lafɛ̃ɛ í ni má, Siɔ̃ɔ, inɛ ŋa à sɔɛ inɛ iyi kuwɛɛɛ kù jɛ jiida kãma, awɔ iyi inɛ kãma kù bi ideɛ. Amma amu Aɔ̃ Lafɛ̃ɛ, ǹ wa n sɔ̃ɛi, amu an jɔsi kumɛɛ ŋau iwɔ nɔ n jɔ̀ i ba iri.

Zeremi 33:6

Amma an gbɔai bɛi à ya gbɔa inɛ iyi í ba kumɛɛ. An jɔ̀ ku ba irii nɔ n jɔ̀ inɛi ilu ŋau a nɛ laakai ku sũ do idɔ ku buba.

Zeremi 50:4

Aɔ̃ Lafɛ̃ɛ í ni, si ajɔ nŋu ŋau bɛ, do si waatiu bɛ, inɛi Izirɛli ŋa do inɛi Zudaa ŋa, aa nyi wai ajɔ. Aa nɛi a maa kpataò nɔ a maa dɛdɛò Aɔ̃ Lafɛ̃ɛ nŋa.

Zeremi 50:5

Aa maa bee kpãa iyi wa bɔ ikpa Siɔ̃ɔ, nɔ do ikpa bɛi aa sinda a kã iri. Nɔ aa maa ni, i naa wa ka na Aɔ̃ Lafɛ̃ɛ ara nwa, nɔ awaò ŋa ka dĩ akabuu iyi kaa bɛjɛ nɔ kù nɛ ku gbɛjɛ ajɔ kãma.

Kukpata 3:11

Í jɔ̀ ǹ yaa hai si kpãa, í gagagam nɔ í ce nfem.

Ozee 11:10

Aru ŋa iyi à mu à nɛò ŋau aa maa too Aɔ̃ Lafɛ̃ɛ wai nŋu iyi á maa dɔ̃ anu bɛi muusu nla. Anu ku dɔ̃ɛu á jɔ̀ ama inɛmɔkɔɛ ŋau a sɛi wai hai tenku do kuyaya.

Ozee 12:6

Lafɛ̃ɛi í jɛ Aɔ̃ Lafɛ̃ɛi lele do ilɛ, Aɔ̃ Lafɛ̃ɛi í jɛ iri iyi à ya kpoo do.

Ozee 14:1

Inɛi ilui Samari ŋa à nɛ a yɛ ijuukpãi kurara nŋai si na iyi í jɔ̀ à ce ide ku kɔ̀ bi Aɔ̃ Lafɛ̃ɛ nŋa. Na nŋu, igũi á naa si ŋa ku kpa ŋa. Aa tɛɛsɛ ama kpɔtɔɔ nŋa ŋai, nɔ a pũ inaabo bãasĩ nŋa ŋa.

Ozee 14:4

Inɛi Asiri ŋa a kaa yɔkɔ a faaba wa. A kaa ka gũ acĩ ku ce igũ ŋa má, nɔ a kaa ka ni mii ŋa iyi à ce do awɔ nwa ŋau à jɛ Lafɛ̃ɛ nwa ŋa má, domi awɔi ì ya ce araarei kɔyɔ ŋa.

Ozee 3:5

Si anyiɛ, inɛi Izirɛli ŋau aa sinda a nyi wa, nɔ aa maa dɛdɛ Aɔ̃ Lafɛ̃ɛ do ilaalu nŋa iyi à bí si dimii Davidiu. Si zigiida nŋau, aa maai si Aɔ̃ Lafɛ̃ɛ wa nɔ aa maai si jiida ku jɛɛ si waati ŋa iyi wa mɔsi do waju.

Kuwee 14:48

Bii í nɔ í jɛ waati iyi woo weeu í nyi í koo í cɔ ileu í ba wee kubũmbusu kãma kù fita si bii à teese à tɔɔkɔu má, á ni ileu í maajui domi kubũmbusuu í leekĩ.

Sofoni 2:1

I tɔtɔɔ njɛ nɔ i ce lasabu ŋa, iŋɛ inɛi ilɛ ŋa iyi i kù nɛ anyɔ ŋau,

Wooda ku kɔsi 32:39

Na nŋu, nsɛi i jɔ̀ i mà ŋa iyi amu akãi an yɔkɔ n faaba inɛ. Amu akãi ǹ jɛ Aɔ̃ Lafɛ̃ɛ. Baai amu baasi, Ilaaɔ̃ mmuɛ kãma kù wɛɛ má. Amui ǹ ya n jɔ̀ inɛ ku ku, nɔ amui ǹ ya n jɔ̀ inɛ ku wɛɛ. Amui ǹ ya n mɛɛ inɛ, nɔ amui ǹ ya n jɔ̀ ku ba iri. Nɔ inɛ kãma kaa yɔkɔ ku gba inɛ gɔ hai si awɔm.

Samuɛli 1, 2:6

Awɔ Aɔ̃ Lafɛ̃ɛ, awɔi ì ya jɔ̀ inɛ gɔ ŋa a ku, nɔ inɛ gɔ ŋa mɔ a wɛɛ, ì ya jɔ̀ inɛ gɔ ŋa a bɔ bi kuwai iku ŋa nɔ inɛ gɔ ŋa mɔ ì ya faaba ŋa.

Samuɛli 1, 7:3

Ŋɔi Samuɛli í sɔ̃ ŋa í ni, bii í jɛ do idɔ nŋɛ feii ì waa nyi wa bi Aɔ̃ Lafɛ̃ɛ ŋa, i jɔ̀ iwɛ̃ Asitaate ku tɔɔ ŋa do iwɛ̃ ŋa iyi à gbe fei. I sinda idɔ nŋɛ wa si Aɔ̃ Lafɛ̃ɛ nɔ i tɔɔ nŋu akã ŋa, nɔ ku nya ŋɛ hai si awɔi inɛi Filisi ŋa.