Ozee 5:9 - Bibeli do fee

⁹ Aa ce nfei Efaraimui si ajɔi ijuukpãu. Ide iyi ǹ wa n sɔ̃ dimii inɛi Izirɛli ŋau ihɛ̃, ideu kù nɛ sika kãma.

Ozee 5:9 Iomraidhean Croise

Zɔɔbu 12:14

Mii iyi í bɛjɛ, inɛ kãma kaa yɔkɔ ku teeseɛ. Nɔ inɛ iyi í cĩmbo si, inɛ kãma kaa yɔkɔ ku cĩaa.

Ezai 37:3

Iyi à to bi tɛɛ, ŋɔi à sɔ̃ɔ à ni, ilaalu Ezekiasi í ni ka sɔ̃ɛ iyi ajɔi nnyiu ihɛ̃, ajɔi inɔ kufɔi, do ajɔi ijuukpã do ajɔi anyɔ. Í yɛi bɛi à ya fɔ a ni, amu ŋa à tã sɔɔlu a fita wa hai inɔi iye nŋa ŋa, amma gbugbã kù wɛɛ iyi aa bí ŋaò wa si andunya.

Ezai 46:10

Hai sinte, ǹ fɔ mii iyi á na ku ce. Nɔ mii iyi kù ce titã, ǹ ya n fɔ ideɛ wai ku kpɛ ku bɛi ku ce. Ǹ ni, mii iyi ǹ jilɛ ku ce, an cooi. Mii iyi ǹ bi ku ce fei, an cooi.

Ezai 48:3

Mii ŋa iyi à ce hai sinteu amui ǹ sɔ̃ ŋɛ ideɛ hai ku kpɛ, nɔ ǹ jɔ̀ ì gbɔɔ ŋa. Anu akã iyi ǹ dede, nɔ mii ŋau à ce.

Ezai 48:5

Na ŋɔi í jɔ̀ ǹ sɔ̃ ŋɛ baaui mii ŋau bɛ hai ku kpɛ, nɔ ǹ jɔ̀ ì gbɔɔ ŋai hee a maa ce, ku ba i maà na i fɔ i ni ŋa, iwɛ̃ nwai í coo. Nɔ i maà na i maa ni ŋa, mii iyi à ce bɛi iwɛ̃ nwau, walakɔ isɔ iyi à yɔ à ceò mii iyi í jɔɔui í jɔ̀ í ce.

Ezai 7:16

Hee ku maa to waati iyi ama inɛmɔkɔu á mà mii ŋa ku wũaa bɛɛbɛ, ilɛi ilaalu minji ŋa iyi à jɔ̀ zigiɛ wa dau, inɛi ilɛ ŋau aa sa a nyɔ ilɛui.

Ozee 5:12

To, nsɛi bɛbɛi, amu ǹ baa ǹ yɛi bɛi juju ku jĩisa bi inɛi Efaraimu ŋa. Ǹ baa ǹ yɛi bɛi juju iyi kaa tã bi inɛi Zudaa ŋa.

Ozee 5:14

Ntɔ ntɔ, amu Aɔ̃ Lafɛ̃ɛ, an yɛi bɛi muusu nla bi inɛi Efaraimu ŋa, nɔ an yɛi bɛi muusu nla saasaabɔ bi inɛi Zudaa ŋa. Bii ǹ mu sɔndam, ǹ ya n gaai, si anyiɛ nɔ n nɛm. Ǹ ya n nɛòi, nɔ inɛ kãma ci ya gbaa.

Ozee 7:12

Waati iyi à waa nɛ, ŋɔi ǹ sɔ taaom si ŋa ǹ jɔ̀ à cuku wa bɛi yɛi ŋa iyi à waa fo lele, nɔ ǹ kpã ŋa iju si bɛi ǹ na ŋa baauɛ wa tã si igbɛ nŋau.

Ozee 8:8

Izirɛli í jɔ̀ inɛ ŋa à biiɛ. Nsɛiu ihɛ̃ bɛbɛi, í wai si inɔi inɛi ilɛ ŋa bɛi mii gɔ iyi inɛ kãma kù bi má.

Ozee 9:7

Waati si bii Aɔ̃ Lafɛ̃ɛ á sã nŋɛ gbesei mii ŋa iyi ì ce ŋau fei mbɛ ŋa. Ntɔ ntɔ, waati si bii inɛ fei á ba ribai mii ŋa iyi ì ce ŋau mbɛ, nɔ inɛi Izirɛli ŋa à nɛ a mài. Ì ya fɔ ŋa i maa ni, waliiu ihɛ̃ í sũmui. Ì ya fɔ má ŋa i ni, inɛ iyi hundei Ilaaɔ̃ í wa siɛu ihɛ̃ wa fɔ ide hai nɛ yaase. Ntɔ ntɔ bɛɛbɛi, amma iyi bɛ ŋau bɛ fei, na laalɔ nkpɔ nkpɔ ku ce nŋɛ ŋai, do ide ku kɔ̀ nŋɛ do gbugbã nla nla.

Amɔsu 3:7

Ntɔ ntɔ Aɔ̃ Lafɛ̃ɛ kaa ce ngɔgɔ iyi kù sɔ̃ walii woo ce icɛɛ ŋa si asii titã.

Amɔsu 7:17

Na nŋu, mii iyi Aɔ̃ Lafɛ̃ɛ í ni a baɛ wee. Aboɛ sakarai á maa ce si inɔ iluu, ama inɛmɔkɔ do ama inaaboɛ ŋa, aa kpa ŋai do taakuba, ilɛɛ aa kpɛ̃a inɛ ŋai do ikũ, nɔ awɔ takaɛ aa kui si ilɛ ku riisi, nɔ aa mu inɛi Izirɛli ŋai hai si ilɛ nŋa a nɛò ŋa hee jĩijĩ.

Amɔsu 7:9

An jɔ̀ bi ku ce kuweei tɔkui Izaaki ŋa ku lɛgɛ. An jɔ̀ ile bii inɛi Izirɛli ŋa à ya ce kutɔɔu ku cuku. Nɔ do taakubai an ceò nfei kpasɛ̃i ilaalu Zeroboamu.

Misee 6:13

Na ŋɔi í ce an jɔ̀ wahala ku naa si ŋɛ, nɔ n ce nfe nŋɛ na irii dulum du ŋɛ ŋau.

Zakari 1:6

Do nŋu fei, idem ŋa do wooda ŋa iyi ǹ sɔ̃ walii woo ce icɛm ŋa a sɔ̃ ŋa à to si ŋa nɔ à ce si ŋa icɛ. À jɔ à kpaasi idɔ à mà iyi kuce laalɔ nŋa í to amu Aɔ̃ Lafɛ̃ɛi lele do ilɛ ǹ jɔ̀ ijuukpã ku naa si ŋa bɛi ǹ tako ǹ sɔ̃ ŋau.

Laabaau jiida iyi Zãa í kɔ 16:4

Ǹ wa n sɔ̃ ŋɛ ide ŋau ihɛ̃i ku ba bii awaatiu í to wa i ye gigi ŋa iyi ǹ tako ǹ sɔ̃ ŋɛ tã. Ŋɔi Jesu í sɔ̃ ŋa má í ni, n kù sɔ̃ ŋɛ ide ŋau ihɛ̃ hai sinte domi awaɛ ŋai à wɛɛ.