Ozee 5:7 - Bibeli do fee

⁷ Inɛ ŋau à zamba Aɔ̃ Lafɛ̃ɛi, domi à bí amu ŋa do abo ŋa iyi aŋaò ŋa a kù ce abɔdɔ̃. Na nŋu, hai ihɛ̃ ku bɔ cukpa akã, aa ce nfei ilɛ nŋaui do amani nŋa ŋa.

Ozee 5:7 Iomraidhean Croise

Iri ku kɔ̃ 144:11

Faabam nɔ i gbam hai si awɔi inɛ ŋa iyi à waa jɛ isɛ mmu ŋau. Aŋa iyi à ya maa sɔ ibo nɔ a fɔ do kugbasi a ni ntɔi aŋa à waa fɔ, amma a ci ya kɔ̃ kuwã nŋa.

Iri ku kɔ̃ 144:7

Hai lele, yɔ awɔɛ ŋa i mum, nɔ i faabam hai si inyi nlau do hai si awɔi isɛ mmu ŋau.

Ezai 1:14

Ǹ cé jingaui cukpa titɔ̃ nŋɛ ŋau, nɔ n kù bi jingau nŋɛ ŋau kãma. Fei ndɛɛ asoi wa jɛɛm, nɔ ǹ gbɛɛjiò ku so nŋa bɛbɛi.

Ezai 48:8

Iyi í re mɔm, i kù bi ku gbɔ ŋa, nɔ i kù bi nkãma ku mà ŋa. I kù ce laakai ajɔ kãma ŋa mɔm. Ǹ mà iyi iŋɛ woo zamba ŋai nɔ hai waati iyi à bí ŋɛ wa, woo kɔ̀ ide ŋai à ya kpe ŋɛ.

Ezai 59:13

À ce ide ku kɔ̀ bi tɛɛ Aɔ̃ Lafɛ̃ɛ nɔ à zambaɛ. À kɔ̀ ku tooɛ awɔ Aɔ̃ Lafɛ̃ɛ nwa. Ide kulele ŋai à ya ka maa fɔ nɔ à ya ka bɛjɛ mii jiida ŋa. À ya ka ce sɔɔlui ibo ŋa si idɔ nwai nɔ ka maa lasabu si.

Zeremi 3:20

Amma bɛi inaabo iyi í zamba mɔkɔɛ, bɛɛbɛi iŋɛ inɛi Izirɛli ŋa ì zambam ŋa.

Zeremi 5:11

Ntɔ ntɔ, hai inɛi Izirɛli ŋa do inɛi Zudaa ŋau fei, kãma nŋa kù leekĩ do amu. Amu Aɔ̃ Lafɛ̃ɛi ǹ fɔ bɛɛbɛ.

Ezekiɛli 12:28

Na nŋu, sɔ̃ ŋa iyi amu Aɔ̃ Lafɛ̃ɛ ǹ ni, idei ijuukpã ŋa iyi ǹ fɔ ideɛu fei á cei kaa kpɛ. Amu Aɔ̃ Lafɛ̃ɛi ǹ fɔ bɛɛbɛ.

Ozee 2:11

Na nŋu, bii waatii bilee ku mu í to, an naa n gba bileem nii, nɔ bii waatii isoi rezɛ̃ɛ ku fɔ̃ í to, an naa n gba vɛ̃ɛm nii. An naa n gba acɔ kusĩa ŋa iyi à waa bii basĩɛui.

Ozee 2:4

I yɛ taalei Izirɛli iye nŋɛ, domi kù jɛ abom má, nɔ amu mɔ n kù jɛ mɔkɔɛ. Ku nya nyindai icu ku taɛu hai si wajuɛ, nɔ ku nya sɛɛdai sakara ku ceɛu hai si amɔɛ ŋa.

Ozee 6:7

Iŋɛ mɔ i kù jirima akabuum bɛi inɛi ilui Adamu ŋa. Si gãmɛu bɛi ì zambam ŋa.

Ozee 7:13

Inɔ kufɔi á ba ŋa si na iyi í jɔ̀ à saam à nɛ hee jĩijĩ. Nfe ku cei á ba ŋa si na iyi í jɔ̀ à dedeò ide ku kɔ̀ si gãmɛm. À waa sɔ ibo ŋa si gãmɛm. To, bɛirei an ce n faaba ŋa má.

Zakari 11:8

Si cukpa akã ǹ lele woo degbe mɛɛta ŋau fei. Nɔ amu takam ǹ wa n degbe angudã ŋau, amma kuce nŋa í jɔ̀ ǹ mɔngɔ temua. Nɔ aŋa taka nŋa à cém.