Ozee 5:6 - Bibeli do fee

⁶ Nɔ aa maa dɛdɛ Aɔ̃ Lafɛ̃ɛi na saabui kuwee nŋa ŋa iyi aa maa ce do angudã do kɛtɛ nŋa ŋa. Amma a kaa yɔɔ si na iyi í jɔ̀ í fa araɛ í jĩò ŋa.

Ozee 5:6 Iomraidhean Croise

Kufita 10:9

Ŋɔi Moizi í jɛaa í ni, hai awaasũ do mɔkɔ ngbo ŋa fei, inɛmɔkɔ do inaabo ŋa, hee do angudã nwa ŋa do iwo nwa ŋa do kɛtɛ nwa ŋa, awa feii aa ka nɛ, domi bi ti awa jingaui iyi aa káa cea Aɔ̃ Lafɛ̃ɛ.

Mɔnda ŋa 1:28

Waati nŋui aa kpem ŋa, nɔ n ka n jɛ nŋɛ. Aa dɛdɛm ŋa amma i kaa yɛm ŋa.

Mɔnda ŋa 15:8

Aɔ̃ Lafɛ̃ɛ í cé kuweei inɛ laalɔ ŋa, amma í ya gba kutɔɔi inɛ dee dee ŋai do inɔ didɔ̃.

Mɔnda ŋa 21:27

Aɔ̃ Lafɛ̃ɛ í cé kuweei inɛ laalɔ, iyi í re mɔm bii lafɛ̃ɛ wa coo do lasabu laalɔ.

Iri ku kɔ̃ iyi í dɔ̃ í re 5:6

Ǹ cĩa inɛ iyi ǹ biu amma ǹ ba wee í nɛ. Ǹ fita n dɛdɛɛ, amma n kù yɔɔ. Ǹ kpoo, amma kù jɛɛm.

Ezai 66:3

Amma bii inɛ ŋa à waa ce kuwee, kɛtɛ komboi à ya saka, nɔ à ya kpa amanɛ mɔ má. Inɛ iyi wa ce kuwee do angudã walakɔ do iwo, í ya lɛgɛ kpakɔi aja mɔ má. Inɛ iyi wa ce kuwee do iyafũ, í ya kooò njɛi kuusɔɔ mɔ má. Inɛ iyi wa ce kuwee do tuae iyi í jɛ ti gigi ku ye, í ya maa weea iwɛ̃ ŋai. Inɛ ŋau bɛ fei, à cica kpãa nŋai, nɔ à ya nɛ inɔ didɔ̃i si laalɔ nŋau.

Zeremi 11:11

Na nŋu, Aɔ̃ Lafɛ̃ɛ í ni, cɔ, an jɔ̀ wahala ku naa si ŋai, nɔ a kaa yɔkɔ a fita si. Waati iyi aa na a maa dɔ̃ sim anu a maa tɔɔm faaba, n kaa n gbɔ nŋa.

Zeremi 11:14

Awɔ Zeremi, maà ce kutɔɔ na irii inɛ ŋau ihɛ̃ má. Maà dɔ̃ sim anu nɔ i maà ce kutɔɔ na iri nŋa má, domi n kaa n gbɔ nŋa má bii à waa tɔɔm na laalɔ iyi í naa si ŋa.

Zeremi 14:12

Baa bii à waa tɔɔm do anu ku dĩ, n kaa n gbɔ anu ku dɔ̃i inɔ kufɔ nŋa. Nɔ baa bii à waa ceem kuwee iyi à ya jo si ina fei sãa sãa do amua ŋa, n kaa n gba, domi ǹ wa n bi n ce nfe nŋai do taakuba do ari do bɔ̃ɔ ŋa iyi á kpa ŋa.

Zeremi 7:4

I maà jɔ̀ naanɛ nŋɛ ku wa si ide ibo ŋau i maa ni ŋa, ihɛ̃i í jɛ kpasɛ̃i Aɔ̃ Lafɛ̃ɛ, ihɛ̃i í jɛ kpasɛ̃i Aɔ̃ Lafɛ̃ɛ.

Kukpata 3:44

Ì bii araɛ do kudũi ijĩ, ku ba kutɔɔ nwa ŋa a maà to wa bi titɛɛ.

Ezekiɛli 8:18

Amu mɔ an naa si ŋai do idɔɔkɔ̃ nla nla, nɔ n kaa n cɔ ŋa n ce araare nŋa. N kaa n jɔ̀ inɛ gɔ ku fita si. Waati iyi aa maa dɔ̃ sim anu, n kaa n gbɔ nŋa.

Ezekiɛli 8:6

Ŋɔi Aɔ̃ Lafɛ̃ɛ í sɔ̃m í ni, awɔ amanɛ, ì waa yɛ laalɔ ŋa iyi inɛi Izirɛli ŋau à waa ce iyi í jɔ̀ n kaa n wa inɔ kpasɛ̃m? Amma aa yɛ laalɔ mmuɛ gɔ ŋa iyi à waa ce má.

Ozee 8:13

À ya ce kuwee do mɛɛmu ŋa a naam wai, si na iyi í jɔ̀ à ya bi iŋa ku ŋɔ. Amma amu Aɔ̃ Lafɛ̃ɛ, n ci ya n gba kuwee nŋa ŋau. Bɛbɛi, ǹ ye gigii kurara nŋa ŋau, nɔ an kpã ŋa ijui na dulum du ŋa ŋau. Inɛ nŋu ŋau, aa sinda a nyi ilɛi Ezibiti mái.

Amɔsu 8:12

Aa jɛ inɛ ŋa iyi à nyɔi hai awɔ cangai kpãai inunu do nunui alɛ, hai awɔ njɛi kpãai inunu do nunui daakɔ. Aa maa dɛdɛ idei Aɔ̃ Lafɛ̃ɛi amma a kaa baa.

Misee 3:4

Na nŋu, aa dɔ̃ anu si Aɔ̃ Lafɛ̃ɛ ŋa, amma kaa jɛ nŋɛ. Á singa nŋɛ wajuɛi si waatiu bɛ, si na iyi í jɔ̀ ì ce mii laalɔ ŋa.

Malasi 1:10

Inɛ akã nŋɛ í nɛ koo cĩmbo gamboi kpasɛ̃m ŋaui wo ku ba i maà naa i koo i maa ko ina si ngbɛ bi ku ce kuweem nɔu ŋa. N kù nɛ inɔ didɔ̃ si ŋɛ, nɔ bɛɛbɛ mɔi kuwee ŋa iyi ì waa ceem ŋa kù waa dɔ̃ɔm si.

Luku 5:16

Amma Jesu í ya bɔ gbabuai nŋu akã koo ce kutɔɔ.

Laabaau jiida iyi Zãa í kɔ 7:34

Aa na i maa dɛdɛɛm ŋa amma i kaa yɛm ŋa, domi i kaa yɔkɔ i bɔ bii an wa ŋa.