Ozee 5:5 - Bibeli do fee

⁵ Faaui inɛi Izirɛli ŋai í jɛ sɛɛdai kuce nŋa. Inɛi Izirɛli do inɛi Efaraimu ŋau à koosɛi na kurara nŋa, nɔ inɛi Zudaa ŋau mɔ à koosɛ do aŋa.

Ozee 5:5 Iomraidhean Croise

Mɔnda ŋa 11:21

Ntɔ ntɔ inɛ laalɔ fei á yɛ ijuukpã, amma tɔkui inɛ dee dee ŋa aa ba faaba.

Mɔnda ŋa 11:5

Jiida ku jɛi inɛ dee dee í ya dasiɛ kpãa iyi í sĩa, amma inɛ laalɔ í ya nyɔi na laalɔ ku ceɛ.

Mɔnda ŋa 14:32

Wahala í ya kɛkɛɛ inɛ laalɔ ŋa, amma inɛ jiida ŋa à ya maa leekĩi dim dim baa si iku.

Mɔnda ŋa 24:16

domi baa bii inɛ dee dee í cuku isɛ gbɛɛje, í ya nyi ku dede má. Amma inɛ laalɔ ŋa wahala í ya kɛkɛ ŋai nɔ a ci ya dede má.

Mɔnda ŋa 30:13

Inɛ gɔ ŋa à waa so ara nŋa lele, nɔ à waa cɔ inɛ fei ilɛ ngbɛ.

Ezai 3:8

Zeruzalɛmu í koosɛ, nɔ Zudaa mɔ í cuku si na iyi í jɔ̀ à dedeò ide ku kɔ̀ si gãmɛi amboei Aɔ̃ Lafɛ̃ɛ, do hai si ide ku fɔ nŋa ŋa do kuce nŋa ŋa si wajuɛ.

Ezai 3:9

Kucei aŋa tii taka nŋai wa jɛ sɛɛdai laalɔ ku jɛ nŋa. À waa ce dulum nii bɛi inɛi Sodomu ŋa, a kù waa singaɛ mɔm. Inɔ kufɔi á jɛ tu ŋa, domi sɔɔlui inɔ kufɔi à waa cea ara nŋa.

Ezai 44:9

Woo ce mii ŋa iyi à jɔ iwɛ̃ ŋau fei, inya ngbɛ ŋai. Icɛ kusĩa nŋa iyi à waa ce fei, ngbɛi. Iwɛ̃ ŋaui aa jɛ sɛɛda nŋa, iwɛ̃ ŋa iyi a kù waa yɛ nkãma, nɔ a kù mà nkãma. Iwɛ̃ ŋau aa na a jɔ̀ anyɔ ku bii ŋai.

Ezai 59:12

Ntɔ ntɔ, Aɔ̃ Lafɛ̃ɛ, kurara nwa ŋa í kpɔ í caa si wajuɛ, nɔ dulum du wa ŋa à waa yɛ taale nwa bi titɛɛ. Wooda ku kua í wa si wa, nɔ à mà kurara nwa ŋa.

Zeremi 14:7

Inɛi Zudaa ŋa à ni, ntɔ ntɔ à waa ba taalei na saabui kurara nwa ŋa. Amma à waa tɔɔɛi Aɔ̃ Lafɛ̃ɛ, ce ngɔgɔ baa na irii awɔ takaɛ, domi à zambaɛ tuuba nkpɔ nkpɔ, nɔ à ce dulum bi tɛɛ.

Zeremi 2:19

Inɔ kukãɛi á jɔ̀ i ba ijuukpã, nɔ dee dee hai jɛɛi á jɔ̀ i yɛ bɔ̃nɛ. Do yaase bɛɛbɛ, aa mà iyi mii iyi ì ce í jɛ laalɔ nɔ í ro. Ì fũsi amu Aɔ̃ Lafɛ̃ɛɛ awɔ nɔ i kù mà bɛɛrɛm. Amu Aɔ̃ Lafɛ̃ɛi lele do ilɛ, amui ǹ fɔ bɛɛbɛ.

Ozee 14:1

Inɛi ilui Samari ŋa à nɛ a yɛ ijuukpãi kurara nŋai si na iyi í jɔ̀ à ce ide ku kɔ̀ bi Aɔ̃ Lafɛ̃ɛ nŋa. Na nŋu, igũi á naa si ŋa ku kpa ŋa. Aa tɛɛsɛ ama kpɔtɔɔ nŋa ŋai, nɔ a pũ inaabo bãasĩ nŋa ŋa.

Ozee 14:2

Iŋɛ inɛi Izirɛli ŋa, i sinda i nyi wa bi Aɔ̃ Lafɛ̃ɛ nŋɛ, domi kurara nŋɛi í jɔ̀ ì koosɛ ì cuku ŋa.

Ozee 4:5

Aa koosɛi dasã nkpa, nɔ walii iyi í wa bi titɛɛu mɔ, á koosɛi idũ. Nɔ an ce nfei iyeɛ.

Ozee 5:14

Ntɔ ntɔ, amu Aɔ̃ Lafɛ̃ɛ, an yɛi bɛi muusu nla bi inɛi Efaraimu ŋa, nɔ an yɛi bɛi muusu nla saasaabɔ bi inɛi Zudaa ŋa. Bii ǹ mu sɔndam, ǹ ya n gaai, si anyiɛ nɔ n nɛm. Ǹ ya n nɛòi, nɔ inɛ kãma ci ya gbaa.

Ozee 7:10

Inɛi Izirɛli ŋau, ilu faau ŋai. Faau nŋai í jɛ sɛɛdai kurara nŋa. Inɛi Izirɛli ŋau à kɔ̀ ku nyi wa bi amu Aɔ̃ Lafɛ̃ɛ nŋa. Baa do mii ŋa iyi í ba ŋau bɛ fei, a kù dɛdɛɛm.

Ozee 8:14

Inɛi Izirɛli ŋau à gbɛjɛ inɛ iyi í taka ŋai, nɔ à ma ile kusĩa ŋa ntɔ ntɔ. Inɛi Zudaa ŋa mɔ à ma ilu ku nɛ gbugbã ŋa nkpɔ nkpɔ. An jɔ̀ ina ku naa si ilu nŋa ŋaui, nɔ ku ce asɔɔi kabai bomma nŋa ŋau.

Amɔsu 5:2

Izirɛli iyi í jɛ bɛi mudɛ̃ɛ, í cuku nɔ kaa dede má. Wa sũ ilɛi ideɛ nɔ inɛ gɔ kù dedeɛ.

Matie 23:31

Iŋɛ taka nŋɛ ì waa nyisi iyi iŋɛ tɔkui inɛ ŋa iyi à kpa walii ŋaui.

Luku 19:22

Ŋɔi ilaaluu í sɔ̃ɔ í ni, awɔ amaacɛ yaamɔ, an kiitiɛi hai si ideɛ iyi ì fɔ. Awɔi ì mà iyi ǹ jɛ inɛ kugaabu, ǹ ya n so mii iyi n kù jilɛ, nɔ n da mii iyi n kù gbɛ̃.