Ozee 5:4 - Bibeli do fee

⁴ Mii iyi inɛi Izirɛli ŋau à ce kaa jɔ̀ a nyi wa bi Aɔ̃ Lafɛ̃ɛ nŋa má, domi lasabui iwɛ̃ ŋa ku tɔɔu í wa si ŋa nɔ a kù mà Aɔ̃ Lafɛ̃ɛ.

Ozee 5:4 Iomraidhean Croise

Iri ku kɔ̃ 78:8

A kaa yɛ bɛi bala nŋa ŋa. Aŋa iyi à yika itĩ nɔ à kɔ̀ ku jirima Ilaaɔ̃, idɔ nŋa kù leekĩ suusuu, nɔ lasabu nŋa kù jɛ dee dee.

Iri ku kɔ̃ 9:10

Aɔ̃ Lafɛ̃ɛi wa mu hai nɛ gbugbã ŋa, nɔ nŋui í ya maa degbe ŋa si waatii wahala.

Zeremi 24:7

An jɔ̀ a mà iyi amui ǹ jɛ Aɔ̃ Lafɛ̃ɛ. Bii à sinda a nyi wa bi titom do idɔ nŋa fei, waati bɛɛbɛ aa jɛ inɛm ŋa, nɔ amu mɔ an jɛ Aɔ̃ Lafɛ̃ɛ nŋa.

Zeremi 50:38

Inyii ido nŋa ŋau á gbɛ, domi ilɛu í jɛ ilɛi iwɛ̃ ŋa, nɔ iwɛ̃ ŋau à jɔ̀ iri nŋa í sinda.

Zeremi 9:24

Ŋɔi Aɔ̃ Lafɛ̃ɛ í ni má, ajɔ wa naa si bii an na n naa si inɛ ŋa iyi à waa ni aŋa à ce bango ŋa.

Zeremi 9:6

Na ŋɔi í jɔ̀ Aɔ̃ Lafɛ̃ɛi lele do ilɛ í ni, an dasi ŋa inai n ba n jɔ̀ a má, domi bii kù jɛ bɛɛbɛ, n kù mà bɛi an cea inɛm ŋau ihɛ̃ má.

Ozee 13:13

Í yɛi bɛi ama iyi ara kuroi kubí í naa si iyeɛ. Amma amau í ce nnyɛi. Iyi waatii kubíɛ í na í to wa, í kɔ̀ ku fita wa hai inɔi iyeɛ.

Ozee 4:1

Iŋɛ inɛi Izirɛli ŋa, i sotĩ i gbɔ idei Aɔ̃ Lafɛ̃ɛ ŋa, domi idei taale í wa si gãmɛi Aɔ̃ Lafɛ̃ɛ do inɛi ilɛɛ ŋau si na iyi í jɔ̀ jiida ku jɛ do dee dee ku jɛ do Ilaaɔ̃ ku mà kù wa si ŋa.

Ozee 4:11

Sakara ku ce do vɛ̃ɛ titɔ̃ ku mɔi í jɔ̀ zamaam nɔu kù nɛ iri.

Ozee 4:12

Zamaam nɔu, jĩi iyi í gbe í jɛ iwɛ̃ɛi í ya maa bee ide. Jĩi nɔui í ya jɛaa. Lasabui iwɛ̃ ŋa ku tɔɔi í naa si ŋa nɔ í jɔ̀ à nyɔ. Nŋui í jɛ bɛi sakara iyi à ya maa ce, nɔ à fɛɛfɛ do amu Aɔ̃ Lafɛ̃ɛ nŋa.

Ozee 4:14

Amma n kaa n kpã ama inaabo nŋa ŋau iju na icu ku ta nŋa, nɔ n kaa n kpã aboi ama inɛmɔkɔ nŋa ŋau iju na sakara ku ce nŋa, domi aŋa woo wee ŋaui à ya gbã inaabo ŋa a bɔò ŋa kɔkɔlɛ, nɔ a ce kuwee do abo à ta icu ŋau. Zamaa iyi kù mà yaasei mii ŋa ku wũaa, si nfe ku cei wa bɔ.

Ozee 4:6

Ntɔ ntɔ, zamaam wa ce nfei si na iyi í jɔ̀ kù nɛ kumà. Nɔ si na iyi í jɔ̀ awɔ takaɛ i kù bi i màm, an nyaɛ hai si icɛm nii. Nɔ si bɛi ì gbɛjɛ woodai amu Aɔ̃ Lafɛ̃ɛɛ, bɛɛbɛ mɔi amu mɔ an gbɛjɛ amaɛ ŋa.

Ozee 7:11

Inɛi Efaraimu ŋa à yɛi bɛi ankasiidi. Lasabu nŋa kù jĩisa nɔ a kù nɛ bisi. Inɛi Ezibiti ŋai à kpe. Si anyiɛ, nɔ à dede à nɛ ilɛi Asiri.

Ozee 8:11

Efaraimu í ce bi kuwee ŋaui nkpɔ nkpɔ ku ba ku ce dulum. Bi kuwee ŋaui à baa à jɛaa afe bii á ba ku maa ceò dulum.

Laabaau jiida iyi Zãa í kɔ 16:3

Aa ya maa ce bɛɛbɛi si na iyi í jɔ̀ a kù màm hee má jɛ Baaba.

Laabaau jiida iyi Zãa í kɔ 8:55

Do nŋu fei, i kù màa ŋa, amma amu ǹ màa. Bii ǹ ni n kù màa, ǹ jɛ ilu iboi bɛi iŋɛ mɔ. Amma amu ǹ màa nɔ ǹ wa n jirima ideɛ.

Samuɛli 1, 2:12

Amai Elii ŋa inɛ laalɔ ŋai iyi a kù mà bɛɛrɛi Aɔ̃ Lafɛ̃ɛ.