Ozee 5:3 - Bibeli do fee

³ Amu ǹ mà dimii inɛi Efaraimu ŋau, nɔ kucei inɛi Izirɛli ŋau mɔ kù waa manjiim baa keeke. Ntɔ ntɔ, iŋɛi ì tale si inɛi Efaraimu ŋau sakara ku ce, nɔ nsɛi inɛi Izirɛli ŋa fei à so riisi.

Ozee 5:3 Iomraidhean Croise

Ezai 7:16

Hee ku maa to waati iyi ama inɛmɔkɔu á mà mii ŋa ku wũaa bɛɛbɛ, ilɛi ilaalu minji ŋa iyi à jɔ̀ zigiɛ wa dau, inɛi ilɛ ŋau aa sa a nyɔ ilɛui.

Ezai 7:17

Amma awɔ, Aɔ̃ Lafɛ̃ɛ á jɔ̀ wahala gɔ ku naa siɛ do si zamaaɛ ŋa do si bommaɛ. Wahalau, a kù yɛ dimiɛ ajɔ kãma hai waati iyi bommai Izirɛli do ti Zudaa ŋau à kpɛ̃. Iyi bɛ á cei hai do bi ilaalui Asiri.

Ezai 7:5

Ǹ mà iyi inɛi Siri ŋa do Peka do soogei Efaraimu ŋa à nɛ lasabui laalɔ ku ceɛ. Aŋa taka nŋa à ni,

Ozee 1:2

Ide sinte ŋa iyi Aɔ̃ Lafɛ̃ɛ í sɔ̃ Ozee í ni ku sɔ̃ zamaai nŋu ŋau wee. Aɔ̃ Lafɛ̃ɛ í sɔ̃ Ozee í ni, koo so inaabo à ce sakara, nɔ abou ku bíɛ amu ŋa iyi aa jɛ amai abo à ce sakara, domi inɛi Izirɛli ŋau à ya dabii a maa tɔɔ iwɛ̃ ŋai bɛi inaabo à ce sakara í ya maa dabii si inɛmɔkɔ ŋa, nɔ à fũsi Aɔ̃ Lafɛ̃ɛ awɔ.

Ozee 12:1

Ŋɔi Aɔ̃ Lafɛ̃ɛ í ni, zamaai Efaraimu í kaakom nii do muafiti, nɔ inɛi Izirɛli ŋa mɔ à biim nii do zamba. Inɛi Zudaa ŋai à waa nɛ do amu Ilaaɔ̃ amma aŋa mɔ a kù leekĩ dee dee, domi a kù fũsi iwɛ̃ ŋa awɔ.

Ozee 13:1

Waati iyi Efaraimu wa fɔ ide fei, zigii inɛ ŋa í ya dai, domi í nɛ gbugbã ntɔ ntɔ si Izirɛli. Amma í so taale si na iyi í jɔ̀ iwɛ̃ iyi à ya kpe Baaliu bɛi í ya tɔɔ, nɔ í ku.

Ozee 13:5

Amu ǹ màɛi waati iyi ì wa si gbaa, si ilɛ ngbɛ.

Ozee 5:11

À waa kpã Efaraimu iju, nɔ à waa tɛɛsɛ asaiyaɛ ŋa, si na iyi í jɔ̀ í bi nŋu ku maa sɛi si inya ngbɛ.

Ozee 5:13

Inɛi Efaraimu ŋa à yɛ bɔ̃ɔ iyi aŋa à nɛ, nɔ inɛi Zudaa ŋau mɔ à yɛ juju iyi aŋa à nɛ. Efaraimu í dede í bɔ Asiri, nɔ í bɛ inɛ ŋa bi ilaalui Yarɛbu. Amma ilaaluu bɛ kaa yɔkɔ ku jɔ̀ a ba iri, nɔ kaa ba nŋa iwɔi jujuu.

Ozee 5:9

Aa ce nfei Efaraimui si ajɔi ijuukpãu. Ide iyi ǹ wa n sɔ̃ dimii inɛi Izirɛli ŋau ihɛ̃, ideu kù nɛ sika kãma.

Ozee 6:10

Si ilɛi Izirɛli, ǹ yɛ mii laalɔ ŋa. Si ilɛu, inɛi Efaraimu ŋa à sinda si iwɛ̃ ŋa ku tɔɔ, nɔ nŋui í jɛ sakara ku ce. Do yaase bɛɛbɛi inɛi Izirɛli ŋau à dasi ara nŋa riisi.

Ozee 6:4

Iŋɛ inɛi Efaraimu ŋa, bɛirei an ce nŋɛ. Iŋɛ inɛi Zudaa ŋa, bɛirei an ce nŋɛ. Naanɛ nŋɛ í yɛɛm nii bɛi kudũi ijĩi daadaakɔ, walakɔ bɛi ikpãi daadaakɔ iyi í ya wɔ anu akã.

Ozee 8:11

Efaraimu í ce bi kuwee ŋaui nkpɔ nkpɔ ku ba ku ce dulum. Bi kuwee ŋaui à baa à jɛaa afe bii á ba ku maa ceò dulum.

Amɔsu 3:2

Si dimii inɛi andunya ŋa fei iŋɛ akãi ǹ cica. Na ŋɔi í ce an bee ŋɛ ide si gãmɛi laalɔ iyi ì ce fei ŋa.

Amɔsu 5:12

Ntɔ ntɔ, ǹ mà iyi kurara nŋɛ í la nɔ dulum du ŋɛ mɔ í caa, domi ì ya kɔ̀ inɛ dee dee ŋa ntɔ na amua ŋa iyi ì ya gba hai bi inɛ laalɔ ŋa. Nɔ bi ku ce kiiti ŋa ì ya kɔ̀ ilu are ŋa mɔ ntɔ.

Wooda ku kɔsi 33:17

Bɛɛrɛi í jɛ ti Zozɛfu. Í nɛ gbugbãi bɛi kɛtɛ kombo. Ngo ku nɛ gbugbã minjiɛ ŋai í ya jaò bɛi ifã. Do nŋui í ya cãò inɛi ilɛ ŋa nɔ ku tale ŋa hee kɔɔi andunya. Akãi ngoɛ ŋaui í jɛ dimi nkpɔ nkpɔi Efaraimu. Iyi ihɔ̃ mɔ, zamaa nkpɔ nkpɔi dimii Manasee.

Ebɛɛ 4:13

Nkãma kù wɛɛ iyi wa manjia Ilaaɔ̃ woo taka. Fei ndɛɛ í cĩ wa jilɛi si wajuɛ. Nɔ nŋui awa fei aa ka tusɛa kuwɛɛ nwa.

Kuyɛi Zãa 3:15

ǹ mà kuce nŋɛ. Ǹ mà iyi i kù tũ ŋa, i kù nɔ i kù gbãa ŋa. Ǹ bi wo i tũ ŋa walakɔ i gbãa ŋa.