Ozee 5:10 - Bibeli do fee

¹⁰ Ilaalui inɛi Zudaa ŋa à yɛi bɛi inɛ ŋa iyi à waa tekĩò kɔɔi inya ŋa. Amma an jɔ̀ idɔɔkɔ̃m ku naa si ŋai bɛi inyi iyi wa cã.

Ozee 5:10 Iomraidhean Croise

Iri ku kɔ̃ 32:6

Si bɛɛbɛ, inɛ dee dee ŋau fei à nɛ a tɔɔɛi si waati iyi í jɔ. Baa bii inyi nla wa bi ku jɛ ŋai aa fita si.

Iri ku kɔ̃ 69:24

Jɔ̀ iju nŋa ku bii nɔ a maà yɛ ilu má. Jɔ̀ a nɛ bitandii bũu hai nɛ kɔɔ.

Iri ku kɔ̃ 88:17

Inai idɔɔkɔ̃ɛ í cuku sim wa, nɔ zigiida í dasim ku coko.

Mɔnda ŋa 17:14

Inɛ iyi í dede kakɔɔ, í yɛi bɛi inɛ iyi í lu idĩ iyi wa gɛɛ inyi. Na nŋu, coko hee ija ku maa dede.

Mɔnda ŋa 22:28

Maà tekĩò kɔɔ nwo iyi balaɛ ŋa à nya.

Ezai 1:23

Inɛ ngboi Zeruzalɛmu ŋa, woo kɔ̀ ide ŋai, nɔ kpaasii ile ŋai. Amua ŋa iyi à sinda lasabu nŋai à ya bi ku gba, nɔ a ci ya kɔ̀ò kɔyɔ ŋa si gãmɛi mii ŋa iyi í nɛ ku jɛ tu ŋa. A ci ya gbɔa jaaɔ̃ ŋa baa bii à waa tɔɔ a sobi aŋa.

Ezekiɛli 22:22

Bɛi isɔ fũfũ í ya yɔ si inɔ caka, bɛɛbɛi iŋɛ mɔ aa yɔ ŋa si inɔ ilu Zeruzalɛmu. Do yaase bɛɛbɛ aa mà ŋa iyi amui ǹ jɛ Aɔ̃ Lafɛ̃ɛ iyi í jɔ̀ idɔɔkɔ̃ɛ í naa si ŋɛ.

Ezekiɛli 7:8

Nsɛi ǹ tã sɔɔlu idɔɔkɔ̃m nɔu ku naa si ŋɛ. An jɔ̀ idɔɔkɔ̃m nɔu ku ce icɛɛ si ŋɛi hee kɔɔ. An kiiti ŋɛi si isɛɛnɛ nŋɛ nɔ n sã nŋɛ kuce laalɔ nŋɛ.

Matie 7:27

Ijĩ í wɔ, ido í kɔ̃ í nikã, nɔ fufu nla nla í dede si ileu, nɔ í cuku í lɛgɛ fei.

Luku 6:49

Amma inɛ iyi í gbɔ idem nɔ kù waa jirimaɛ, í yɛi bɛi mɔkɔ gɔ iyi í ma ile nɔ kù nyɔ icuɛ do kuta. Ŋɔi ido í na í kɔ̃ í nikã wa cã ileu nɔ gbakã í cuku í lɛgɛ fei.

Wooda ku kɔsi 19:14

Waati iyi aa koo i buba si ilɛ iyi Aɔ̃ Lafɛ̃ɛ á mu nŋɛu, aa nyisi inɛ fei tengi bii á jɛ kɔɔi tubu iyi á ba si ikpɛ̃i ilɛui. Waati bɛɛbɛ, inɛ kãma ku maà kua kɔɔi titɛɛ ku lɔ si ti inɛi kɔkɔɛ.

Wooda ku kɔsi 27:17

Ikpei á jɛ ti inɛ iyi í tekĩò nyindai kɔɔi ilɛi inɛ mmu gɔ. Nɔ zamaau fei á jɛi ku ni, ami.