Ozee 5:1 - Bibeli do fee

¹ Iŋɛ woo wee ŋau, i sotĩ i gbɔ ku ce ncɛɛ ŋa. Iŋɛ mɔ inɛi Izirɛli ŋa, i ce laakai ŋa. Iŋɛ mɔ inɛi kpasɛ̃i ilaalu ŋa, i sotĩ i gbɔ ŋa. Iŋɛi à waa fãa si gãmɛi idei kiitiu bɛ, domi Misipa bɛ iŋɛi ì jɛ bɛi cɛkũm bi inɛm ŋau, nɔ ì jɛ má ŋa bɛi taa iyi à le si iri kutai Tabɔɔ.

Ozee 5:1 Iomraidhean Croise

Zeremi 11:7

Hai ajɔ iyi amu Aɔ̃ Lafɛ̃ɛ ǹ jɔ̀ bala nŋɛ ŋa à fita wa hai ilɛi Ezibiti ǹ sɔ̃ ŋa ǹ kɔnkɔn du ŋa ǹ ni a ya sotĩ a gbɔ idem ŋa. Bɛɛbɛi ǹ wa n sɔ̃ iŋɛ mɔ nnyi ǹ wa n kɔnkɔn du ŋɛ ǹ ni i ya sotĩ i gbɔ idem ŋa.

Zeremi 13:18

Sɔ̃ ilaalu do iyeɛ i ni, i buba ilɛ ŋa, domi fulai amanlu nŋɛ iyi í nɛ booda kusĩau í nya í cuku hai si iri nŋɛ.

Zeremi 46:18

Ŋɔi ilaalu iyi iriɛ í jɛ Aɔ̃ Lafɛ̃ɛi lele do ilɛ í ni, hee do kuwɛɛm feii ǹ ceò kugbasiu ihɛ̃ ǹ ni, bɛi à mà iri kutai Tabɔɔ nŋui í gboka í re iri kuta ŋa iyi à gbe, do bɛi à mà iyi Kaamɛli iri kuta gɔi iyi í wa kɔkɔi tenku, bɛɛbɛi kù nɛ sika kãma à mà iyi mbɛɛ á naa ku faata wa si ŋa.

Ozee 10:15

Iŋɛ inɛi Izirɛli ŋa, bɛɛbɛi aa ce nŋɛ, si na iyi í jɔ̀ laalɔ ku ce nŋɛ í caa Betɛli bɛ. Hai inunu í là gbakã, kɔɔi kuwɛɛi ilaalui Izirɛli mɔ mbɛ.

Ozee 13:8

An bata ŋɛi bɛi mbo iyi í kua amaɛ ŋa. An ga gɛndɛ nŋɛi. An ŋɔ ŋɛi bɛi muusu nla iyei ama í ya ce. Mɛɛmui sako ŋa aa gagaga ŋɛi.

Ozee 4:1

Iŋɛ inɛi Izirɛli ŋa, i sotĩ i gbɔ idei Aɔ̃ Lafɛ̃ɛ ŋa, domi idei taale í wa si gãmɛi Aɔ̃ Lafɛ̃ɛ do inɛi ilɛɛ ŋau si na iyi í jɔ̀ jiida ku jɛ do dee dee ku jɛ do Ilaaɔ̃ ku mà kù wa si ŋa.

Ozee 6:9

Do yaase bɛi wuaai sooge ŋa, à ya maa manjia inɛ ŋa ku ba a kpa ŋa, do yaase bɛɛbɛi wuaai woo wee ŋau à ya manjia inɛ ŋa a maa kpa ŋa si kpãai Sikɛmu. Nɔ iyi bɛ, mii laalɔi.

Ozee 9:8

Inɛ iyi wa wɔ njoo wa degbe inɛi Efaraimu ŋa, amu waliiui nɔ ǹ wɛɛ do Aɔ̃ Lafɛ̃ɛm. Taa ku mu yɛi ŋa í wa si kpãaɛ ŋa fei. Njɛ ku céi í wa si kpasɛ̃i Aɔ̃ Lafɛ̃ɛɛ.

Zoɛli 1:2

Iŋɛ inɛ ngbo ŋa, i sotĩ i gbɔ ŋa. I sotĩ i gbɔ ŋa iŋɛ iyi ì wa si ilɛu fei. Mii dimi bɛ ihɛ̃ í ce si waati nŋɛ, walakɔ si waatii bala nŋɛ ŋa?

Amɔsu 3:1

I de itĩ i gbɔ ide iyi amu Aɔ̃ Lafɛ̃ɛ ǹ wa n fɔ, iŋɛ inɛi Izirɛli ŋa fei, iŋɛ iyi ǹ nya wa hai ilɛi Ezibitiu.

Amɔsu 7:9

An jɔ̀ bi ku ce kuweei tɔkui Izaaki ŋa ku lɛgɛ. An jɔ̀ ile bii inɛi Izirɛli ŋa à ya ce kutɔɔu ku cuku. Nɔ do taakubai an ceò nfei kpasɛ̃i ilaalu Zeroboamu.

Misee 3:1

Misee í ni, iŋɛ iyi ì jɛ inɛ ngboi tɔkui Zakɔbu ŋa, iŋɛ woo kiitii inɛi Izirɛli ŋa, i sotĩ i gbɔ ŋa. Aɔ̃ Lafɛ̃ɛ í ni, kù jɛ iŋɛi í sĩa i mà wooda ŋa?

Misee 3:9

Iŋɛ inɛ ngboi tɔkui Zakɔbu ŋa, do iŋɛ woo kiitii inɛi Izirɛli ŋa, i sotĩ i gbɔ ŋa, iŋɛ iyi i ci ya bi mii iyi í jɛ dee dee ŋa, iŋɛ iyi ì ya maa bɛjɛ ntɔ ŋa,

Misee 7:2

Si ilɛu, inɛ dee dee gɔ kù wɛɛ má, inɛ ŋa iyi à waa too ntɔ ŋa a kù wɛɛ má. Inɛ ku kpai inɛ nkpɔ nŋa fei í mu. Inɛ ŋa à ya maa zamba njɛi.

Malasi 1:6

[Aɔ̃ Lafɛ̃ɛi lele do ilɛ wa ba woo wee ŋa ide ku fɔ wa ni,] ama í ya mà bɛɛrɛi baaɛi, amaacɛ mɔ í ya jirima lafɛ̃ɛɛi. Bii ǹ jɛ baa nŋɛi, bɛirei ì waa nyisiò bɛɛrɛm ŋa. Bii ǹ jɛ lafɛ̃ɛ nŋɛi hee iwoi jirimam iyi ì nɛ í wa ŋa. Iŋɛ woo wee ŋau, ì waa yaakom nɔ ì waa ni ŋa, si iwoi à waa yaakoɛ.

Malasi 2:1

Amu Aɔ̃ Lafɛ̃ɛi lele do ilɛ ǹ ni, iŋɛ woo wee ŋa iŋɛi ǹ wa n na woodau ihɛ̃.

Woo kiiti ŋa 4:12

Ŋɔi à sɔ̃ Sisera à ni, Baraki amai Abinoamu í naa í gũ iri kutai Tabɔɔ.

Woo kiiti ŋa 4:6

Ajɔ nŋu gɔ, Debora í ni a kpe Baraki amai Abinoamu wa hai Kedɛsi ilɛi Nɛfitali. Nɔ í sɔ̃ɔ í ni, ide iyi Aɔ̃ Lafɛ̃ɛ wa sɔ̃ɛ wee. Í ni, koo si dimii Nɛfitali do si dimii Zabulɔ̃ɔ i nya inɛmɔkɔ dubu mɛɛwa (10.000) nɔ i gbã ŋa i bɔò ŋa si iri kutai Tabɔɔ.

Samuɛli 1, 7:16

Adɔ̃ fei í ya too too si ilui Betɛli do Giligali do Misipa ku maa kaako inɛi Izirɛli ŋa si ilu ŋau bɛ fei.

Samuɛli 1, 7:5

Ŋɔi Samuɛli í sɔ̃ ŋa í ni, iŋɛ inɛi Izirɛli ŋa fei, i tɔtɔɔ Misipa nɔ n ce kutɔɔ na iri nŋɛ.

Samuɛli 1, 7:6

Iyi à tɔtɔɔ Misipa bɛ ŋɔi à kpã inyi à dikãɛ ilɛ si wajui Aɔ̃ Lafɛ̃ɛ à dĩ anu ajɔ nŋu bɛ à ni, à ce dulum bi Aɔ̃ Lafɛ̃ɛ. Hai Misipa bɛi Samuɛli í jɛ inɛ ngboi inɛi Izirɛli ŋa.