Ozee 4:9 - Bibeli do fee

⁹ Amma mii iyi á na ku ba woo wee ŋau, nŋui á na ku ba zamaau mɔ. An ce nŋai si bɛi isɛɛnɛ nŋa í yɛ. Yaase bɛi kuce nŋa í yɛ, bɛɛbɛi an sã nŋa.

Ozee 4:9 Iomraidhean Croise

Mɔnda ŋa 11:31

Bii inɛ dee dee ŋa à waa ba riba nŋa si andunya ihɛ̃, aa na a fɔ idei ribai ilu inɔ kukã ŋa do ti ilu dulum ŋa bɛi á to?

Mɔnda ŋa 12:14

Bɛi à ya sãa inɛ fia na icɛ iyi í ce, bɛɛbɛ mɔi idei amanɛ á yɔkɔ ku jɔ̀ ku bɔ waju.

Mɔnda ŋa 5:22

Kurara ŋa iyi inɛ laalɔ wa cei í ya sinda ku muu. Dulum dɛɛ ŋai í ya kpatiɛ.

Ezai 24:2

Mii iyi á ba woo wee, nŋui á ba inɛ iyi kù jɛ woo wee. Mii iyi á ba inɛ iyi í nɛ aru, nŋui á ba aruu mɔ. Mii iyi á ba inaabo iyi í nɛ aru, nŋui á ba aru ama inaaboɛ mɔ. Mii iyi á ba woo ta, nŋui á ba woo ra mɔ. Mii iyi á ba inɛ iyi í kãayea inɛ gɔ, nŋui á ba inɛ iyi à kãayeau mɔ. Mii iyi á ba inɛ iyi í wɛ̃a inɛ gɔ, nŋui á ba inɛ iyi à wɛ̃aau mɔ.

Ezai 3:10

Amma i sɔ̃ inɛ dee dee ŋau ngu ŋa i ni à wa si kpãa jiida nɔ aa jɛ ribai kuce nŋai.

Zeremi 5:31

Walii ŋa à waa ce walii do ibo. Woo wee ŋau à waa ce idɔɔbi nŋa. Nɔ iyi bɛi wa jɛa zamaam inɔ didɔ̃. Amma bɛirei aa ce ŋa na waju ku bɔi ilɛu.

Ezekiɛli 44:10

Inɛi Levii ŋa iyi à fa ara nŋa hai bi tom waati iyi inɛi Izirɛli ŋa à koo à waa tɔɔ iwɛ̃ nŋa ŋau, aŋai aa so asoi kurara nŋa.

Ezekiɛli 44:12

Amma si bɛi aŋa inɛi Levii ŋau à tɔɔ iwɛ̃ ŋa nɔ à jɛa inɛi Izirɛli ŋa bi ku koosɛ na kurara nŋau, amu Aɔ̃ Lafɛ̃ɛ ǹ wa n fɔi do kugbasi iyi aŋai aa so asoi kurara nŋau.

Ozee 1:4

Ŋɔi Aɔ̃ Lafɛ̃ɛ í sɔ̃ɔ í ni, sɔ amau Yizireɛli, domi waati kù gbe kù waa sɔ̀ má si bii an sãa kpasɛ̃i Yehu mii iyi í ce, si na iyi í jɔ̀ í dikã njɛ ilui Yizireɛli. An jɔ̀ gbugbãi bommai Izirɛliu ku kpa irii.

Ozee 10:10

Aɔ̃ Lafɛ̃ɛ í ni, an kpã ŋa ijui si bɛi ǹ dasi idɔ. Zamaa nkpɔ nkpɔ á tɔtɔɔ si ŋa wai nɔ a kpã ŋa iju na dulum iyi à ce à sisiu.

Ozee 12:2

Inɛi Efaraimu ŋai à ya kooa inɛi Ezibiti ŋa ikpo, nɔ à dĩ akabuu do inɛi Asiri ŋa. À dĩ kpaasi do inɛ ŋa iyi a kù jɛ ngɔgɔ, nɔ à ya maa sɛii si fufu ajɔ fei. À ya dabii a maa sɔ iboi a maa ceò laalɔ ŋa.

Ozee 12:3

Kiiti í wa si gãmɛi Aɔ̃ Lafɛ̃ɛ do inɛi Zudaa ŋa. Á sãa Zakɔbui si bɛi isɛɛnɛ laalɔɛ ŋau í to. Á ceai zaka bɛi kuceɛ ŋau í yɛ.

Ozee 7:2

Inɛ kãma ci ya fɔ si idɔɛ ku ni, Ilaaɔ̃ wa ye gigii laalɔ ŋa iyi inɛ ŋa à waa ce fei. Bɛbɛi, laalɔ ŋa iyi à waa ce ŋaui à kaako ŋa, nɔ ǹ wa n yɛ fei ndɛɛ si wajum.

Ozee 8:13

À ya ce kuwee do mɛɛmu ŋa a naam wai, si na iyi í jɔ̀ à ya bi iŋa ku ŋɔ. Amma amu Aɔ̃ Lafɛ̃ɛ, n ci ya n gba kuwee nŋa ŋau. Bɛbɛi, ǹ ye gigii kurara nŋa ŋau, nɔ an kpã ŋa ijui na dulum du ŋa ŋau. Inɛ nŋu ŋau, aa sinda a nyi ilɛi Ezibiti mái.

Ozee 9:15

Laalɔ nŋau fei í fita gbugbãai Giligali bɛ. Si gãmɛu bɛi n kù bi ide nŋa. Na laalɔ ku ce nŋa an lele ŋai hai kpasɛ̃m. N kaa n nɛ kubi nŋa má. Inɛ ngbo nŋa ŋau fei ilu itĩ ku yika ŋai.

Ozee 9:9

Inɛ ŋau à dási laalɔ ku cei bɛi waatii inɛi Gibea ŋau. Amma Aɔ̃ Lafɛ̃ɛ wa ye gigii kurara nŋa ŋau, nɔ á kpã ŋa ijui na dulum du ŋa ŋau.

Zakari 1:6

Do nŋu fei, idem ŋa do wooda ŋa iyi ǹ sɔ̃ walii woo ce icɛm ŋa a sɔ̃ ŋa à to si ŋa nɔ à ce si ŋa icɛ. À jɔ à kpaasi idɔ à mà iyi kuce laalɔ nŋa í to amu Aɔ̃ Lafɛ̃ɛi lele do ilɛ ǹ jɔ̀ ijuukpã ku naa si ŋa bɛi ǹ tako ǹ sɔ̃ ŋau.

Matie 15:14

I jɔ̀ ŋa bɛ. Woo mu golo fɛɛju ŋai. Nɔ bii fɛɛju wa mua fɛɛju golo aŋa minji fei à ya koo a dasi gooi.