Ozee 4:8 - Bibeli do fee

⁸ Kuwee ŋa iyi inɛm ŋa à naaò wa na dulum du ŋa, nŋu ŋai à ya maa jɛ. Na nŋu, à ya maa tale si ŋa dulum ku cei.

Ozee 4:8 Iomraidhean Croise

Ilaalu 2, 12:16

Nɔ a ci ya bee inɛ ŋa iyi à ya maa sãa woo ce icɛ ŋau bɛirei à waa jɛ fiau domi à waa ce icɛ nŋai dee dee.

Iri ku kɔ̃ 24:4

Í gbe inɛ iyi awɔɛ kù ce laalɔ nɔ idɔɛ í má, inɛ iyi ci ya sɔ ibo nɔ ci ya ce kugbasi ku zambaò inɛ.

Iri ku kɔ̃ 25:1

Iriu ihɛ̃ ti Davidii. Aɔ̃ Lafɛ̃ɛ, ikpa bi tɛɛi ǹ sinda wa.

Ezai 56:11

Inɛ ŋau aja so n mi ŋai iyi a ci ya yo. Woo degbe ŋai iyi a ci ya gbɔ yaasei nkãma. Aŋa fei à waa too kpãa nŋai, nɔ inɛ fei idei irii nŋu akãɛi wa ce.

Ezekiɛli 14:3

awɔ amanɛ, inɛ ŋau bɛ lasabu nŋa fei si iwɛ̃ nŋa ŋai í wa. A ci ya fa iju nŋa hai si mii iyi á jɔ̀ a dasi dulum. À waa tamaa bɛi an jɛsi n jɔ̀ a ce kubeeui?

Ezekiɛli 14:7

Ntɔ ntɔ, bii inɛi Izirɛli gɔ walakɔ inɛ njoo gɔ iyi í wa si ilɛi Izirɛli í fũsim awɔ, nɔ í na araɛ si iwɛ̃ ŋa ku tɔɔ nɔ ijuɛ wa kãsi mii iyi á jɔ̀ ku dasi dulum, bii í bɔ ku ce kubee bi walii gɔ ku ba ku mà idɔɔbii amu Aɔ̃ Lafɛ̃ɛ, amu takam nii an jɛaa.

Ozee 10:13

Laalɔi ì gbɛ̃ ŋa, nɔ iyi kù jɛ dee deei aa da ŋa. Ribai zamba nŋɛi aa jɛ ŋa. Izirɛli, kpãai awɔ takaɛi ì dasi naanɛ, do si akpɔi woo ja igũɛ ŋa.

Ozee 12:8

Gũa ibo ŋai inɛi Kanaã ŋa à waa mu si awɔ. À ya bi inɛ ŋa ku zambai.

Ozee 14:1

Inɛi ilui Samari ŋa à nɛ a yɛ ijuukpãi kurara nŋai si na iyi í jɔ̀ à ce ide ku kɔ̀ bi Aɔ̃ Lafɛ̃ɛ nŋa. Na nŋu, igũi á naa si ŋa ku kpa ŋa. Aa tɛɛsɛ ama kpɔtɔɔ nŋa ŋai, nɔ a pũ inaabo bãasĩ nŋa ŋa.

Kuwee 6:22

Inɛ ŋa iyi à jɛ inɛmɔkɔ ŋa si inɔi woo wee ŋau fei aa yɔkɔ a ŋɔ. Mii gɔi iyi í má ntɔ ntɔ.

Misee 3:11

Woo kiiti nŋɛ ŋa, kiiti iyi à waa ce fei do amua hai nɛ yaase ŋai. Woo wee nŋɛ ŋa, ikɔ nŋa do isãi. Walii nŋɛ ŋa, kuyɛ nŋa do fiai. Nɔ à waa ni, awa inɛi Aɔ̃ Lafɛ̃ɛ ŋai, laalɔ kaa ba wa, Aɔ̃ Lafɛ̃ɛ í wɛɛ do awa.

Malasi 1:10

Inɛ akã nŋɛ í nɛ koo cĩmbo gamboi kpasɛ̃m ŋaui wo ku ba i maà naa i koo i maa ko ina si ngbɛ bi ku ce kuweem nɔu ŋa. N kù nɛ inɔ didɔ̃ si ŋɛ, nɔ bɛɛbɛ mɔi kuwee ŋa iyi ì waa ceem ŋa kù waa dɔ̃ɔm si.

Romu 16:18

domi inɛ dimi bɛɛbɛ ŋa a kù waa cea Kirisi Lafɛ̃ɛ nwa icɛ, í gbe inɔi aŋa taka nŋa. Do ide didɔ̃ do idei inɛ ku lɛlɛ nŋa ŋaui à ya wa inyii itĩi inɛ ŋa iyi a ci ya ce laakai.

Titee 1:11

Í gbe a ganji ŋa, domi à waa bitandi nyaanze nkpɔ si bɛi à ya maa cio nŋa mii iyi kù jɔ. À ya maa ce bɛɛbɛi ku ba a baò fia do bisi laalɔ.

Piɛɛ 2, 2:3

Na binɛ nŋa aa jɛ ŋɛ takii do ide ŋa iyi aŋa taka nŋa à waa lasabu. Amma hai ku kpɛ woo kiiti nŋa í tã sɔɔlu ku kiiti nŋa. Nŋu mɔi á ce ŋa nfe nɔ kaa kpɛ mɔm.

Samuɛli 1, 2:29

Na mii í ce awɔ do amaɛ ŋa i kù waa saalu kuwee ŋau do amua ŋa iyi nŋu í jilɛ nŋɛ i ce bi kuwai nŋu ŋa. Na mii í ce awɔ ì waa saalu amaɛ ŋa í re nŋu, nɔ ì so kuwee ŋa iyi inɛi nŋu ŋa inɛi Izirɛli ŋa à ya naaò wa bi ti nŋu ì cicaa ara nŋɛ iŋau iyi í sĩa í re ŋa ku ba i ŋɔ i ce kaato ŋa.