Ozee 4:7 - Bibeli do fee

⁷ Bɛi woo wee ŋau à kpɔ à waa kɔ̃ɔsi bɛɛbɛ mɔi dulum du ŋa í ya maa kɔ̃ɔsi. Na nŋu, an kpaasi mii iyi í jɛ bɛɛrɛ nŋaui ku baa ku jɛ nŋa mii ndii anyɔ.

Ozee 4:7 Iomraidhean Croise

Ɛsidarasi 9:7

Hai waati iyi bala nwa ŋa à wɛɛ hee do nnyi fei, laalɔ ku cei inɛ nwa ŋa í la í caa. Nŋui í jɔ̀ ilaalu inɛ njoo ŋa à kãmia inɛ nwa ŋa hee do ilaalu nwa ŋa do woo wee nwa ŋa fei, à jɛ wa igũ à kpa wa à mu wa aru, à ce wa ile à ko mii ndu wa ŋa fei, nɔ à kaye wa bɛi à wɛɛò hee nnyi.

Ozee 10:1

Izirɛli í yɛi wo bɛi jĩi ndii rezɛ̃ɛ iyi í ya so jiida jiida. Do yaase bɛi í ya maa so nkpɔ nkpɔu bɛ, bɛɛbɛ mɔi bi kuweeɛ ŋau í kpɔ wa kɔ̃ɔsi. Do yaase bɛi ilɛɛu í sĩa wa koo, bɛɛbɛ mɔi í ya maa ce booda si kuta ŋa iyi í gũ à jɛ iwɛ̃ɛ ŋau.

Ozee 10:6

Ama kɛtɛu takaɛ, Asirii aa na ku jɛ amua iyi à cea ilaalu Yarɛbu. Anyɔi á jɛ ti Efaraimu, nɔ Izirɛli á wa si anyɔ na sɔɔlui mii ŋa iyi í ce.

Ozee 13:14

Amu Aɔ̃ Lafɛ̃ɛ, an faaba inɛ ŋau hai si bi kuwai iku ŋa? An ya ŋa wa hai si iku? Iku, hee iwoi jĩnɛi igũɛ ŋa à wa. Iku, hee iwoi gbugbãɛ í wa. Araare ku ce kaa wɛɛm má.

Ozee 13:6

Amui ǹ gbã ǹ bɔòɛ tuu bii aa jɛ, nɔ ì ba ì jɛ hee ì yo. Amma waati iyi ì ba ì jɛ ì yo, ì baa ì nɛ faau, nɔ ì gbɛjɛm.

Ozee 4:10

Aa maa jɛ, amma a kaa ya yo. Aa ya maa ce sakara, amma a kaa ya ba amu ŋa. Ntɔ ntɔ, à sinda à toa amu Aɔ̃ Lafɛ̃ɛ anyii ku ba a koo a maa ce sakara.

Ozee 5:1

Iŋɛ woo wee ŋau, i sotĩ i gbɔ ku ce ncɛɛ ŋa. Iŋɛ mɔ inɛi Izirɛli ŋa, i ce laakai ŋa. Iŋɛ mɔ inɛi kpasɛ̃i ilaalu ŋa, i sotĩ i gbɔ ŋa. Iŋɛi à waa fãa si gãmɛi idei kiitiu bɛ, domi Misipa bɛ iŋɛi ì jɛ bɛi cɛkũm bi inɛm ŋau, nɔ ì jɛ má ŋa bɛi taa iyi à le si iri kutai Tabɔɔ.

Ozee 6:9

Do yaase bɛi wuaai sooge ŋa, à ya maa manjia inɛ ŋa ku ba a kpa ŋa, do yaase bɛɛbɛi wuaai woo wee ŋau à ya manjia inɛ ŋa a maa kpa ŋa si kpãai Sikɛmu. Nɔ iyi bɛ, mii laalɔi.

Ozee 9:11

Bɛbɛi, bɛɛrɛi inɛi Efaraimu ŋa á fo ku nɛi bɛi yɛi. Inaaboi Efaraimu ŋa a kaa nɛ asĩ má nɔ a kaa bí. Efaraimu kaa nɛ amu ŋa má.

Abakuku 2:16

Anyɔi ì waa dasi ara nŋɛ, kù jɛ bɛɛrɛ. Iŋɛ taka nŋɛ mɔ i mɔ nɔ i fita basĩ ŋa. Aɔ̃ Lafɛ̃ɛi á tilasi ŋɛ i mɔ idɔɔkɔ̃ɛ iyi í jɛ bɛi atɛ̃, nɔ bɛɛrɛ iyi ì nɛ ŋau fei á baa ku jɛ anyɔ.

Malasi 2:9

Na nŋu, an jɔ̀ a donda ŋɛ nɔ i kua bɛɛrɛ ŋa si aninii inɛi Izirɛli ŋa si na iyi í jɔ̀ ì kɔ̀ ku jirima woodam ŋa. Nɔ i ci ya maa cɔ inɛm ŋa dimi akã bii ì waa kiiti ŋa ŋa.

Wooda ku kɔsi 32:15

Izirɛli nŋu iyi à ya kpe Yesurunu í jɛ hee í yo, í ce kaato, í nɛ sisima. Araɛ wa kɔ̃, nɔ í fũsi Ilaaɔ̃ woo takaɛu awɔ. Í donda Aɔ̃ Lafɛ̃ɛɛ nŋu iyi í jɛ bɛi kuta ku nɛ gbugbã woo faabaɛ.

Filipi 3:19

Nfe ku cei aa kpaò iriɛ, domi inɔ nŋai à ya maa cea icɛ si agbɛi Ilaaɔ̃. Iyi í jɔ̀ ku jɛ nŋa anyɔ nŋui à ya maa tɔɔò fufu. Mii ndii andunya ihɛ̃ nŋu akãi à waa lasabu si.

Samuɛli 1, 2:30

Na nŋu, í ni nŋu í tako í cea inɛi kpasɛ̃ɛ do ti baaɛ ŋa kuwã wo í ni aŋai aa jɛ woo weei nŋu ŋa hee do ajɔ fei. Amma bɛbɛi nŋu kaa ce bɛɛbɛ má. Ntɔ ntɔ, inɛ ŋa iyi à waa saalu nŋu aŋai nŋu á saalu. Amma inɛ ŋa iyi a kù waa saalu nŋu, aa yɛ anyɔ.