Ozee 4:6 - Bibeli do fee

⁶ Ntɔ ntɔ, zamaam wa ce nfei si na iyi í jɔ̀ kù nɛ kumà. Nɔ si na iyi í jɔ̀ awɔ takaɛ i kù bi i màm, an nyaɛ hai si icɛm nii. Nɔ si bɛi ì gbɛjɛ woodai amu Aɔ̃ Lafɛ̃ɛɛ, bɛɛbɛ mɔi amu mɔ an gbɛjɛ amaɛ ŋa.

Ozee 4:6 Iomraidhean Croise

Bomma 2, 15:3

Hai ku kpɛ wa inɛi Izirɛli ŋa a kù nɛ Ilaaɔ̃ ntɔ hee má jɛ woo wee iyi á kɔ ŋa si woodai Ilaaɔ̃.

Zɔɔbu 36:12

Amma bii à kɔ̀ ku gbɔ, à ya mu kpãai ikui, nɔ a koo a ce nfe si na iyi í jɔ̀ a kù gbɔ yaaseɛ.

Iri ku kɔ̃ 119:139

Idɔm í kɔ̃ iyi ǹ yɛ mbɛɛm ŋa à gbɛjɛ ide iyi ì fɔ.

Iri ku kɔ̃ 119:153

Cɔ wahalam, nɔ i faabam, domi n kù gbɛjɛ woodaɛ ŋa.

Iri ku kɔ̃ 119:61

Cɛkũm dii ilu inɔ kukã ŋa í mum, amma n kù gbɛjɛ woodaɛ ŋa ku jirima.

Iri ku kɔ̃ 18:27

Inɛ kumá, ì ya nyisiɛ kumáɛi. Inɛ iyi í nɛ bisi laalɔ ì ya nyisiɛ bisii.

Mɔnda ŋa 10:21

Idei inɛ dee dee í ya bukaataa inɛ nkpɔ, amma nnyɛi ŋa à ya kui si na iyi í jɔ̀ à kua laakai.

Mɔnda ŋa 19:2

Himmai inɛ iyi kù nɛ kumà kù nɛ aranfãani kãma. Nɔ saasa í ya naaò kurara wai.

Ezai 1:3

Kɛtɛ í ya mà lafɛ̃ɛɛ, nɔ gbankɛlɛ mɔ í ya mà lafɛ̃ɛɛ iyi í ya náa sɔnda. Amma inɛi Izirɛli ŋa a kù mà nkãma. Zamaam nɔu kù waa gbɔ yaasei nkãma.

Ezai 17:10

Ntɔ ntɔ iŋɛ inɛi Izirɛli ŋa, ì gbɛjɛ Aɔ̃ Lafɛ̃ɛ nŋɛ iyi í faaba ŋɛ. I kù waa ye gigii kuta ku nɛ gbugbã nŋɛ. Na ŋɔi í jɔ̀ ì waa lɔa iwɛ̃ ŋa jĩi ŋa iyi á sĩa nŋa si, nɔ ì waa gbɛ̃ dimi ŋa iyi aa jɛ bɛɛrɛi iwɛ̃ ŋau.

Ezai 27:11

Waati iyi amaawɔi jĩi ŋau à gbɛ, à ya cɛi. Inaabo ŋa à ya naa a kooi a koo a koò ina. Ntɔ ntɔ inɛ ŋau a kù nɛ bisi kãma. Nɔ na ŋɔi í jɔ̀ inɛ iyi í taka ŋau kù nɛ araare nŋa má, nɔ kù bi ku ce nŋa didɔ̃ gɔ má.

Ezai 28:7

Inɛ ŋa iyi à mɔ atɛ̃ vɛ̃ɛ, à ya maa koosɛi, nɔ atɛ̃ ku nɛ gbugbã ŋa, à ya jɔ̀ inɛ ŋa a nyɔi. Woo wee do walii ŋa à waa koosɛi na atɛ̃ ku nɛ gbugbã ŋau. Atɛ̃ vɛ̃ɛu í la si ŋai ntɔ ntɔ, nɔ atɛ̃ ku nɛ gbugbã ŋaui í jɔ̀ à waa nyɔ. À ya nyɔ mɔm nii si kuyɛ nŋau, nɔ a ci ya leekĩ si ide akã.

Ezai 29:12

Walakɔ bɛi tia mmu iyi à na inɛ gɔ iyi kù mà ku cio à bɛi à sɔ̃ɔ à ni, à waa tɔɔɛi, cioɛ wa. Nɔ í jɛ í ni, n kù mà ku cio.

Ezai 3:12

Ama keeke ŋai à waa kpã zamaam ŋa iju, nɔ inaabo ŋa à kãmia ŋa. Inɛ ŋa iyi à waa gbã zamaam nɔu fei, à waa nyɔ ŋai. À waa bɛjɛaa kpãa iyi wa tooi.

Ezai 45:20

Iŋɛ dimi mmu ŋa iyi ì fita si ŋau, i tɔtɔɔ i naa wa ŋa. Iŋɛ fei i naa wa ŋa. Inɛ ŋa iyi à waa so jĩi ŋa iyi à gbe à jɛ iwɛ̃ nŋa ŋau, nɔ à waa tɔɔ iwɛ̃ ŋa iyi a kaa yɔkɔ a faaba ŋa ŋau, a kù nɛ kumà.

Ezai 5:13

Na ŋɔi í jɔ̀ Aɔ̃ Lafɛ̃ɛ í ni, aa mu zamaam nɔu ihɛ̃ a nɛòi, domi a kù mà nkãma. Arii á kpa inɛ ngbo nŋa ŋau, nɔ agbɛ ku kpa zamaau.

Zeremi 2:8

Woo wee ŋau a kù bee, iwoi Aɔ̃ Lafɛ̃ɛ í wa. Woo mà wooda ŋau a kù màm má. Woo gbã inɛm ŋau à dedeò ide ku kɔ̀ bi tom. Walii ŋau à ce walii nŋai do irii iwɛ̃ Baali. Nɔ à koo à waa too iwɛ̃ ŋa iyi a kaa yɔkɔ a ce nŋa nkãma.

Zeremi 4:22

Aɔ̃ Lafɛ̃ɛ í ni, ntɔ ntɔ zamaam nɔu í sũmui, kù màm. Ama nnyɛi ŋai, a kù nɛ bisi. Bisii laalɔ ku cei à nɛ. Amma a kù mà jiida ku ce.

Zeremi 5:21

i sotĩ i gbɔ, iŋɛ zamaa nnyɛi iyi í kua laakai ŋa. Ì nɛ iju ŋa, amma i kù waa yɛ ilu ŋa. Ì nɛ itĩ ŋa, nɔ i kù waa gbɔ ide ŋa.

Ezekiɛli 44:23

Woo wee ŋau aa ya na inɛ ŋa ikɔi si mii iyi í má do iyi kù má, si mii iyi í riisi do iyi kù riisi.

Ozee 13:6

Amui ǹ gbã ǹ bɔòɛ tuu bii aa jɛ, nɔ ì ba ì jɛ hee ì yo. Amma waati iyi ì ba ì jɛ ì yo, ì baa ì nɛ faau, nɔ ì gbɛjɛm.

Ozee 2:13

An jɔ̀ inɔ didɔ̃ɛ fei ku leekĩi. Nɔ hai jingauɛ ŋa, do jingaui ajɔi cukpa titɔ̃ɛ ŋau, do ajɔi kusĩmiɛ ŋau hee do waati si bii à ya ko a ce jingau ŋau fei, aa leekĩi.

Ozee 4:1

Iŋɛ inɛi Izirɛli ŋa, i sotĩ i gbɔ idei Aɔ̃ Lafɛ̃ɛ ŋa, domi idei taale í wa si gãmɛi Aɔ̃ Lafɛ̃ɛ do inɛi ilɛɛ ŋau si na iyi í jɔ̀ jiida ku jɛ do dee dee ku jɛ do Ilaaɔ̃ ku mà kù wa si ŋa.

Ozee 4:12

Zamaam nɔu, jĩi iyi í gbe í jɛ iwɛ̃ɛi í ya maa bee ide. Jĩi nɔui í ya jɛaa. Lasabui iwɛ̃ ŋa ku tɔɔi í naa si ŋa nɔ í jɔ̀ à nyɔ. Nŋui í jɛ bɛi sakara iyi à ya maa ce, nɔ à fɛɛfɛ do amu Aɔ̃ Lafɛ̃ɛ nŋa.

Ozee 4:14

Amma n kaa n kpã ama inaabo nŋa ŋau iju na icu ku ta nŋa, nɔ n kaa n kpã aboi ama inɛmɔkɔ nŋa ŋau iju na sakara ku ce nŋa, domi aŋa woo wee ŋaui à ya gbã inaabo ŋa a bɔò ŋa kɔkɔlɛ, nɔ a ce kuwee do abo à ta icu ŋau. Zamaa iyi kù mà yaasei mii ŋa ku wũaa, si nfe ku cei wa bɔ.

Ozee 5:4

Mii iyi inɛi Izirɛli ŋau à ce kaa jɔ̀ a nyi wa bi Aɔ̃ Lafɛ̃ɛ nŋa má, domi lasabui iwɛ̃ ŋa ku tɔɔu í wa si ŋa nɔ a kù mà Aɔ̃ Lafɛ̃ɛ.

Ozee 6:6

Ntɔ ntɔ, kù jɛ kuwee ŋai ǹ bi, amma ǹ bi i jɛ ilu naanɛ ŋai. Ǹ bi i mà ŋa iyi amui ǹ jɛ Aɔ̃ Lafɛ̃ɛ. Inɛ nŋu bɛ í re i maa ceem kuwee ŋa iyi à ya jo si ina fei sãa sãa.

Ozee 7:11

Inɛi Efaraimu ŋa à yɛi bɛi ankasiidi. Lasabu nŋa kù jĩisa nɔ a kù nɛ bisi. Inɛi Ezibiti ŋai à kpe. Si anyiɛ, nɔ à dede à nɛ ilɛi Asiri.

Ozee 7:9

Isɛ mmu ŋa à waa cɔ̃ɔcɔ̃ɔ gbugbã nŋa ŋa, amma a kù waa mà. À baa à ce mɔkɔ ngbo, amma a kù mà.

Ozee 8:1

Aɔ̃ Lafɛ̃ɛ í ni, i fã kuu ŋa i faò laakaii inɛ ŋa. Laalɔ í cuku wai si kpasɛ̃i Aɔ̃ Lafɛ̃ɛ bɛi kungbã í ya cuku wa hai lele, si na iyi í jɔ̀ a kù jirima akabuu iyi í wa si gãmɛi awaò ŋa nɔ à ce ide ku kɔ̀ si gãmɛi ikɔm ŋa.

Ozee 8:12

Baa bii ǹ kɔaa woodam ŋau dubu nkpɔ nkpɔ, wooda ŋau aa jɛaai bɛi mii titɔ̃.

Ozee 8:14

Inɛi Izirɛli ŋau à gbɛjɛ inɛ iyi í taka ŋai, nɔ à ma ile kusĩa ŋa ntɔ ntɔ. Inɛi Zudaa ŋa mɔ à ma ilu ku nɛ gbugbã ŋa nkpɔ nkpɔ. An jɔ̀ ina ku naa si ilu nŋa ŋaui, nɔ ku ce asɔɔi kabai bomma nŋa ŋau.

Ozee 9:17

Aɔ̃ Lafɛ̃ɛm á fũsi ŋa awɔi si na iyi í jɔ̀ à kɔ̀ ku gbɔ ideɛ. Na nŋu, aa ya maa sa a maa dabii si ilɛ mmu ŋa.

Matie 1:6

Izai mɔ í bí Davidi iyi í na í jɛ ilaaluu. Davidiu mɔ í bí Salomɔɔ. Iyei Salomɔɔui í jɛ aboi Urii iyi Davidi í sou.

Matie 15:14

I jɔ̀ ŋa bɛ. Woo mu golo fɛɛju ŋai. Nɔ bii fɛɛju wa mua fɛɛju golo aŋa minji fei à ya koo a dasi gooi.

Matie 15:8

inɛ ŋau ihɛ̃ à waa jirimam nii do gɛlɛ nŋu akã. Amma idɔ nŋa í jĩim.

Samuɛli 1, 2:12

Amai Elii ŋa inɛ laalɔ ŋai iyi a kù mà bɛɛrɛi Aɔ̃ Lafɛ̃ɛ.