Ozee 4:4 - Bibeli do fee

⁴ Amma inɛ kãma ku maà yɛ taalei inɛ gɔ, nɔ inɛ kãma ku maà gbagba si inɛ gɔ. Ntɔ ntɔ, iŋɛ woo wee ŋau, si gãmɛi awaɛ ŋai kiiti í wa.

Ozee 4:4 Iomraidhean Croise

Zeremi 18:18

Ŋɔi inɛ gɔ ŋa à ni, ka koo, waatii ihɛ̃ bɛ iyi aa ka ba kpãa ka dĩaò Zeremi zamba, domi a kaa ka kua woo wee ŋa iyi aa maa kɔ wa si cio, do ilu laakai ŋa iyi aa maa na wa ikɔ jiida, do walii ŋa iyi aa maa sɔ̃ wa idei Aɔ̃ Lafɛ̃ɛ. I naa wa ŋa kaa nya fũnɛɛ do idei gɛlɛ nwa, nɔ ka maà desi baa ide ku fɔɛ ŋa itĩ.

Ezekiɛli 3:26

An jɔ̀ amɛɛ ku masi anu lɛlɛɛ ku ba i dekĩ nɔ i kaa yɔkɔ i yɛ taalei inɛ ŋau domi inɛ ŋai iyi à yika itĩ.

Ozee 4:17

Inɛi Efaraimu ŋa à so ara nŋa à dasi iwɛ̃ ŋa ku tɔɔ. I jɔ̀ ŋa bɛ ŋa.

Amɔsu 5:10

Iŋɛ inɛi Izirɛli ŋa ì cé ntɔ ŋai, nɔ bi ku ce kiiti, i ci ya bi woo fɔɛ ŋa.

Amɔsu 5:13

Na ŋɔi í ce si waati dimi bɛɛbɛ ilu bisi í ya maa cokoi, domi waati gɔi iyi í gaabu.

Amɔsu 6:10

Bii inɛ iyi inɛɛ ŋa à kuu wa nya iku ŋau wa fitaò wa hai kpasɛ̃ bɛ, nɔ hee kɔkɔlɛ inɛ gɔ í kɔ̀ í wɛɛ njaawɛ, bii à beeɛ à ni, inɛ gɔ í wa bɛ má do awɔ? Á jɛi ku ni, aawo. Inɛ ihɔ̃ á ni, coko, domi kù jɛ awaati iyi aa kpe irii Aɔ̃ Lafɛ̃ɛ ihɛ̃.

Wooda ku kɔsi 17:12

Bii í jɛ ilu faau gɔ í kɔ̀ ku ceò idei woo weei ile kumái Aɔ̃ Lafɛ̃ɛu icɛ, walakɔ bii í kɔ̀ ku saalu idei woo kiitiu, aa kpa lafɛ̃ɛi. Do yaase bɛɛbɛi aa nyaò laalɔ ku ce hai si inɛi Izirɛli ŋa.