Ozee 4:3 - Bibeli do fee

³ Na nŋu, ilɛu si inɔ kufɔi ikui á wa si. Inɛ ŋa iyi à wa si ilɛu fei aa gbɛi aŋa do mɛɛmui sako ŋau do yɛi ŋa. Baa cɛ̃ɛi inɔ tenku ŋa aa kpa irii mam mam.

Ozee 4:3 Iomraidhean Croise

Ezai 33:9

Inɔ kufɔ nla nla í wa si ilɛu, nɔ ilɛu í baa í gbɛ. Libãa í baa í wa si anyɔ, nɔ wuaɛ ŋa à waa gbɛ. Lɔɔmai iri kutau í baa í yɛ bɛi gbaa. Kaamɛli do Basãa a kù nɛ jĩi ŋa má.

Zeremi 12:4

Hee waati yoomai ilɛu á maa wa si kukpatai akũ, nɔ jĩi do fɔfɔ tũtũ fei ku gbɛ. Na irii inɔ kukãi inɛi ilɛ ŋau, mɛɛmu do yɛi ŋa fei aa tãi, domi à ya maa ni, kaa yɔkɔ ku fɔ mii iyi á na ku ba wa.

Zeremi 23:10

Ntɔ ntɔ ilɛu í kɔ̃i do inɛ ŋa iyi à sinda à toa Aɔ̃ Lafɛ̃ɛ anyi à koo à waa tɔɔ iwɛ̃ ŋa. Inɔ kufɔi iku í wa si ilɛui na ikpe. Bi ku ce degbe ŋau fei à gbɛ. Laalɔi inɛ ŋa à ya maa sɛi si, nɔ si mii iyi kù jɛ dee deei à ya nɛ himma.

Zeremi 4:25

Ŋɔi ǹ cɔ ilu nɔ n kù yɛ amanɛ kãma má. Nɔ yɛi ŋau fei à sa.

Zeremi 9:10

Aɔ̃ Lafɛ̃ɛ í ni, an jɔ̀ Zeruzalɛmu ku kpɔò bommai, nɔ ku baa ku jɛ bi kuwai ajaako ŋa. Nɔ an jɔ̀ ilui Zudaa ŋau a baa a kpɔò bomma, nɔ inɛ kãma kaa wa bɛ má.

Zeremi 9:9

Si iri kuta ŋa ǹ bi n kpatai nɔ n maa n weewea. Tengi bi ku jɛi mɛɛmu ŋa si gbaau an kɔ̃ irii inɔ kufɔ, domi fei ndɛɛ í joi, nɔ inɛ kãma ci ya too do bɛ má. Inɛ kãma ci ya gbɔ anu ku dɔ̃i mɛɛmu ŋa bɛ má. Hai yɛi ŋa hee ku koo si mɛɛmui sako ŋa, aŋa fei à nɛ.

Ezekiɛli 38:20

Cɛ̃ɛi inɔ tenku ŋa do yɛi ŋa do mɛɛmui sako ŋa do mii ku cã ilɛ ŋa do amanɛ ŋa fei aa maa yayai si wajum. Iri kuta ŋa aa lɛgɛ, kuta ŋa aa cuku, nɔ bindi kãma kaa maa leekĩ má.

Zoɛli 1:18

Mɛɛmu ŋa à wasi ku wahala. Kɛtɛ gaa ŋa à wasi ku dabii bii fei, domi bi kujɛ kù wɛɛ. Nɔ wahalau í tosi baa angudã ŋa.

Amɔsu 1:2

Amɔsu í ni, hai iri kutai Siɔ̃ɔ, Aɔ̃ Lafɛ̃ɛ í dɔ̃ anu bɛi muusu nla nɔ à gbɔ imuɛ hee Zeruzalɛmu. Woo degbe ŋa à nɛ inɔ kufɔ domi fɔfɔ kù wɛɛ, nɔ iri kutai Kaamɛli mɔ hee antaiɛ lele fei í gbɛ.

Amɔsu 5:16

Aɔ̃ Lafɛ̃ɛi lele do ilɛ í ni, si bantuma ŋa, aa maa gbɔ kukpatai inɛ ŋai. Si kpãa ŋa inɛ ŋa aa maa dɔ̃ anu a maa ni, irei ì gbɔ inɔ kufɔ, aa kpe woo ce icɛi iko ŋa bii iku í ceu do inɛ ŋa iyi à mà irii akũ ku kɔ̃.

Amɔsu 8:8

Na nŋui ilɛu á yaya, nɔ inɛɛ ŋau fei aa wa si inɔ kufɔi iku. Ilɛu á dedei fei mam mam bɛi idoi Nili iyi í wa Ezibiti, nɔ á na ku kayei bɛi inyii idou.

Nahumu 1:4

Aɔ̃ Lafɛ̃ɛ í ya la si inyii tenkui nɔ ku gbɛ. Í ya jɔ̀ inyii ido nla ŋa fei a gbɛi. Nɔ Basãa bi ku jɛi mɛɛmu ŋa do lɔɔmai Kaamɛli ŋau fei à ya gbɛi. Kokoi jĩi ndii Libãa ŋau fei à ya gbɛi.

Sofoni 1:3

An kpa amanɛ ŋai do mɛɛmu ŋa. An kpa yɛi ŋai hee do cɛ̃ɛ ŋa fei. An kpa inɛ laalɔ ŋai hee do icɛ nŋa ŋa iyi wa naaò isɛ ku ko wau fei. N kaa n jɔ̀ inɛ kãma si andunya ihɛ̃.

Zakari 5:4

Aɔ̃ Lafɛ̃ɛi lele do ilɛi í ni nŋu á samba ikpeu wa. Ikpeu á na ku bubai si kpasɛ̃i woo ce ile ŋa do woo gbasi do irii Aɔ̃ Lafɛ̃ɛ si ibo ŋa. Hai jĩi ndii ile nŋa do kutaɛ ŋa fei á kpa iri.