Ozee 4:2 - Bibeli do fee

² Mii iyi í wa si anini nŋai í jɛ ikpe do ibo do inɛ ku kpa do ile do sakara do inɛ ku taa gbugbã. À ya so waati nŋa feii a maa kpaò inɛ ŋa.

Ozee 4:2 Iomraidhean Croise

Kusintii Andunya 4:8

Amma baa do iyi Ilaaɔ̃ í ni bɛɛbɛ fei, ajɔ nŋu gɔ Kaɛ̃ɛ í sɔ̃ ifɔɛ Abɛli í ni, ka bɔ iko. Ŋɔi à fita à koo. Waati iyi à wa bɛ, ŋɔi Kaɛ̃ɛ í fo í bata ifɔɛu í kpaa.

Ezai 24:5

Inɛ ŋa iyi à wa si ilɛu, à jɔ̀ ilɛu í so riisi, domi a kù jirima woodai Aɔ̃ Lafɛ̃ɛ ŋau, nɔ a kù ceò ikɔɛ ŋa iyi à ba icɛ. Akabuu hai nɛ kɔɔ iyi í wa si gãmɛi aŋaò Aɔ̃ Lafɛ̃ɛ ŋau, à jɔ̀ í leekĩ.

Ezai 48:1

I sotĩ i gbɔ ŋa iŋɛ inɛi kpasɛ̃i Zakɔbu ŋa, iŋɛ iyi à waa kpe Izirɛli, nɔ ì fita wa hai si dimii Zudaa ŋa, iŋɛ iyi ì ya ce kugbasi do irii Aɔ̃ Lafɛ̃ɛ nɔ ì ya maa kpe irii Ilaaɔ̃ Lafɛ̃ɛi Izirɛli ŋa, amma i kù waa coo do jirima ŋa hee má jɛ do dee dee ku jɛ.

Zeremi 51:5

[Bɛɛbɛi á ce,] si na iyi í jɔ̀ Aɔ̃ Lafɛ̃ɛi lele do ilɛ kù fũsi Izirɛli do Zudaa awɔ, baa do iyi à ce kurara nkpɔ nkpɔ si ilɛ nŋau si gãmɛi Inɛ Kumái Izirɛliu.

Zeremi 6:7

Bɛi lɔgɔ í ya maa sɔ̃ inyi wa, bɛɛbɛi inɔ kukãi iluu í ya maa sɔ̃ wa. Wakata iyi wa ce si inɔɛ fei, inɛ ŋa ku taa gbugbã do nfe ku cei. Wahala do ara kuro hai nɛ kɔɔ ŋai ǹ ya n maa n yɛ si wajum.

Kukpata 4:13

Wahalau í naai na dulum dii walii ŋau do kurarai woo wee ŋau, domi aŋai à kpa inɛ dee dee ŋa si inɔ iluu.

Ezekiɛli 7:23

Ce sɔɔlui sesee ŋa, domi woo kpa inɛ ŋai à waa kɔ̃ si ilɛu nɔ gbugbã ku taa njɛi wa kɔ̃ si iluu.

Ozee 10:13

Laalɔi ì gbɛ̃ ŋa, nɔ iyi kù jɛ dee deei aa da ŋa. Ribai zamba nŋɛi aa jɛ ŋa. Izirɛli, kpãai awɔ takaɛi ì dasi naanɛ, do si akpɔi woo ja igũɛ ŋa.

Ozee 10:4

Ŋɔi à wasi ide nkpɔ nkpɔ ku fɔ, à waa ceò kugbasi si ibo, à waa dĩ akabuu ŋa nɔ kiiti wa sinti wa si gãmɛ nŋa bɛi fɔfɔ laalɔ iyi í ya fita gbãa gbãa si fiii ilɛ ŋa.

Ozee 12:14

Na saabui walii gɔi Aɔ̃ Lafɛ̃ɛ í nya inɛi Izirɛli ŋau wa hai ilɛi Ezibiti. Nɔ walii gɔi Ilaaɔ̃ í jɔ̀ wa degbe ŋa.

Ozee 5:2

Inɛ ŋa iyi à yaa à jɔ̀ kpãa ŋau, njɛ ku dikã nŋa í caa, amma amu Aɔ̃ Lafɛ̃ɛ, an na aŋa fei ikɔ jiida.

Ozee 6:8

Galaadi, ilui inɛ laalɔ ŋai. Tuubai njɛ iyi í dikãi wa kɔ̃ bɛ.

Ozee 6:9

Do yaase bɛi wuaai sooge ŋa, à ya maa manjia inɛ ŋa ku ba a kpa ŋa, do yaase bɛɛbɛi wuaai woo wee ŋau à ya manjia inɛ ŋa a maa kpa ŋa si kpãai Sikɛmu. Nɔ iyi bɛ, mii laalɔi.

Ozee 7:1

Waati iyi ǹ wa n bi n faaba inɛi Izirɛli ŋa, kurarai inɛi Efaraimu ŋa do laalɔ ku cei inɛi Samari ŋai ǹ ya n maa n yɛ, domi iboi à ya maa sɔ, nɔ à ya lɔ inɔ kpasɛ̃ ŋai a maa ce ile bata ngba. Woo ce daa sãmi ŋau à ya maa gba mii ndii inɛ ŋai si kpãa ŋa.

Ozee 7:3

À ya jɔ̀ inɔi ilaalu ku maa dɔ̃i na laalɔ iyi à waa ceu. Do ibo nŋai à ya fɔtɔtɔi lasabui akawe ŋau.

Ozee 7:4

Aŋa fei woo ce sakara ŋai. À yɛi bɛi bi ku sɔ̃ pɛ̃ɛ iyi woo sɔ̃ pɛ̃ɛu í jɔ̀ wa gbãa ntɔ ntɔ nɔ kù waa ce laakaiɛ má hai waati iyi í kpo iyafũu hee í koo í dedeò.

Misee 3:2

Ì cé mii iyi í jɛ jiida ŋai, nɔ iyi í jɛ laalɔi ì bi ŋa. Ì ya gba mii iyi inɛ ŋa à nɛ feii ŋa, nɔ ì jɔ̀ ŋa basĩ ŋa.

Misee 3:9

Iŋɛ inɛ ngboi tɔkui Zakɔbu ŋa, do iŋɛ woo kiitii inɛi Izirɛli ŋa, i sotĩ i gbɔ ŋa, iŋɛ iyi i ci ya bi mii iyi í jɛ dee dee ŋa, iŋɛ iyi ì ya maa bɛjɛ ntɔ ŋa,

Misee 6:10

N kaa n jɔ̀ kpasɛ̃i inɛ laalɔ ku maa kɔ̃ do amani iyi í ba wa do zamba. N kaa n jɔ̀ ku maa ceò gũa iyi kù jɛ dee dee icɛ.

Misee 7:2

Si ilɛu, inɛ dee dee gɔ kù wɛɛ má, inɛ ŋa iyi à waa too ntɔ ŋa a kù wɛɛ má. Inɛ ku kpai inɛ nkpɔ nŋa fei í mu. Inɛ ŋa à ya maa zamba njɛi.

Sofoni 3:1

Inɔ kufɔi í jɛ ti ilu ku kɔ̀ ide, iyi í dasi araɛ riisi nɔ í ya maa taa inɛ ŋa gbugbãu.

Zakari 5:3

Ŋɔi í sɔ̃m í ni, idei ikpei iyi wa fangaa si ilɛ fei. Nɔ si ikpa akãi tiau à kɔ si à ni woo ce ile ŋa iyi à wa si ilɛu fei aa lele ŋa, si ikpa akã má à kɔ si à ni woo gbasi si ibo ŋa mɔ fei, aa lele ŋa.

Zakari 7:9

ǹ ye ŋɛ gigii ide iyi amu Aɔ̃ Lafɛ̃ɛi lele do ilɛ, ǹ tako ǹ sɔ̃ ŋɛ wo. Ǹ ni, i ya ce kiiti dee dee ŋa, i ya nyisi njɛ jiida ku jɛ nŋɛ do araare.

Matie 23:35

Na nŋu, ijuukpãi woo kpa inɛ dee dee ŋau fei á jɛ si iri nŋɛ. Abɛlii í jɛ inɛ dee dee sinte iyi ì kpa ŋa. Zakari amai Baraki iyi ì kpa si afei kpasɛ̃i Ilaaɔ̃ do bi kuweeu ŋa, nŋui í jɛ inɛi ankãanyi iyi ì kpa ŋa. Ikui inɛ dee dee ŋau bɛ fei, hai Abɛli hee ku koo si Zakari, iŋɛi aa yɛ ijuukpãɛ ŋa.

Woo bɛ ŋa 7:52

Walii yooma ŋai bala nŋɛ ŋa a kù kpã iju. À kpa hee do inɛ ŋa iyi à fɔ kunaai Inɛ Dee Deeu, inɛ iyi iŋɛ taka nŋɛ ì zambaɛ si nsɛi ì kpaa ŋau.

Wooda ku kɔsi 5:11

I maà ya maa kpe irii amu Aɔ̃ Lafɛ̃ɛ nŋɛ si ide nfe nfe ŋa domi inɛ iyi wa ce bɛɛbɛ n kaa n jɔ̀ lafɛ̃ɛ iyi n kù kpãa iju.

Wooda ku kɔsi 5:18

I maà ce sakara ŋa.

Wooda ku kɔsi 5:19

I maà ce ile ŋa.

Tɛsalonika 1, 2:15

Zuifu ŋaui à kpa Lafɛ̃ɛ Jesu do walii ŋau, nɔ à kpã awa mɔ iju. Daa nŋa ci ya dɔ̃a Ilaaɔ̃ si, nɔ à jɛ mbɛɛi inɛ fei.

Kuyɛi Zãa 17:6

Nɔ ǹ yɛ abou í mɔ njɛi woo dasi naanɛ ŋa iyi à kpa si na iyi í jɔ̀ à jɛ sɛɛdai Jesu, nɔ iriɛ í sinda bɛi atɛ̃ vɛ̃ɛ í ya sinda irii inɛ. Iyi ǹ yɔɔ, ǹ biti ntɔ ntɔ.