Ozee 4:16 - Bibeli do fee

¹⁶ Izirɛli í ce itĩ ku yikai bɛi kɛtɛ iyi í kɔ̀ icɛ ku ce. Na nŋu, na mii Aɔ̃ Lafɛ̃ɛ njɛ mɔ á gbã ku bɔòɛ ku jɛ bɛi angudã tengi bii bantuma í cĩ.

Ozee 4:16 Iomraidhean Croise

Iri ku kɔ̃ 78:8

A kaa yɛ bɛi bala nŋa ŋa. Aŋa iyi à yika itĩ nɔ à kɔ̀ ku jirima Ilaaɔ̃, idɔ nŋa kù leekĩ suusuu, nɔ lasabu nŋa kù jɛ dee dee.

Ezai 22:18

Á taleɛi ku jɔ̀ i bimbili bɛi bale si bantuma ku cĩ gɔ. Tengi bɛi aa ku, tengi bɛi sarɛti ku ja igũ kusĩaɛ ŋau aa wa, awɔ iyi ì kpa bɛɛrɛi kpasɛ̃i lafɛ̃ɛɛu.

Ezai 30:23

Aɔ̃ Lafɛ̃ɛ á jɔ̀ ijĩ ku wɔ si dimi iyi ì gbɛ̃ si ilɛ ŋa, nɔ ilɛu á jɔ̀ amaajɛ nŋɛ ŋa a kpɔ nɔ a jɛ sɔnda jiida. Si waati nŋu bɛ, mɛɛmu nŋɛ ŋa aa ba fɔfɔ a maa jɛ si bantuma kucĩ gɔ.

Ezai 5:17

Iluu á kpɔò bomma hee angudã ŋa a ya koo a maa jɛ bɛ nɔ mii ŋa iyi ilu fia nŋa ŋa à nɛ, inɛ njoo ŋa aa kooi.

Zeremi 14:7

Inɛi Zudaa ŋa à ni, ntɔ ntɔ à waa ba taalei na saabui kurara nwa ŋa. Amma à waa tɔɔɛi Aɔ̃ Lafɛ̃ɛ, ce ngɔgɔ baa na irii awɔ takaɛ, domi à zambaɛ tuuba nkpɔ nkpɔ, nɔ à ce dulum bi tɛɛ.

Zeremi 3:11

Ŋɔi Aɔ̃ Lafɛ̃ɛ í sɔ̃m í ni, í jɔ bɛi Izirɛli woo kpaasi ideu kù nɛ taale bii à wãaò Zudaa hai jɛ dee deeu.

Zeremi 3:6

Si waatii ilaalu Zoziasi Aɔ̃ Lafɛ̃ɛ í sɔ̃m í ni, ì yɛ bɛi Izirɛli woo kpaasi ideu í ce? Í bɔ si antaii iri kuta ŋa fei do si abɛi jĩi tũtũ ŋau fei, nɔ bɛi í koo í riisi araɛ.

Zeremi 3:8

Baa do iyi ǹ kɔ̀si Izirɛli woo kpaasi ideu na sakaraɛ ŋau fei, nɔ ǹ naa tiai njɛ ku kɔ̀siu, ǹ yɛ iyi Zudaa hai jɛ dee deeu kù ce njo, nɔ í koo í riisi araɛ wa bɛi nŋu mɔ.

Zeremi 31:18

Ǹ wa n gbɔ inɛi Efaraimu ŋa iyi à waa weewea à waa ni, Aɔ̃ Lafɛ̃ɛ, ì kpã wa iju, nɔ à yɛ ijuukpãui bɛi ama kɛtɛ iyi wa kɔ̀ ide. Amma jɔ̀ a sinda a baa bi titɛɛ ku ba a baa ntɔ ntɔ, domi awɔ Aɔ̃ Lafɛ̃ɛi ì jɛ Lafɛ̃ɛ nwa.

Zeremi 5:6

Na ŋɔi í ce muusu nla í fita wa hai sako wa kpa ŋa. Nɔ gbeegbekũi gbaa wa ce nfe nŋa. Muãa wa manji kɔkɔi ilu nŋa. Inɛ nŋa iyi á fita fei, á gagagaai, domi dulum du ŋau í kpɔ wa kɔ̃ɔsii. Zamba nŋa mɔ kù nɛ baa jia.

Zeremi 7:24

Nɔ à kɔ̀ ku gbɔ. A kù sotĩ pai. Ikɔ do lasabu laalɔi idɔ nŋa ŋai a too si. Ŋɔi à baa do anyi, a kù wa waju.

Zeremi 8:5

Na mii í jɔ̀ idɔi zamaai Zeruzalɛmuu ihɛ̃ í le bɛɛbɛ. Si zamba nŋaui à waa leekĩ, a kù kpaasi. A kù jɛ ku sinda ku nyi wa.

Ozee 10:11

Efaraimu í yɛi bɛi kɛtɛ zãu iyi à kɔsi icɛ iyi í ya bi yɔyɔi amaajɛ ku nya. Ǹ yɔɔ iyi kɔ̃ɔɛ í nɛ gbugbã ŋɔi ǹ dasi idɔ n jɔ̀ ku ce icɛ. Zudaa á maa fa ilɛi, nɔ Izirɛli ku maa teeseɛ wa do kaako ilu andɛ nkpɔ ŋau.

Ozee 11:6

Igũi á naa si ilu nŋa ŋau nɔ ku ce nfei inya ku nɛ gbugbã nŋa ŋau. Igũu á ce nfei mii feii si na iyi í jɔ̀ Izirɛli í dasi idɔi laalɔ ŋa ku ce.

Ozee 11:7

Zamaam nɔu wa leekĩi si dee dee hai jɛɛ si gãmɛm. À waa kpe ŋa a dede a leekĩ, amma kãma nŋa kù bi ku dede.

Kuwee 26:33

An jɔ̀ igũ ku naa si ŋɛ nɔ n fangaa ŋɛ i nɛ ilɛ mmu ŋa. Ilɛ nŋɛu á gbe ngbɛi nɔ ilu nŋɛ ŋau mɔ a kpɔò bomma.

Zakari 7:11

Amma inɛ ŋau à kɔ̀ ku gbɔ ideu. À dĩ itĩ nŋa ku ba a maà gbɔ.

Samuɛli 1, 15:11

inɔm í fɔ do iyi ǹ cica Saulu i jɛò ilaalu, domi í sinda hai bi tom nɔ kù waa jirima idem má. Ŋɔi idɔi Samuɛli í kɔ̃ nɔ í ce kutɔɔ hai idũu hee iju í koo í máu.