Ozee 4:13 - Bibeli do fee

¹³ À ya maa ce kuwee ŋai si antaii iri kuta ŋa. À ya maa jo tuae ku dɔ̃ inunu ŋa si antaii geete ŋa, do si abɛi jĩi tũtũ ŋa tengi bii jĩjĩ jiida í wa. Na ŋɔi í jɔ̀ ama inaabo nŋa ŋau aa maa ta icui, nɔ aboi ama inɛmɔkɔ nŋa ŋau mɔ aa maa ce sakarai.

Ozee 4:13 Iomraidhean Croise

Ilaalu 2, 17:7

Aɔ̃ Lafɛ̃ɛ í jɔ̀ à mu inɛi Izirɛli ŋa aru si na iyi í jɔ̀ à ce dulum bi tɛɛ, nŋu iyi í fitaò ŋa wa hai ilɛi Ezibiti í nya ŋa hai si awɔi Faraɔ̃ ilaaluu, do si na iyi í jɔ̀ à waa tɔɔ iwɛ̃ ŋa.

Ilaalu 2, 23:7

Ŋɔi í jɔ̀ à koo à lɛgɛ ile ŋa iyi à wa inɔ kpasɛ̃i Aɔ̃ Lafɛ̃ɛ. Si inɔ ile ŋau bɛi à ya tɔtɔɔ sɛ̃ɛ do woo ta icu ŋa, nɔ bɛi inaabo ŋa à ya wɔ̃ jĩnɛ ŋa iyi à ya dasi a tɔɔò iwɛ̃ Aserau.

Ezai 1:29

Ntɔ ntɔ aa yɛ anyɔ ŋai si na iyi í jɔ̀ ì nɛ buki ŋa iyi ì ya maa ce si abɛ jĩi ŋau ihɛ̃ ŋa nɔ bɛi idɔ nŋɛ fei í wa. Aa yɛ inɔ kufɔ ntɔ ntɔ ŋa si na iyi í jɔ̀ ì cica jĩi ndii lambo ŋau ihɛ̃ a jɛ bi ku ce buki nŋɛ ŋa.

Ezai 57:5

Ì ya maa tɔtɔɔ sɛ̃ɛ ŋai si abɛ jĩi nla ku nɛ wua tũtũ ŋa fei. Ì ya maa saka amu ŋai si itĩi ido ŋa do si inɔ isai kuta ŋa.

Ezai 57:7

Si antaii iri kuta kugboka gɔi ì koo ì ce bi ku sũɛ. Nɔ tengi bɛ mɔi ì ya gũ i koo i ce kuweeɛ ŋa.

Zeremi 2:20

Aɔ̃ Lafɛ̃ɛ í ni, awɔ Izirɛli, hai ku kpɛi ì dedeò ide ku kɔ̀ sim. Ì fɛ anu akã nwau. Nɔ ì ni, n kù bi n maa n jɛ aru. Amma si antaii iri kuta do si abɛ jĩi tũtũ ŋa fei ì ya maa dabii si iwɛ̃ ŋai bɛi abo à ce sakara í ya ce do inɛmɔkɔ ŋa.

Zeremi 3:13

Nŋu de, jɔ̀ i mà kuraraɛ ŋa. Jɔ̀ i mà iyi ì ce ide ku kɔ̀ bi Aɔ̃ Lafɛ̃ɛ, domi ì dabii si iwɛ̃ ŋai bii fei si abɛ jĩi tũtũ fei. Nɔ ì kɔ̀ idem ku gbɔ.

Zeremi 3:6

Si waatii ilaalu Zoziasi Aɔ̃ Lafɛ̃ɛ í sɔ̃m í ni, ì yɛ bɛi Izirɛli woo kpaasi ideu í ce? Í bɔ si antaii iri kuta ŋa fei do si abɛi jĩi tũtũ ŋau fei, nɔ bɛi í koo í riisi araɛ.

Zeremi 44:8

Nɔ mii iyi ì waa ce ŋaui á dede idɔɔkɔ̃m. Tuae ku dɔ̃ inunu iyi ì waa joa iwɛ̃ ŋa si ilɛi Ezibiti bii ì naa ì buba ŋau bɛi á jɔ̀ a nya ŋɛ hai bi titom i baa i jɛ dɔ̃anyi nɔ i kaa nɛ bɛɛrɛ bi inɛi ilɛ ŋau ihɛ̃ fei ŋa.

Ezekiɛli 16:16

Ì so jĩnɛ jiidaɛ ŋa ì koo ì ceò boodai ilei iwɛ̃ɛ ŋa ì bɛi ì waa ceò si sakaraɛ. Mii iyi ì ceu bɛ, a kù yɛ dimiɛ nɔ kaa ce má ajɔ kãma.

Ezekiɛli 16:25

Si kpãa koko fei ì maa araɛ inya kugboka gɔ ŋa. Kusĩaɛi ì bɛɛgɛ si ì naò araɛ si laalɔ ŋa ku ce, nɔ inɛ iyi wa lɔ fei ì ya naa araɛi, nɔ sakaraɛu í ba gbugbã wa koo.

Ezekiɛli 6:13

Waati iyi aa yɛ iku ŋa à waa tɛ bi iwɛ̃ nŋa ŋa do bi ku ce kuwee nŋa ŋa do si geete ŋa do si iri kuta ŋa do si abɛ jĩi tũtũ ŋa do si abɛ jĩi nla nla ŋa tengi bii à ya maa jo tuae ku dɔ̃ inunu ŋau, aa mà kãm kãm iyi amui ǹ jɛ Aɔ̃ Lafɛ̃ɛ.

Ozee 10:8

Geetei bi ku ce kuweei Avɛni ŋa bii Izirɛli í ce dulum nɔu, aa lɛgɛ ŋai. Agũ dimi ikã ikã ŋai aa fita a la si agbɛi bi kuwee nŋa ŋau. Waati bɛɛbɛi aa sɔ̃ iri kuta ŋa a maa ni, i bii wa wa ŋa. Nɔ aa sɔ̃ geete ŋa a maa ni, i cuku si wa wa ŋa.

Ozee 11:2

Amma si anyiɛ, inɛi Izirɛli ŋa à na à nɛ hee jĩijĩ. Nɔ bɛi à waa kpe ŋa fei, bɛɛbɛi à ya maa jĩò inɛ ŋa iyi à waa kpe ŋau. À ya maa cea iwɛ̃ ŋa iyi à ya kpe Baali ŋau kuwee nɔ à ya joa iwɛ̃ mmu ŋa tuae ŋa.

Ozee 2:13

An jɔ̀ inɔ didɔ̃ɛ fei ku leekĩi. Nɔ hai jingauɛ ŋa, do jingaui ajɔi cukpa titɔ̃ɛ ŋau, do ajɔi kusĩmiɛ ŋau hee do waati si bii à ya ko a ce jingau ŋau fei, aa leekĩi.

Amɔsu 7:17

Na nŋu, mii iyi Aɔ̃ Lafɛ̃ɛ í ni a baɛ wee. Aboɛ sakarai á maa ce si inɔ iluu, ama inɛmɔkɔ do ama inaaboɛ ŋa, aa kpa ŋai do taakuba, ilɛɛ aa kpɛ̃a inɛ ŋai do ikũ, nɔ awɔ takaɛ aa kui si ilɛ ku riisi, nɔ aa mu inɛi Izirɛli ŋai hai si ilɛ nŋa a nɛò ŋa hee jĩijĩ.