Ozee 4:12 - Bibeli do fee

¹² Zamaam nɔu, jĩi iyi í gbe í jɛ iwɛ̃ɛi í ya maa bee ide. Jĩi nɔui í ya jɛaa. Lasabui iwɛ̃ ŋa ku tɔɔi í naa si ŋa nɔ í jɔ̀ à nyɔ. Nŋui í jɛ bɛi sakara iyi à ya maa ce, nɔ à fɛɛfɛ do amu Aɔ̃ Lafɛ̃ɛ nŋa.

Ozee 4:12 Iomraidhean Croise

Ilaalu 2, 17:7

Aɔ̃ Lafɛ̃ɛ í jɔ̀ à mu inɛi Izirɛli ŋa aru si na iyi í jɔ̀ à ce dulum bi tɛɛ, nŋu iyi í fitaò ŋa wa hai ilɛi Ezibiti í nya ŋa hai si awɔi Faraɔ̃ ilaaluu, do si na iyi í jɔ̀ à waa tɔɔ iwɛ̃ ŋa.

Bomma 2, 21:13

Kucei ilaalui Izirɛli ŋai ì too si, nɔ ì tale si inɛi Zudaa do inɛi Zeruzalɛmu ŋa iwɛ̃ ku tɔɔ bɛi kpasɛ̃i Akabu í tale si inɛi Izirɛli ŋau. Si antaiɛ ì kpa ifɔɛ ŋa iyi à tiaɛ mɔm si kpasɛ̃i baaɛ.

Iri ku kɔ̃ 106:39

Iwɛ̃ ŋa ku tɔɔ nŋau í yɛi bɛi sakara ku ce bi Aɔ̃ Lafɛ̃ɛ.

Iri ku kɔ̃ 73:27

Inɛ ŋa iyi à jĩɛ à ya ce nfei. Inɛ ŋa iyi à kɔ̀siɛ fei, ì ya ce nfe nŋai.

Zeremi 10:8

Aŋa fei mam mam à ce nnyɛii nɔ a kù nɛ yaase. Kpãai iwɛ̃ ku tɔɔ nŋau bɛ, cioi inya ngbɛi.

Zeremi 2:27

Ì ya sɔ̃ jĩi i ni ŋa, awɔi ì jɛ baa nwa. Nɔ ì ya sɔ̃ kuta i ni ŋa, awɔi ì bím wa. Amui ì nɛ i cɔ ŋa wo, amma ì sinda ì toom anyi ŋa. Nɔ waati iyi ì wa si wahala, ì ya ni ŋai, dede i faaba wa.

Zeremi 23:13

Aɔ̃ Lafɛ̃ɛ í ni, mii iyi ǹ yɛ bi waliii Samari ŋau í fɔ inɔm ntɔ ntɔ. À ya ce waliii do irii iwɛ̃ Baali, nɔ à jɔ̀ zamaam inɛi Izirɛli ŋau à nyɔ.

Ezekiɛli 20:32

Ì waa bi i yɛ ŋa bɛi dimi mmu ŋa iyi à waa tɔɔ jĩi ŋa do kuta ŋa. Amma iyi bɛ kaa ce.

Ezekiɛli 21:21

Taakuba ku dɔ̃ anu, fĩ do njɛ, fĩ do canga. Bɔ do ikpa bii à to anuɛ fei.

Ozee 14:3

Na nŋu, i sinda i nyi wa bi Aɔ̃ Lafɛ̃ɛ nɔ i sɔ̃ɔ ŋa i ni, ce nwa suurui kurara nwa ŋau fei, nɔ i gba wa do jiida ku jɛ. Idei gɛlɛ nwa ŋai aa jɛ kuwee iyi aa ka maa ceɛ.

Ozee 5:4

Mii iyi inɛi Izirɛli ŋau à ce kaa jɔ̀ a nyi wa bi Aɔ̃ Lafɛ̃ɛ nŋa má, domi lasabui iwɛ̃ ŋa ku tɔɔu í wa si ŋa nɔ a kù mà Aɔ̃ Lafɛ̃ɛ.

Ozee 6:10

Si ilɛi Izirɛli, ǹ yɛ mii laalɔ ŋa. Si ilɛu, inɛi Efaraimu ŋa à sinda si iwɛ̃ ŋa ku tɔɔ, nɔ nŋui í jɛ sakara ku ce. Do yaase bɛɛbɛi inɛi Izirɛli ŋau à dasi ara nŋa riisi.

Ozee 9:1

Izirɛli, maà jɔ̀ i wɛɛò inɔ didɔ̃. Maà jɔ̀ inɔ didɔ̃ ku la siɛ bɛi zamaa iyi ihɔ̃ ngu ŋa, domi ì fũsi Aɔ̃ Lafɛ̃ɛɛ awɔ ì koo ì waa tɔɔ iwɛ̃ ŋa. Nɔ ì ya maa bi a sãɛ ribai iwɛ̃ ŋa ku tɔɔ tengi bii à ya kpokpo bilee fei.

Kuwee 17:7

Si bɛɛbɛ inɛi Izirɛli ŋau aa jɔ̀ kuwee iyi à ya maa cea iwɛ̃ ŋa iyi à yɛ bɛi iwo kombo ŋa. Wooda iyi ihɛ̃ á maa wɛɛi waati kãma fei do si kudede ikã ikãi inɛi Izirɛli ŋau fei.

Kuwee 20:5

amu takam nii an sinda si lafɛ̃ɛ do nyaanzeɛ ŋa nɔ n nya ŋa hai si inɔi inɛi Izirɛli ŋau, nŋu do inɛ ŋa iyi aŋaò ŋa à tɔtɔɔ à cea Molɔku kuweeu.

Misee 2:11

Inɛ ŋau à ya bi inɛ iyi wa fɔ ide si fufu wa sɔ ibo nɔ wa ce ide nkpɔ wa ni, aa ba atɛ̃ vɛ̃ɛ do atɛ̃ ku nɛ gbugbã i mɔ ŋa.

Abakuku 2:19

Inɔ kufɔi á jɛ ti iŋɛ iyi ì sɔ̃ jĩi ì waa ni ku dede, nɔ ì sɔ̃ kuta gɔ iyi kaa yɔkɔ ku fɔ ide ì waa ni ku dede, aŋa iyi a kaa yɔkɔ a kɔ ŋɛ si nkãma, nɔ baa bii í jɛ à bii ŋa do wura do isɔ̃ fũfũ, hunde kãma de kù wa si ŋa.

Kuka 15:39

Bii ì nɛ booda yaba yaba si itĩi ibɔ nŋɛ ŋa, aa ya maa cɔɔ ŋai i maa yeò gigii woodai amu Aɔ̃ Lafɛ̃ɛ ŋau fei, nɔ i ya maa ceò icɛ ŋa, nɔ i maà too idɔɔbii idɔ nŋɛ do ti iju nŋɛ ŋa hee i na i dasi iwɛ̃ ŋa ku tɔɔ ŋa.

Wooda ku kɔsi 31:16

Ŋɔi Aɔ̃ Lafɛ̃ɛ í sɔ̃ Moizi í ni, kaa kpɛ má aa nyi i koo i ba balaɛ ŋa. Amma si anyii ikuɛ, inɛi Izirɛli ŋau aa lɔsi iwɛ̃ ŋa iyi à wa si ilɛ bii aa lɔ siu ku tɔɔi. Aa fũsim awɔi nɔ a fũ akabuu iyi í wa si gãmɛi awaò ŋau.

Woo kiiti ŋa 18:5

Nɔ à sɔ̃ɔ à ni, to. Bee Ilaaɔ̃ i cɔ, ku ba ka mà bii í jɛ isɛɛnɛ nwa iyi à waa ceu ihɛ̃ á dɔ̃.