Ozee 4:1 - Bibeli do fee

¹ Iŋɛ inɛi Izirɛli ŋa, i sotĩ i gbɔ idei Aɔ̃ Lafɛ̃ɛ ŋa, domi idei taale í wa si gãmɛi Aɔ̃ Lafɛ̃ɛ do inɛi ilɛɛ ŋau si na iyi í jɔ̀ jiida ku jɛ do dee dee ku jɛ do Ilaaɔ̃ ku mà kù wa si ŋa.

Ozee 4:1 Iomraidhean Croise

Ilaalu 1, 22:19

Ŋɔi Misee í ni, i sotĩ i gbɔ ide iyi Aɔ̃ Lafɛ̃ɛ wa fɔ. Ǹ yɛ Aɔ̃ Lafɛ̃ɛ wa buba si kitãi bommaɛ nɔ soogei lelei Aɔ̃ ŋau fei à wa kɔkɔɛ canga do njɛɛ.

Iri ku kɔ̃ 81:9

Iŋɛ inɛi Izirɛli inɛm ŋa, bii ì sotĩ ì gbɔ ide iyi ǹ sɔ̃ ŋɛ wo,

Ezai 1:10

Iŋɛ inɛ ngbo laalɔ ŋa iyi ì yɛ bɛi inɛi Sodomu ŋa, i sotĩ i gbɔ bɛi Aɔ̃ Lafɛ̃ɛ wa fɔ ŋa. Nɔ iŋɛ zamaa ŋau mɔ, iŋɛ iyi ì jɛ inɛ laalɔ bɛi inɛi Gomɔɔ ŋau, i sotĩ i gbɔ ikɔi Ilaaɔ̃ Lafɛ̃ɛ nwau ŋa.

Ezai 1:18

Aɔ̃ Lafɛ̃ɛ í ni, na nŋu, i naa wa ka busi njɛ ŋa. Bii dulum du ŋɛ ŋa à kpã bɛi njɛ, an jɔ̀ a fũuta pai pai bɛi iwu. Bii í nɔ í jɛ à yɛ bɛi bulam bulam nii, an jɔ̀ ku fũuta pai pai bɛi ikũ fũfũ.

Ezai 28:14

Na nŋu, iŋɛ woo yaako inɛ ŋau, iŋɛ iyi ì waa jɛ inɛ ngboi zamaau Zeruzalɛmu bɛ, i sotĩ i gbɔ idei Aɔ̃ Lafɛ̃ɛ ŋa.

Ezai 34:1

I sɛkɛɛ wa iŋɛ inɛi ilɛ ŋa, ku ba i gbɔ ŋa. Zamaa, i sotĩ i gbɔ ŋa. Ilɛ mɔ hee do mii iyi í wa si fei, ku sotĩ ku gbɔ. Nɔ andunya mɔ hee do mii iyi í wa si fei, ku sotĩ ku gbɔ.

Ezai 34:8

Ntɔ ntɔ ajɔ nŋu bɛ, ajɔi gbese ku sãi Aɔ̃ Lafɛ̃ɛi. Si adɔ̃ nŋu bɛi á kɔ̀ò inɛi Siɔ̃ɔ ŋa.

Ezai 5:3

Ŋɔi kpaasim nɔu í ni, iŋɛ inɛi Zeruzalɛmu do iŋɛ inɛi Zudaa ŋa, i kiiti nwa amu do ikoi rezɛ̃ɛm nɔu bɛ.

Ezai 59:4

Ide ŋa iyi ì ya bɔò ile bi ku ce kiiti ŋa ci ya jɛ dee dee. Inɛ kãma nŋɛ gɔ ci ya bɔ bi ku ce kiiti do ide iyi wa too kpãa. Si inya ngbɛi naanɛ nŋɛ í ya wa, nɔ ide ku fɔ nŋɛ ŋa kãma ci ya nɛ icu. Lasabu nŋɛ si inɛ ŋa ku kpã ijui í ya wa, nɔ iri ku kpaɛ, laalɔi í ya na ku bí.

Ezai 59:8

I kù mà kpãai laakai ku sũ ŋa, nɔ tengi bii ì nɛ ì lɔ ŋa, inɛ ci ya yɛ tuubai dee dee ku jɛ. Kpãa ŋa iyi à kái ì ya bi ŋa, nɔ inɛ baa yooma iyi í too kpãa nŋɛ ŋau, kaa mà laakai ku sũ pai.

Ezai 66:5

I sotĩ i gbɔ bɛi Aɔ̃ Lafɛ̃ɛ í fɔ ŋa iŋɛ iyi ì waa jirima ideɛu. Ide iyi inɛ nŋɛ ŋa à fɔ wee, aŋa iyi à cé ŋɛ nɔ à kɔ̀si ŋɛ na irim, à waa ni, Aɔ̃ Lafɛ̃ɛ ku nyisi amboeɛ nɔ ka yɛ inɔ didɔ̃ nŋɛ. Amma inɛ ŋau, aŋai aa yɛ anyɔ.

Zeremi 11:7

Hai ajɔ iyi amu Aɔ̃ Lafɛ̃ɛ ǹ jɔ̀ bala nŋɛ ŋa à fita wa hai ilɛi Ezibiti ǹ sɔ̃ ŋa ǹ kɔnkɔn du ŋa ǹ ni a ya sotĩ a gbɔ idem ŋa. Bɛɛbɛi ǹ wa n sɔ̃ iŋɛ mɔ nnyi ǹ wa n kɔnkɔn du ŋɛ ǹ ni i ya sotĩ i gbɔ idem ŋa.

Zeremi 19:3

Aa sɔ̃ ŋai i ni, i sotĩ i gbɔ idei Aɔ̃ Lafɛ̃ɛ iŋɛ ilaalui Zudaa ŋa do iŋɛ inɛi Zeruzalɛmu ŋa. Bɛi Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋa í ni wee. Í ni, an jɔ̀ wahala ku naa si inyau ihɛ̃. Inɛ ŋa iyi aa gbɔ ibai kunaaɛu wa fei, aa gbɔɔi bɛi ibai kulai ijĩ.

Zeremi 2:4

Iŋɛ tɔkui Zakɔbu ŋa, iŋɛ iyi ì jɛ nyaanzei inɛi Izirɛli ŋau fei, i sotĩ i gbɔ idei Aɔ̃ Lafɛ̃ɛ ŋa.

Zeremi 2:9

Na ŋɔi í jɔ̀ an kiiti ŋɛ iŋɛ do tɔku nŋɛ ŋa má. Ide iyi amu Aɔ̃ Lafɛ̃ɛi ǹ fɔ mbɛ.

Zeremi 25:31

Iba iyi wa ceu wa bɔi hee kɔɔi andunyau fei. Aɔ̃ Lafɛ̃ɛ wa ce kiitii do dimi ŋa iyi à wa si andunyau fei. Wa kpe inɛ baa yooma feii ile bi ku ce kiitiɛ. Nɔ nfe ku cei á jɛ ti inɛ ŋa iyi í yɛ taale nŋa. Ide iyi Aɔ̃ Lafɛ̃ɛ í fɔ mbɛ.

Zeremi 34:4

Na nŋu Sedesiasi ilaalui Zudaa, bii ì gbɔ ide iyi Aɔ̃ Lafɛ̃ɛ wa sɔ̃ɛ, taakuba kaa kpaɛ má.

Zeremi 4:22

Aɔ̃ Lafɛ̃ɛ í ni, ntɔ ntɔ zamaam nɔu í sũmui, kù màm. Ama nnyɛi ŋai, a kù nɛ bisi. Bisii laalɔ ku cei à nɛ. Amma a kù mà jiida ku ce.

Zeremi 4:28

Na ŋɔi í ce ilɛ í wa si inɔ kufɔi iku, nɔ lele í kuku. Nɔ Aɔ̃ Lafɛ̃ɛ í ni, ntɔ ntɔ bɛɛbɛi ǹ fɔ, nɔ ǹ coo. N kaa n nɔ n kpaasiɛ, nɔ n kaa n baa do anyi pai.

Zeremi 5:4

Ǹ ya n fɔi wo n maa n ni, inɛ ŋa iyi a kù nɛ kumà ŋai, nɔ ǹ ya n ni idei nnyɛii à waa ce, si na iyi í jɔ̀ a kù mà kpãai Ilaaɔ̃ ku too do woodai Aɔ̃ Lafɛ̃ɛ nŋa.

Zeremi 51:5

[Bɛɛbɛi á ce,] si na iyi í jɔ̀ Aɔ̃ Lafɛ̃ɛi lele do ilɛ kù fũsi Izirɛli do Zudaa awɔ, baa do iyi à ce kurara nkpɔ nkpɔ si ilɛ nŋau si gãmɛi Inɛ Kumái Izirɛliu.

Zeremi 6:13

Inɛ ŋau, hai inɛ ŋa iyi à kere à re hee ku koo si inɛ ŋa iyi à la à re, aŋa fei kuba nŋai à waa yɔ si iju. Hai walii hee ku koo si woo wee ŋa, aŋa fei ilu ibo ŋai.

Zeremi 7:28

Nŋu de, sɔ̃ ŋa i ni, inɛi ilɛ ŋau ihɛ̃i à kɔ̀ idei Aɔ̃ Lafɛ̃ɛɛ ku gbɔ, nɔ a kù bi ku ba ikɔ. Ntɔ kù wa bi tu ŋa, ntɔu í sa hai si gɛlɛ nŋa.

Zeremi 9:20

I ce bɛɛbɛ ŋa, domi wee iku í lɔ wa hai do fɛrɛnti nŋɛ ŋa, do si inɔ kpasɛ̃ kusĩa nŋɛ ŋa. Nɔ wa so amu ŋa iyi à wa si kpãa ŋa, do awaasũ ŋa iyi à wa si bantuma ŋa.

Zeremi 9:3

Na nŋu, inɛ fei ku maa ce laakaii araɛ do inɛ mmu ŋa, nɔ inɛ kãma ku maà naanɛ inɛɛ ŋa, domi aŋa fei à baa à jɛ inɛ laalɔ woo zamba ŋa, nɔ aŋa fei à ya maa nya fũnɛi inɛi.

Zeremi 9:7

Amɛi inɛ ŋau í yɛi bɛi afa ku kpa amanɛ. Ide iyi à waa fɔ fei iboi. À ya maa sɔ̃ kpaasi nŋa idei laakai ku sũ, amma hee si lɛlɛi idɔ nŋa, taai à ya maa leaa.

Ezekiɛli 16:35

Na nŋu, awɔ abo à ta icu, gbɔ idei Aɔ̃ Lafɛ̃ɛ.

Ozee 12:2

Inɛi Efaraimu ŋai à ya kooa inɛi Ezibiti ŋa ikpo, nɔ à dĩ akabuu do inɛi Asiri ŋa. À dĩ kpaasi do inɛ ŋa iyi a kù jɛ ngɔgɔ, nɔ à ya maa sɛii si fufu ajɔ fei. À ya dabii a maa sɔ iboi a maa ceò laalɔ ŋa.

Ozee 12:3

Kiiti í wa si gãmɛi Aɔ̃ Lafɛ̃ɛ do inɛi Zudaa ŋa. Á sãa Zakɔbui si bɛi isɛɛnɛ laalɔɛ ŋau í to. Á ceai zaka bɛi kuceɛ ŋau í yɛ.

Ozee 5:1

Iŋɛ woo wee ŋau, i sotĩ i gbɔ ku ce ncɛɛ ŋa. Iŋɛ mɔ inɛi Izirɛli ŋa, i ce laakai ŋa. Iŋɛ mɔ inɛi kpasɛ̃i ilaalu ŋa, i sotĩ i gbɔ ŋa. Iŋɛi à waa fãa si gãmɛi idei kiitiu bɛ, domi Misipa bɛ iŋɛi ì jɛ bɛi cɛkũm bi inɛm ŋau, nɔ ì jɛ má ŋa bɛi taa iyi à le si iri kutai Tabɔɔ.

Ozee 5:4

Mii iyi inɛi Izirɛli ŋau à ce kaa jɔ̀ a nyi wa bi Aɔ̃ Lafɛ̃ɛ nŋa má, domi lasabui iwɛ̃ ŋa ku tɔɔu í wa si ŋa nɔ a kù mà Aɔ̃ Lafɛ̃ɛ.

Zoɛli 1:2

Iŋɛ inɛ ngbo ŋa, i sotĩ i gbɔ ŋa. I sotĩ i gbɔ ŋa iŋɛ iyi ì wa si ilɛu fei. Mii dimi bɛ ihɛ̃ í ce si waati nŋɛ, walakɔ si waatii bala nŋɛ ŋa?

Amɔsu 3:1

I de itĩ i gbɔ ide iyi amu Aɔ̃ Lafɛ̃ɛ ǹ wa n fɔ, iŋɛ inɛi Izirɛli ŋa fei, iŋɛ iyi ǹ nya wa hai ilɛi Ezibitiu.

Amɔsu 7:16

Nsɛi sotĩ i gbɔ idei Aɔ̃ Lafɛ̃ɛ, awɔ iyi ì ni, maà ce walii si inɛi Izirɛli ŋa, maà ce ide nkpɔ si kpasɛ̃i Izaaki.

Misee 6:2

Iŋɛ iri kuta ŋa, do iŋɛ iyi ì jɛ icu ku nɛ gbugbãi ilɛu, i sotĩ i gbɔ ŋa. Aɔ̃ Lafɛ̃ɛ wa bi ku kiiti inɛi Izirɛli ŋa iyi à jɛ inɛɛ ŋa ku yɛ taale nŋa.

Laabaau jiida iyi Zãa í kɔ 8:55

Do nŋu fei, i kù màa ŋa, amma amu ǹ màa. Bii ǹ ni n kù màa, ǹ jɛ ilu iboi bɛi iŋɛ mɔ. Amma amu ǹ màa nɔ ǹ wa n jirima ideɛ.

Romu 1:28

Si bɛi a kù bi Ilaaɔ̃ ku mà, ŋɔi í jɔ̀ Ilaaɔ̃ í fũsi ŋa awɔ si lasabu laalɔ nŋa a ceò mii iyi kù jɔ amanɛ ku ce.

Kɔrɛnti 1, 15:34

I jɔ̀ laakai jiida nŋɛ ku nyi wa si bɛi á sĩa, nɔ i jɔ̀ kookoosui dulum. Inɛ gɔ nŋɛ ŋa a kù mà Ilaaɔ̃ do ntɔ. Ǹ wa n fɔ iyi bɛi ku ba anyɔ ku mu ŋɛ.

Kuyɛi Zãa 2:11

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei. Inɛ iyi í jɛ igũ, iku minjisiau kaa ceaa nkãma.

Kuyɛi Zãa 2:29

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei.