Ozee 3:5 - Bibeli do fee

⁵ Si anyiɛ, inɛi Izirɛli ŋau aa sinda a nyi wa, nɔ aa maa dɛdɛ Aɔ̃ Lafɛ̃ɛ do ilaalu nŋa iyi à bí si dimii Davidiu. Si zigiida nŋau, aa maai si Aɔ̃ Lafɛ̃ɛ wa nɔ aa maai si jiida ku jɛɛ si waati ŋa iyi wa mɔsi do waju.

Ozee 3:5 Iomraidhean Croise

Ilaalu 1, 12:16

Iyi inɛi Izirɛli ŋa à yɛ iyi ilaaluu kù waa gbɔa aŋa, ŋɔi zamaau fei í koo í sɔ̃ ilaaluu í ni, baa yoomai à nɛ do Davidi. A kù nɛ ikpɛ̃ kãma do amai Izai. Iŋɛ inɛi Izirɛli ŋa, ka nɛ ide nwa. Nɔ bɛbɛi awɔ amai Davidi, wũa idei bommaɛ. Iyi à fɔ bɛɛbɛ à tã, ŋɔi inɛi Izirɛli ŋau fei à nɛ ide nŋa.

Ezai 17:7

Ajɔ nŋu bɛ, amanɛ á wu ijui ku cɔ ikpa bi woo takaɛ nŋu iyi í jɛ Inɛ Kumái Izirɛliu.

Ezai 2:2

Awaati wa naa iyi iri kuta si bii kpasɛ̃i Aɔ̃ Lafɛ̃ɛ í wau, á na ku gboka ku re iri kuta ŋa fei. Á wai hee antaii geete ŋa fei, nɔ inɛ ŋa aa ya naa bɛ mái nkpɔ nkpɔ.

Ezai 2:3

Ntɔ ntɔ dimi nkpɔ nkpɔi á maa koo bɛ nɔ aa sɔ̃ njɛi a maa ni, i naa wa ŋa ka gũ iri kutai Aɔ̃ Lafɛ̃ɛ, kpasɛ̃i Aɔ̃ Lafɛ̃ɛi tɔkui Zakɔbu ŋau. Tengi bɛi á kɔ wa si kpãaɛ ŋa, do bɛi aa ka tooɛ, domi hai Siɔ̃ɔi woodaɛ á fita wa, nɔ hai Zeruzalɛmui ideɛ wa naa.

Ezai 60:5

Waati iyi aa yɔɔ, aa wai si ididɔ̃, nɔ idɔɛ á maa jojo do inɔ didɔ̃. Waati bɛɛbɛ, amani ŋa iyi à wa si tenku aa ko ŋa wai a baaò ŋa wa bi tɛɛ, nɔ amanii inɛi andunya ŋau aa baai hee bi tɛɛ.

Ezai 9:13

Na ŋɔi í jɔ̀ Aɔ̃ Lafɛ̃ɛ á bu irii inɛi Izirɛli ŋau do akpaamu nŋa. Á da amaawɔi kpakpai do njee si ajɔ akã.

Zeremi 23:5

Ŋɔi Aɔ̃ Lafɛ̃ɛ í ni, ajɔ wa naa si bii an jɔ̀ inɛ dee dee gɔ ku fita si tuubai Davidi bɛi ijui dimi ku gbɛ̃ iyi í fita. Nŋui á jɛ ilaalu nɔ á maa mu ilɛui do laakai jiida. Nŋui á ce mii iyi í tɛ do iyi í jɛ dee dee si ilɛu.

Zeremi 30:24

Idɔɔkɔ̃ nlai Aɔ̃ Lafɛ̃ɛ kaa sũ bii kù kɔ̃ mii ŋa iyi í dasi idɔ ku ceu. Ajɔ wa naa iyi aa na i gbɔ yaaseɛ ŋa.

Zeremi 30:9

Amu Aɔ̃ Lafɛ̃ɛ nŋai aa ya cea icɛ bɛbɛi, do Davidi ilaalu nŋa iyi an jilɛ nŋa.

Zeremi 33:17

Aɔ̃ Lafɛ̃ɛ í ni, Davidi kaa kua inɛ iyi á buba si kitãi bommai ilɛi Izirɛliu ajɔ kãma.

Zeremi 33:9

Waati bɛɛbɛi, an nɛ inɔ didɔ̃ si iluu, nɔ iluu á jɔ̀ n nɛ bɛɛrɛ nɔ ku jɛɛm bɛi booda si andunya fei waati iyi inɛi andunya ŋau aa gbɔ mii jiida ŋa iyi an cea fei. Inɛi andunya ŋau aa maa yaya do zigiida, nɔ aa wɛɛò biti si gãmɛi didɔ̃ iyi an ce nŋa do laakai ku sũ iyi an jɔ̀ a nɛ fei.

Ezekiɛli 16:63

Aa ye gigii mii iyi ì ce wo nɔ anyɔ á muɛ. I kaa yɔkɔ i fɔ ide na anyɔu waati iyi an ceɛ suurui mii iyi ì ceu. Amu Aɔ̃ Lafɛ̃ɛi ǹ fɔ bɛɛbɛ.

Ezekiɛli 38:16

Aa faata si inɛi Izirɛli inɛm ŋau wa ŋai. Aa bii si ŋa ŋai bɛi kudũi ijĩ í ya bii ilɛ. Iyi bɛ á na ku cei si awaati ŋa iyi wa naa do waju. An jɔ̀ i naa si ilɛi inɛm ŋa igũ ku ba inɛ ŋa a mà iyi amui ǹ jɛ Aɔ̃ Lafɛ̃ɛ.

Ezekiɛli 38:8

Si anyii adɔ̃ nkpɔ nkpɔ, kaa kpɛ má n jɔ̀ i lɔ si ilɛi Izirɛliu. Inɛɛ ŋa iyi à fita si igũu, aa baa mái hai ilɛ ikã ikã bii à wau. Nɔ aa tɔtɔɔ wa mái si iri kutai Izirɛli ŋa iyi à sa à jɔ̀ waati sisɔu. Hai a fita wa hai ilɛ mmu ŋau gbakã, aa naa a wɛɛi do laakai ku sũ.

Daniɛli 10:14

Bɛbɛi, ǹ naa ku sɔ̃ɛ mii iyi á na ku ba zamaaɛ ŋai bii í kɔ̃ɔsi, domi kuyɛ mmu gɔ í wɛɛ iyi wa naa má na ajɔ ŋau bɛ.

Daniɛli 2:28

Amma lelei Aɔ̃, Ilaaɔ̃ í wa bɛ. Nŋui í ya fɔ yaasei asii ŋa, nɔ nŋui í jɔ̀ Nebukanɛsaa í mà mii ŋa iyi á na ku ce do waju. To, mii iyi ì yɛ si waati iyi ì waa sĩ njoou wee.

Ozee 11:10

Aru ŋa iyi à mu à nɛò ŋau aa maa too Aɔ̃ Lafɛ̃ɛ wai nŋu iyi á maa dɔ̃ anu bɛi muusu nla. Anu ku dɔ̃ɛu á jɔ̀ ama inɛmɔkɔɛ ŋau a sɛi wai hai tenku do kuyaya.

Ozee 5:15

Amu Aɔ̃ Lafɛ̃ɛ, ǹ wa n nɛ mbɛ. An sinda n nyi idem nii, hee koo to waati iyi aa mà kurara nŋa, a bɛi a sinda a nyi wa bi titom. Waati iyi aa na a wa si inɔ kufɔ, aa dɛdɛɛm.

Ozee 5:6

Nɔ aa maa dɛdɛ Aɔ̃ Lafɛ̃ɛi na saabui kuwee nŋa ŋa iyi aa maa ce do angudã do kɛtɛ nŋa ŋa. Amma a kaa yɔɔ si na iyi í jɔ̀ í fa araɛ í jĩò ŋa.

Ozee 6:1

Aa na i fɔ i maa ni ŋa, ka koo, ka nyi bi Aɔ̃ Lafɛ̃ɛ. Nŋui í mɛɛ wa, nɔ nŋui á jɔ̀ kumɛɛu ku tã. Nŋui í cã wa, nɔ nŋui á jɔsi kumɛɛ nwa ŋau iwɔ.

Amɔsu 9:11

Waati wa naa si bii an teese n ma kusui Davidi iyi í cukuu, nɔ n dĩ fooɛ ŋau. An teese bommaɛ, nɔ n máa bɛi í tako í yɛ wo.

Misee 4:1

Awaati wa naa iyi iri kuta si bii kpasɛ̃i Aɔ̃ Lafɛ̃ɛ í wau, á na ku gboka ku re iri kuta ŋa fei. Á wai hee antaii geete ŋa fei, nɔ inɛ ŋa aa ya naa bɛ mái nkpɔ nkpɔ.

Kuka 24:14

Na nŋu nsɛi an sinda n nyi bi inɛm ŋa. Amma naa wa n sɔ̃ɛ mii iyi inɛi Izirɛli ŋau aa na a cea inɛɛ ŋa do ankãanyi.

Romu 11:25

Iŋɛ inɛm ŋa, n kù bi asiii ideu ihɛ̃ ku manji nŋɛ hee ku jɔ̀ i maa cɔ ara nŋɛ ilu bisi ŋa. Asiiu wee. Idɔi inɛi Izirɛli fiti mbɔ ŋau í lei titã hee kukpɔi dimi mmu ŋa iyi aa ba faabau ku kɔ̃.

Romu 2:4

Mà ì donda kulai jiida ku jɛɛ do temuaɛ do suuru ku nɛɛi. I kù mà iyi jiida ku jɛi Ilaaɔ̃ í mɔsi wa koo si gãmɛɛ ku ba i kpaasi idɔɛ?

Wooda ku kɔsi 4:30

Si waati iyi mii ŋa iyi ǹ ka ŋau bɛ fei à na à ba ŋɛ, aa wɛɛò inɔ kufɔ ŋa, nɔ aa sinda i baa bi Aɔ̃ Lafɛ̃ɛ nŋɛ, nɔ i gbɔ ideɛ ŋa,