Ozee 3:4 - Bibeli do fee

⁴ Ntɔ ntɔ, inɛi Izirɛli ŋa aa wɛɛi waati sisɔ hai nɛ ilaalu, nɔ a kaa nɛ inɛ ngbo ŋa. A kaa nɛ iwɛ̃ ŋa, nɔ a kaa ya ce kuwee ŋa, nɔ a kaa nɛ mii ŋa iyi à ya beeò idɔɔbii Ilaaɔ̃.

Ozee 3:4 Iomraidhean Croise

Kusintii Andunya 31:19

Wee í ko waati bɛɛbɛ Labãa í bɔ ntoi angudãɛ ŋa ku bu. Ŋɔi Rasɛli í koo í ce ilei iwɛ̃ɛ ŋa.

Kusintii Andunya 31:34

Wee nŋui í ce ilei iwɛ̃ ŋau, nɔ í sɔkɛ ŋa si gaayii kpookpoɛ nɔ wa buba si antaiɛ. Nɔ Labãa í gbogoo bii fei, kù yɛ iwɛ̃ɛ ŋa.

Kusintii Andunya 49:10

Batai bomma kaa fita hai si dimii Zudaa. Akpai bommau á maa wɛɛa tɔkuɛ ŋa hee Siloo koo toò wa. Nŋui zamaa á sũa iri ilɛ.

Samuɛli 2, 6:14

Davidi wa dasi ibɔi acɔ ku nɛ gbugbã iyi í jɔ efodui woo wee ŋa, nɔ wa jojo do gbugbãɛ fei si wajui Aɔ̃ Lafɛ̃ɛ.

Ilaalu 2, 23:24

Si anyii nŋu, Zoziasi ilaaluu í kpa woo ba iku ŋa ide ku fɔ do woo ce alisi ŋau. Nɔ í lɛgɛ mii ŋa iyi à ce à jɔ iwɛ̃ nŋa ŋau nɔ í bɛjɛ iwɛ̃ ŋa hee do jĩnɛi iwɛ̃ ŋau iyi à wa Zeruzalɛmu do ilɛi Zudaa fei. Í ce bɛɛbɛi ku ba ku ceò idei wooda ŋa iyi à kɔ si tia iyi Hilikiya woo wee nlau í yɛ si kpasɛ̃i Aɔ̃ Lafɛ̃ɛu icɛ.

Bomma 2, 15:2

Nɔ Azaria í bɔ wajui Aza nɔ í sɔ̃ɔ í ni, i sotĩ i gbɔ idem ŋa, awɔ Aza do inɛi Zudaa ŋa do inɛi Bɛnzamɛɛ ŋa fei. Aɔ̃ Lafɛ̃ɛ á wɛɛ do iŋɛ bii ì wɛɛ do nŋu ŋa. Bii ì waa dɛdɛɛ ŋa aa yɔɔ ŋa. Amma bii ì kɔ̀siɛ ŋa á kɔ̀si ŋɛ.

Kufita 28:4

Dimii jĩnɛ ŋa iyi aa ce ŋau wee. Bɔgɔ iyi aa kɔtɔ si gɛndɛ do dimii ibɔ gɔ iyi à ya kpe efodu do ibɔ kumboo do ibɔ sisɔ hai nɛ ikpa gɔ do bɔngɔtɔbɛɛ do kungbã. Nŋu ŋau bɛi aa jɛ jĩnɛi Arɔ̃ɔ igbãɛu do amaɛ ŋa a maa ceò icɛu.

Kufita 28:6

Efoduu bɛ aa cooi do acɔ jiida iyi à wɔ̃ do ikũi wura do boogu do nkpa do boogu iyi à yɔgɛɛ do nkpa. Aa ce si boodai jiida.

Kukpata 2:9

Gamboɛ ŋau à nya à cuku. Í lɛgɛ sɔkɔɛ ŋau. À mu ilaaluɛ do inɛ ngboɛ ŋa à nɛò ŋa ilɛ mmu. Wooda kù wɛɛ má, nɔ waliiɛ ŋa a kù waa ce kuyɛ kãma má iyi wa naa hai bi Aɔ̃ Lafɛ̃ɛ.

Ezekiɛli 19:14

Ina í na í fita wa hai si icuɛ í jo amaawɔɛ ŋa do isoɛ ŋa. Jĩi nla nlau kù nɛ amaawɔ ku nɛ gbugbã ŋa iyi aa na a jɛ goloi ilaalu ŋa má. À nɛ a ya maa kɔ̃ iriu ihɛ̃i bɛi irii akũ.

Ezekiɛli 20:32

Ì waa bi i yɛ ŋa bɛi dimi mmu ŋa iyi à waa tɔɔ jĩi ŋa do kuta ŋa. Amma iyi bɛ kaa ce.

Ezekiɛli 21:21

Taakuba ku dɔ̃ anu, fĩ do njɛ, fĩ do canga. Bɔ do ikpa bii à to anuɛ fei.

Ezekiɛli 21:31

Ide iyi amu Aɔ̃ Lafɛ̃ɛ ǹ wa n fɔ wee. Ǹ ni, aa na a nya bɔngɔtɔbɛɛ, do fulai ilaaluɛ. Mii fei á kpaasii. Inɛ iyi à kaye aa soo lele. Nɔ inɛ iyi à so lele aa kayeɛi.

Daniɛli 11:31

Á jɔ̀ sooge ŋa a koo a leekĩ bi idĩ iyi wa jɛ gbugbãi kpasɛ̃i Ilaaɔ̃ui. Sooge ŋau aa lɔ si ile kumáui a jɔ̀ ku so riisi. Aa ganji inɛ ŋa a cea Ilaaɔ̃ kuweei ajɔ feiu ku ba a jilɛ mii laalɔ iyi á ce asɔɔi mii ŋa si tengi bi ku ce kuweeu.

Daniɛli 12:11

Hai waati si bii aa ganji inɛ ŋa a cea Ilaaɔ̃ kuweei ajɔ fei ku ba a jilɛ mii laalɔ iyi á ce asɔɔi mii ŋa si tengi bi ku ce kuweeu, ajɔ dubu do cĩɔ minji do cinɛò fɛɛwai (1.290) á ce.

Daniɛli 9:27

Si waatii ankãanyii adɔ̃ mɛɛjeu, á dĩ akabuu do inɛ nkpɔ nkpɔ. Nɔ si anyii adɔ̃ mɛɛta do bubu, á jɔ̀ a leekĩ kuwee do amua ŋa ku ceu. Woo ce laalɔu, á ce laalɔ sãmiɛ ŋai anu akã hee nŋu takaɛ koo kpaò iri si bɛi à fɔ à jilɔɔ.

Ozee 13:10

Hee iwoi ilaaluɛ í wa. Kú faabaɛ si iluɛ ŋau fei. Hee iwoi inɛ ngboɛ ŋau à wa. Na iri nŋai ì fɔ wo ì ni, nam ilaalu do inɛ ngbo ŋa.

Ozee 13:11

Nɔ ǹ naɛ ilaalu si idɔɔkɔ̃m, amma an nyaa si ilaalu ku jɛu mái si idɔɔkɔ̃m.

Ozee 2:11

Na nŋu, bii waatii bilee ku mu í to, an naa n gba bileem nii, nɔ bii waatii isoi rezɛ̃ɛ ku fɔ̃ í to, an naa n gba vɛ̃ɛm nii. An naa n gba acɔ kusĩa ŋa iyi à waa bii basĩɛui.

Kuwee 8:7

Ŋɔi í daa Arɔ̃ɔ si ibɔ kumboo nɔ í dĩa kungbã. Si anyiɛ nɔ í daa si ibɔ sisɔ má do efodu, nɔ í dĩ efoduu do kungbãɛ takaɛ.

Zakari 10:2

Iwɛ̃ nŋɛ ŋa iyi ì ya maa tɔɔ ŋau bɛ, ide iyi à ya jɛ nŋɛu, iboi. Woo ce alisi ŋau mɔ, mii iyi à ya sɔ̃ ŋɛ si kuyɛ nŋau, iboi. Ala ŋa iyi à waa sisi nŋɛ ŋau, a kù nɛ aranfãani kãma. À waa tũ inɔ nŋɛi si ngbɛ. Nŋui í jɔ̀ zamaau fei í fangaa, à baa à wɛɛ do inɔ kufɔ bɛi angudã ŋa iyi a kù nɛ woo degbe.

Zakari 13:2

Aɔ̃ Lafɛ̃ɛi lele do ilɛ í ni, an nya iwɛ̃ ŋau hai si ilɛu nɔ inɛ gɔ kaa ye gigi nŋa má hee a maà kpe iri nŋa. An nya walii ilu ibo ŋau mɔ nɔ n nya lasabu sãmi hai si idɔ nŋa.

Luku 21:24

Aa maa kpa ŋa do taakuba, nɔ a mu ŋa aru si ilɛ ŋa fei. Dimi mmu ŋa aa tɛɛsɛ Zeruzalɛmuui hee waatiu koo kpaò iri.

Laabaau jiida iyi Zãa í kɔ 19:15

Amma à wasi ku dɔ̃ anu à waa ni, kpaa. Kpakpaɛ si jĩi ku gaau. Ŋɔi Pilati í bee ŋa í ni, bɛirei í ce ì bi n kpakpa ilaalu nŋɛ si jĩi ku gaau. Ŋɔi inɛ ngboi woo weei Ilaaɔ̃ ŋau à jɛaa à ni, a kù nɛ ilaalu mmu gɔ bii kù jɛ ilaalu nlai Romu.

Ebɛɛ 10:26

Awa iyi à mà ntɔ tã, bii à waa ce dulum si idɔɔbi nwa, kuwee gɔ kù wɛɛ má iyi á kpa idei dulum,

Woo kiiti ŋa 17:5

Wee Mikau í nɛ bi kutɔɔɛ gɔ bɛ. Nɔ í jɔ̀ à cea mii gɔ ŋa iyi à jɔ efodu do terafimu ŋa má à jɛ iwɛ̃ɛ ŋa, nɔ í so ama akãɛ í jilɔɔ bɛ ku jɛ woo weeɛ.

Woo kiiti ŋa 18:14

Ŋɔi inɛ miiu ŋa iyi à tako à bɔ yaasei ilɛi Laisi ku cɔu à so ide à sɔ̃ kpaasi nŋa ŋa à ni, ì mà ŋa iyi si ile ŋau ihɛ̃ iwɛ̃ iyi à ce do isɔ iyi à yɔ do iwɛ̃ mmuɛ ŋa má à wa bɛ ŋa? Nsɛi iŋɛ mɔi ì nɛ i lasabu bɛi aa ka ce ŋa.

Woo kiiti ŋa 8:27

Ŋɔi Zedeɔ̃ í so mii ŋau í ceò mii iyi í jɔ iwɛ̃ gɔ í koo í jilɔɔ Ofara iluɛ. Nɔ iwɛ̃u í baa í jɛ mii iyi inɛi Izirɛli ŋau fei à lɔsi ku tɔɔ Ofara bɛ. Kutɔɔu bɛ í baa í jɛa Zedeɔ̃ do inɛi kpasɛ̃ɛ ŋa bɛi cɛkũm.

Samuɛli 1, 14:3

Wee Ahiya woo weeu í wa si inɔi inɛ ŋau wa dasi efodu [ibɔ iyi woo wee ŋa à ya dasi a beeò Ilaaɔ̃ ide]. Ahiyau amai Ahitubui. Ahitubu do Ikabɔdu ifɔɛ amai Fineɛzi ŋai, Fineɛzi mɔ amai Eliii, nŋu iyi í jɛ woo weei Aɔ̃ Lafɛ̃ɛ Siloo wo. Si inɔi sooge ŋau, kãma nŋa kù mà iyi Zonatãa í fita.

Samuɛli 1, 15:23

Ntɔ ntɔ, kugaabui Aɔ̃ Lafɛ̃ɛ ku kɔ̀si í yɛi bɛi alisi ku ce, nɔ kugaabui woodaɛ ku donda mɔ í yɛi bɛi iwɛ̃ ku tɔɔ. Si na iyi í jɔ̀ ì kɔ̀si idei Aɔ̃ Lafɛ̃ɛ, nŋu mɔ á kɔ̀siɛ nɔ ku nyaɛ bomma.

Samuɛli 1, 2:18

Amma Samuɛli wa cea Aɔ̃ Lafɛ̃ɛ icɛ jiida, wa dasi efodu, waatɔ ibɔi woo wee ŋa iyi à ce do acɔ ku nɛ gbugbã.

Samuɛli 1, 21:9

Ŋɔi Davidi í bee Ahimelɛki í ni, i kù nɛ kaka walakɔ taakuba bɛ? Amu n kù ba n kù so taakubam wa hee má jɛ jĩnɛi igũ gɔ si na iyi í jɔ̀ ilaalu í bi wũau ku ce gbãa gbãa.

Samuɛli 1, 22:18

Ŋɔi Saulu í sɔ̃ Doɛgi í ni, sinda i kpa woo wee ŋau. Nɔ í sinda si woo wee ŋau í kpa ŋa. Ajɔ nŋu bɛ í kpa woo wee cinɛ do miiu, aŋa iyi à waa dasi ibɔi efodu iyi à ce do acɔ ku nɛ gbugbã.

Samuɛli 1, 23:6

Waati iyi Abiataa amai Ahimelɛkiu í sa í bɔ bi Davidi Kela bɛ, í kooi do efodu [iyi à ya tɔɔò Aɔ̃ Lafɛ̃ɛ].

Samuɛli 1, 23:9

Davidi í gbɔ mii laalɔ iyi Saulu wa dɛdɛ ku cea nŋu, ŋɔi í sɔ̃ Abiataa woo weeu í ni ku naaò efodu wa.

Samuɛli 1, 30:7

Ŋɔi Davidi í sɔ̃ Abiataa amai Ahimelɛki woo weeu í ni ku soa nŋu efodu wa. Nɔ Abiataa í soo wa.