Ozee 3:1 - Bibeli do fee

¹ Ŋɔi Aɔ̃ Lafɛ̃ɛ í sɔ̃m má í ni, abo iyi inɛ gɔ í bi iyi í jɛ abo à ce sakarau, koo buu. Buu do yaase bɛi Aɔ̃ Lafɛ̃ɛ í bi inɛi Izirɛli ŋau. Aŋau bɛ, à ya sindai si iwɛ̃ ŋa, nɔ à ya bi kaa ŋa iyi à ce do rezɛ̃ɛ.

Ozee 3:1 Iomraidhean Croise

Samuɛli 2, 6:19

Si anyiɛ nɔ í kpɛ̃a inɛi Izirɛli ŋau fei sɔnda, hai inɛmɔkɔ do inaabo, inɛ fei í ba pɛ̃ɛ akã do iŋa ku banda koko akã do kaai isoi rezɛ̃ɛ akã. Iyi inɛ nŋu í tã nɔ inɛ fei í bɔ ideɛ.

Ilaalu 2, 13:23

Amma Aɔ̃ Lafɛ̃ɛ í na í ce araare nŋa, í sinda í cɔ ŋa na saabui akabuu iyi í dĩ aŋaò Aburahamu do Izaaki do Zakɔbu ŋa. Kù bi ku kpa iri nŋa nɔ kù jɛsi à mu ŋa aru waati bɛɛbɛ.

Bomma 1, 16:3

Si anyiɛ nɔ í kpɛ̃a inɛi Izirɛli ŋau fei sɔnda, hai inɛmɔkɔ do inaabo, inɛ fei í ba pɛ̃ɛ akã do kaai isoi kanda akã do kaai isoi rezɛ̃ɛ akã.

Neemi 9:31

Amma si araare nla nlaɛ, i kù kpa ŋa, nɔ i kù kɔ̀si ŋa, domi awɔ Aɔ̃ Lafɛ̃ɛ ì jɛ ilu araare nɔ ì cea inɛɛ ŋa jiida.

Iri ku kɔ̃ 123:2

Bɛi ijui aru ŋa í ya maa kãsi lafɛ̃ɛ nŋa, nɔ ti inaabo woo ce icɛ ŋa mɔ í ya maa kãsi lafɛ̃ɛ nŋa, bɛɛbɛ mɔi iju nwa í ya maa kãsi Aɔ̃ Lafɛ̃ɛ nwa ka maa degbeò didɔ̃ iyi á ce nwa.

Kufita 32:6

Iyi iju í má daadaakɔ, ŋɔi à dede à ce kuwee ŋa iyi à ya jo si ina fei sãa sãa do kuweei anu akã ŋa. Si kutɔɔ nŋa aŋa fei à buba à jɛ à mɔ à bɛi à dede à waa ce daa bɛɛtɛkɛ.

Iri ku kɔ̃ iyi í dɔ̃ í re 2:5

Kubi í jɔ̀ ǹ wa n ce bɔ̃ɔ nɔ ǹ ni ku muum gbugbã do kaa didɔ̃ nɔ ku tũ idɔm do isoi jĩi ŋa.

Ezai 45:22

Iŋɛ iyi ì wa hee kɔɔi andunyau fei, i sinda wa bi tom nɔ i ba faaba ŋa, domi amui ǹ jɛ Aɔ̃ Lafɛ̃ɛ, nɔ Ilaaɔ̃ mmu gɔ kù wɛɛ má.

Zeremi 3:20

Amma bɛi inaabo iyi í zamba mɔkɔɛ, bɛɛbɛi iŋɛ inɛi Izirɛli ŋa ì zambam ŋa.

Zeremi 31:20

Nɔ Aɔ̃ Lafɛ̃ɛ í ni má, Efaraimu ama inɛmɔkɔm nii iyi ǹ bi ntɔ ntɔ. Nŋui ǹ bi í re. Nɔ bɛi ǹ wa n fɔ ideɛ fei, bɛɛbɛ mɔi ǹ ya n maa n ye gigiɛ waati kãma fei. Bɛi lasabum fei í wa siɛ, bɛɛbɛ mɔi ǹ nɛ araareɛ ntɔ ntɔ.

Ozee 11:8

Do nŋu fei, Efaraimu, an yɔkɔ n fũsiɛ awɔ? Izirɛli, an yɔkɔ n soɛ n daa inɛ ŋa si awɔ? An yɔkɔ n ceɛ bɛi ǹ cea ilui Adima? N jɔ̀ i baa i yɛ bɛi ilui Seboimu? Ntɔ ntɔ, lasabum í fɔtɔtɔ, nɔ araareɛ iyi ǹ nɛ, í la ntɔ ntɔ.

Ozee 2:5

Bii kù jɛ bɛɛbɛ, an bɔ jĩnɛɛ ŋai fei mam mam, nɔ n jɔ̀ɔ basĩ bɛi si ajɔ iyi à búu. An jɔ̀ ku yɛi bɛi gbaa. Á baa ku yɛi bɛi ilɛ iyi í gbɛ kù nɛ mandi. An jɔ̀ ku kui do agbɛ.

Ozee 4:11

Sakara ku ce do vɛ̃ɛ titɔ̃ ku mɔi í jɔ̀ zamaam nɔu kù nɛ iri.

Ozee 7:5

Ajɔ iyi à waa jɛa ilaalu jingau, akawe ŋau à ya dasi ara nŋa bɔ̃ɔi na gbugbãi atɛ̃ vɛ̃ɛu. Waati bɛɛbɛi ilaalu í ya to si woo yaako inɛ ŋau awɔ.

Amɔsu 2:8

Ì ya maa sũ ŋai kɔkɔi bi ku ce kuwee ŋa fei si jĩnɛ ŋa iyi ì gba wa si tɔɔma ŋa. Atɛ̃ iyi ì gba wa do gbugbã, ì ya maa mɔɔ ŋai si inɔ ilei iwɛ̃ nŋa ŋa.

Amɔsu 6:6

Ì ya maa mɔ atɛ̃ vɛ̃ɛ do kɔɔfu nla ŋa nɔ ì ya maa jɔ ikpo ku dɔ̃ inunu ŋa, amma nfe ku cei kpasɛ̃i Zozɛfu kù waa bitandi ŋɛ.

Misee 7:7

Amma amu, ikpa bi Aɔ̃ Lafɛ̃ɛi an sinda, siɛi kpãa ku cɔm í wa, nŋui á jɛɛm nɔ ku faabam.

Zakari 1:16

Ŋɔi í jɔ̀ ǹ wa n sɔ̃ ŋɛ, amu Aɔ̃ Lafɛ̃ɛi lele do ilɛ, an nyi wa Zeruzalɛmu bɛ má nɔ n nyisi inɛɛ ŋa jiida ku jɛm. Aa nyi a ma ile bi kutɔɔm, nɔ a ma iluu má.

Matie 26:50

Ŋɔi Jesu í sɔ̃ɔ í ni, kpaasim, iyi ì naa ku ceu, coo. Nɔ inɛ ŋau à to Jesu awɔ gbakã à muu.

Kɔrɛnti 1, 10:21

Iŋɛ iyi ì ya jɛ ijɛi Lafɛ̃ɛ ŋa nɔ i mɔ mii iyi í wa si kɔɔfuɛ ŋa, i kaa nyi i sinda i ŋɔ iŋa iyi à ceaò inɛi inɔɔko ŋa kuwee má ŋa nɔ i mɔ mii iyi í wa si kɔɔfu nŋa ŋa.

Kɔrɛnti 1, 10:7

I maà ya tɔɔ iwɛ̃ ŋa bɛi gɔgɔ nŋa ŋa à ce. Ì mà ŋa iyi à kɔ idei iwɛ̃ ku tɔɔ nŋa à ni, inɛ ŋau à buba à jɛ à mɔ, nɔ à dede à waa ce daa bɛɛtɛkɛ.

Piɛɛ 1, 4:3

Ntɔ ntɔ, tako wo ì ce bɛi hai dasi Jesu naanɛ ŋa à ya bi, amma í to bɛɛbɛ. Ì tako ì ce mii iyi í dɔ̃a ara nŋɛ si ŋa, do binɛ, do atɛ̃ ku mɔ do zamaa, do atɛ̃ ku kpa inɛ, do jingau hai nɛ yaase, do iwɛ̃ ku tɔɔ.

Woo kiiti ŋa 10:16

Ŋɔi à fũsi iwɛ̃ ŋa iyi à waa tɔɔ ŋau fei awɔ, à sinda à waa tɔɔ Aɔ̃ Lafɛ̃ɛ. Nɔ Aɔ̃ Lafɛ̃ɛ kù jɔ̀ a kù kpɛ si wahalau.

Woo kiiti ŋa 9:27

Ŋɔi à koo à ka isoi jĩi ndii rezɛ̃ɛ ŋa nɔ à fɔ̃ inyiɛ, si anyiɛ nɔ à ce jingau. Si jingauu, à bɔ ilei iwɛ̃ nŋa à jɛ à mɔ nɔ à ceekpe Abimelɛki.