Ozee 2:9 - Bibeli do fee

⁹ Á maa lele fitii mɔkɔ kaafeɛ ŋaui, amma kaa ba ŋa. Á dɛdɛ ŋa, amma kaa yɛ ŋa. Si anyiɛ á fɔi ku ni, an sinda n nyi wa si mɔkɔ sintem nɔui, domi ǹ tako ǹ wa n gbɔ ididɔ̃ bɛ wo í re nsɛi.

Ozee 2:9 Iomraidhean Croise

Ezekiɛli 16:27

Ǹ nyisiɛ gbugbãm, ǹ kaye tubuɛ, ǹ soɛ ǹ daa mbɛɛɛ ŋa si awɔ. Inɛi ilui Filisi ŋai à jɛ mbɛɛɛ ŋau nɔ à biti na daa laalɔɛ ŋa.

Ezekiɛli 16:39

An soɛi n daa mɔkɔ kaafeɛ ŋau si awɔ. Aa lɛgɛ inya kugboka ŋa iyi ì maui. Aa bɔ jĩnɛ ŋa iyi ì waa dasiui. Aa ko booda kusĩaɛ ŋaui, nɔ aa jɔ̀ɛi basĩ popoopo.

Ezekiɛli 23:26

Aa ko jĩnɛ ku dasiɛ ŋa do boodaɛ ŋa.

Daniɛli 11:13

Nɔ ilaalui awɔ njɛi kpãai inunuu á nyi ku tɔtɔɔ wuaai sooge mmuɛ ŋa má a kpɔ a re baa inɛ sinte ŋau. Si anyii adɔ̃ ŋa iyi aa lɔ keeke, á nyi wa má do sooge ŋa nkpɔ nkpɔ, nɔ á naai do jĩnɛi igũ ŋa iyi à nɛ gbugbã ntɔ ntɔ.

Ozee 2:3

I sɔ nyaanze nŋɛ ŋa Ammi, waatɔ zamaam ŋa, do Ruhama, waatɔ awɔ iyi à ce araareɛ.

Ozee 8:7

Si bɛi fufui ì waa gbɛ̃ ŋa, fufu dabii nla nlai aa na i da ŋa. À ya kpa mɔnda gɔ a ni, bilee iyi í fita nɔ kù bí, i kaa ba iyafũɛ. Nɔ baa bii í jɛ í bí mɔi, inɛ njoo ŋai aa jɔɔ.

Ozee 9:2

Amma bilee iyi à waa kpokpo, do ikpo iyi à waa fɔ̃u, a kaa jɛ titɛɛ. Vɛ̃ɛ titɔ̃ iyi ì waa degbeu, i kaa baa.

Zoɛli 2:14

Á yɔkɔ ku jɛ Aɔ̃ Lafɛ̃ɛ á kpaasi lasabuɛ, nɔ ku jɔ̀ jiida ku jɛɛ ku naa si ŋɛ. Waati bɛɛbɛ, aa yɔkɔ i naaò kuweei iyafũ do ti vɛ̃ɛ wa ŋa.

Sofoni 1:13

Aa ce asɔɔi amani nŋa ŋai, nɔ aa lɛgɛ kpasɛ̃ nŋa ŋa. Aa maa ile ŋa, amma a kaa ba a sũ si. Aa lɔ jĩi ndii rezɛ̃ɛ ŋa, amma a kaa ba vɛ̃ɛ a mɔ.

Malasi 1:4

Inɛi Edɔmu dimii Esau ŋa aa ni, à lɛgɛ ilu nwa ŋa, amma aa ka teese ka ma ŋa má. Amu Aɔ̃ Lafɛ̃ɛi lele do ilɛ ǹ ni, baa bii à teese à ma ŋa má, an nyi n kɛkɛ ŋa mái. Nɔ aa ya maa kpe ilɛ nŋau ilɛi woo ce laalɔ ŋa iyi idɔɔkɔ̃i amu Aɔ̃ Lafɛ̃ɛ í wa si hee do ajɔ fei.

Malasi 3:18

Waati bɛɛbɛi aa nyi i yɛ mii iyi í nya inɛ jiida do inɛ laalɔ ikã ŋa do mii iyi í nya inɛ iyi wa jirima Ilaaɔ̃ do inɛ iyi kù waa jirimaɛ ikã má ŋa.