Ozee 2:8 - Bibeli do fee

⁸ Na nŋu, amu Aɔ̃ Lafɛ̃ɛ, an cĩmbo kpãaɛi do agũ ŋa. An ce bindii n kaakoɛ ku ba ku maà yɛ kpãaɛ ŋau má.

Ozee 2:8 Iomraidhean Croise

Bomma 1, 29:16

Aɔ̃ Lafɛ̃ɛ nwa, amani ŋa iyi à ce sɔɔluɛ ka maò kpasɛ̃ɛu ihɛ̃ fei, hai bi tɛɛi wa naa. Nɔ awɔi ì nɛ mii fei.

Zɔɔbu 19:8

Ilaaɔ̃i í daam kpãa í ganjim n lɔ. Í jɔ̀m si ilu kuku ǹ wa n bibii si kpãa.

Ezai 1:3

Kɛtɛ í ya mà lafɛ̃ɛɛ, nɔ gbankɛlɛ mɔ í ya mà lafɛ̃ɛɛ iyi í ya náa sɔnda. Amma inɛi Izirɛli ŋa a kù mà nkãma. Zamaam nɔu kù waa gbɔ yaasei nkãma.

Ezai 46:6

Inɛ gɔ ŋa à ya sinda mii ndii bɔgɔ nŋa ŋai, nɔ a wã kuwoi isɔ fũfũ do ti wura nŋa ŋa. Si anyiɛ à ya so woo mà icɛi wura ku cei ku ba ku ce nŋa iwɛ̃ gɔ iyi aa ya sɛɛbata si wajuɛ a maa tɔɔɛ.

Zeremi 7:18

Amu ŋa à bɔ jĩi wa. Baa ŋau à ko ina. Nɔ inaabo ŋa à fɔ iyafũ ku ba a sɔ̃a iwɛ̃ iyi à ya kpe abo ilaalui leleu kaa nɔ a cea iwɛ̃ ŋa kuwee do atɛ̃ vɛ̃ɛ ŋa, na mba a dede idɔɔkɔ̃m.

Ezekiɛli 23:41

Ì waa buba si kitã sisɔ gɔ nɔ à jilɛ taabu gɔ si wajuɛ. Si bɛi ì waa jo tuae do ikpo ku dɔ̃ inunu gɔ iyi í jɛ titom nɔu.

Daniɛli 3:1

Ilaalu Nebukanɛsaa í jɔ̀ à yɔ wura à cea do iwɛ̃ gɔ. Kugbokaɛ í wɛɛi agbãawɔ kita, kucĩɛ mɔ agbãawɔ mɛɛfa. Nɔ í jɔ̀ à koo à gũu si lɔɔmai Dura si kukpɛ̃i ilɛi Babilɔniu.

Daniɛli 5:23

Ì waa ce itĩ ku yikai si gãmɛi Ilaaɔ̃ Lafɛ̃ɛi leleu. Kɔɔfuɛ ŋa iyi à wa inɔ kpasɛ̃i awɔ takaɛu, ì jɔ̀ à koo à so ŋa wa, nɔ ì mɔò atɛ̃ vɛ̃ɛ awɔ do inɛ ngbo ŋa iyi à wa bi tɛɛ, do aboɛ ŋa do aboɛ mmuɛ gɔ ŋa má. Ì kɔ̃ iri ì saabu iwɛ̃ɛ ŋa iyi ì ce do isɔ fũfũ do iyi ì ce do wura do isɔ nkpa do isɔ alala do jĩi do kuta. Mii ŋau bɛ kãma nŋa kù waa yɛ ilu, a kù waa gbɔ ide nɔ a kù nɛ kumà kãma. Nɔ Ilaaɔ̃ nŋu iyi amiɛ fei í wa si awɔ gbugbã nlaɛ, nɔ nŋui wa gbãɛ, i kù mà bɛɛrɛɛ.

Ozee 10:1

Izirɛli í yɛi wo bɛi jĩi ndii rezɛ̃ɛ iyi í ya so jiida jiida. Do yaase bɛi í ya maa so nkpɔ nkpɔu bɛ, bɛɛbɛ mɔi bi kuweeɛ ŋau í kpɔ wa kɔ̃ɔsi. Do yaase bɛi ilɛɛu í sĩa wa koo, bɛɛbɛ mɔi í ya maa ce booda si kuta ŋa iyi í gũ à jɛ iwɛ̃ɛ ŋau.

Ozee 13:1

Waati iyi Efaraimu wa fɔ ide fei, zigii inɛ ŋa í ya dai, domi í nɛ gbugbã ntɔ ntɔ si Izirɛli. Amma í so taale si na iyi í jɔ̀ iwɛ̃ iyi à ya kpe Baaliu bɛi í ya tɔɔ, nɔ í ku.

Ozee 13:2

Nsɛi wee à waa mɔsi do dulum du ŋa ku ce má. À ya yɔ isɔ fũfũ ŋai a ceò iwɛ̃ ŋa. À ya ce iwɛ̃ ŋaui si bɛi aŋa taka nŋa à lasabu. Woo ce icɛi awɔ ŋai à ya ce fei ndɛɛ. À ya fɔi si gãmɛ nŋa a maa ni, inɛ ŋa à waa ce kuwee do amanɛ ŋa, nɔ à ya maa tɔɔ ama kɛtɛ kombo ŋa.

Ozee 2:5

Bii kù jɛ bɛɛbɛ, an bɔ jĩnɛɛ ŋai fei mam mam, nɔ n jɔ̀ɔ basĩ bɛi si ajɔ iyi à búu. An jɔ̀ ku yɛi bɛi gbaa. Á baa ku yɛi bɛi ilɛ iyi í gbɛ kù nɛ mandi. An jɔ̀ ku kui do agbɛ.

Ozee 4:11

Sakara ku ce do vɛ̃ɛ titɔ̃ ku mɔi í jɔ̀ zamaam nɔu kù nɛ iri.

Ozee 8:4

Aŋa taka nŋai à soa ara nŋa ilaalu ŋa, nɔ kù jɛ baa do woodam. À soa ara nŋa akawe ŋa, nɔ kù jɛ do kumàsim. À cea ara nŋa iwɛ̃ ŋa do isɔ fũfũ nŋa ŋa do wura nŋa ŋa, nɔ nŋui í jɛ kpãa gɔ iyi á nyɔ ŋa.

Abakuku 1:16

À ya maa cea taaò nŋa ŋau kuwee nɔ à ya jo nŋa tuae ku dɔ̃ inunu, domi do saabu nŋai à baò sɔnda didɔ̃ nkpɔ nkpɔ.

Luku 15:13

Iyi í ce ajɔ minji, ifɔu í ta mii iyi í nɛ fei nɔ í so fiau í nɛò hee ilɛ jĩijĩ gɔ. Bɛi í koo í ce kuwɛɛɛ si daa laalɔ í kpaò irii amaniɛu fei.

Romu 1:28

Si bɛi a kù bi Ilaaɔ̃ ku mà, ŋɔi í jɔ̀ Ilaaɔ̃ í fũsi ŋa awɔ si lasabu laalɔ nŋa a ceò mii iyi kù jɔ amanɛ ku ce.

Wooda ku kɔsi 8:18

I ya ye gigi ŋa iyi Aɔ̃ Lafɛ̃ɛ nŋɛi í mu nŋɛ gbugbã ì bɛi ì baò amani ŋau bɛ ŋa. Nɔ do yaase bɛɛbɛi í nyi í sìsí wa nyisiò ntɔi akabuu iyi í dĩ do bala nŋɛ ŋau.

Woo kiiti ŋa 9:27

Ŋɔi à koo à ka isoi jĩi ndii rezɛ̃ɛ ŋa nɔ à fɔ̃ inyiɛ, si anyiɛ nɔ à ce jingau. Si jingauu, à bɔ ilei iwɛ̃ nŋa à jɛ à mɔ nɔ à ceekpe Abimelɛki.