Ozee 2:7 - Bibeli do fee

⁷ Iye nŋa nŋu iyi í bí ŋau, í ce sakara. Í dasi araɛ anyɔi si waati iyi í fɔ í ni, an too mɔkɔ kaafem ŋai, aŋa iyi à waa muum sɔnda do inyi. Aŋai à waa muum ikũ do acɔ, do ikpo do vɛ̃ɛ.

Ozee 2:7 Iomraidhean Croise

Bomma 2, 28:23

Í cea iwɛ̃i Damasi ŋa iyi à jɔɔ igũ ŋau kuwee. Nɔ í fɔ si inɔɛ wa ni, si bɛi iwɛ̃i ilaalui Siri ŋa à ya sobi ŋa, amu mɔ an ce nŋa kuweei ku ba a naa a sobim. Amma iwɛ̃ ŋa ku tɔɔui í jɔ̀ nŋu do inɛi Zudaa ŋau fei à ce nfe.

Iri ku kɔ̃ 116:7

An nyi si bi kusĩmim nii, domi Aɔ̃ Lafɛ̃ɛ í ceem jiida.

Ezai 30:16

Ì fɔ ŋai ì waa ni ŋa, aawo, aa ka sai do acĩ. Na ŋɔi í jɔ̀ aa sa ŋa. Ì waa fɔ má ŋa ì waa ni acĩ ŋa iyi à gbãai aa gũ ŋa. Amma inɛ ŋa iyi aa maa lele ŋɛ ŋau mɔ aa gbãa a re ŋɛ.

Zeremi 14:22

Si iwɛ̃i inɛi ilɛ ŋau ihɛ̃, baa akã í wɛɛ iyi á yɔkɔ ku jɔ̀ ijĩ ku naa? Mà lelei í ya jɔ̀ ijĩ ku naa anu akã nɔ ku leekĩ. Kù jɛ awɔ Aɔ̃ Lafɛ̃ɛ nwai? Siɛi kpãa ku cɔ nwa í wa, domi awɔi ì waa ce mii ŋau bɛ fei.

Zeremi 2:2

koo sɔ̃ inɛi Zeruzalɛmu ŋa i ni amu Aɔ̃ Lafɛ̃ɛ ǹ ni, awɔ Zeruzalɛmu, ǹ wa n ye gigii kubim iyi ì nɛ waati iyi ì wɛɛ mudɛ̃ɛ, do kubim iyi ì nɛ waati iyi ì waa jɛ abo titɔ̃. Waati bɛɛbɛi ì ya toom nii hee gbaa bii nkãma ci ya fitau.

Zeremi 2:28

To, iwoi iwɛ̃ nŋɛ ŋa iyi ì ce ŋau à wa. I jɔ̀ a dede mɛɛ, bii í jɛ aa yɔkɔ a faaba ŋɛ si waatii wahala. Ntɔ ntɔ, iŋɛ inɛi Zudaa ŋa, iwɛ̃ nŋɛ ŋa do ilu nŋɛ ŋa à waa mungai.

Zeremi 2:36

Na mii í ce ì yaa ì mu kpãa mmu ŋa. Anyɔi á mu ŋɛ wa hai ilɛi Ezibiti bɛi í mu ŋɛ wa hai ilɛi Asiriu.

Zeremi 3:1

Aɔ̃ Lafɛ̃ɛ í ni, bii inɛ gɔ í kɔ̀si aboɛ, nɔ abou í nɛ í koo í so mɔkɔ mmu, mɔkɔ nwou á yɔkɔ ku na ku gbaa ku jɛ aboɛ má? Aawo. Ilɛu á so riisii bii í ce bɛɛbɛ. Awɔ Izirɛli iyi ì ya dabii i maa tɔɔ iwɛ̃ nkpɔ nkpɔ bɛi woo ta icu í ya maa gba mɔkɔ nkpɔ nkpɔ, ì waa bi i nyi wa bi tom má?

Zeremi 31:18

Ǹ wa n gbɔ inɛi Efaraimu ŋa iyi à waa weewea à waa ni, Aɔ̃ Lafɛ̃ɛ, ì kpã wa iju, nɔ à yɛ ijuukpãui bɛi ama kɛtɛ iyi wa kɔ̀ ide. Amma jɔ̀ a sinda a baa bi titɛɛ ku ba a baa ntɔ ntɔ, domi awɔ Aɔ̃ Lafɛ̃ɛi ì jɛ Lafɛ̃ɛ nwa.

Zeremi 31:32

Nɔ akabuuu kaa jɛ dimi bɛi ǹ tako ǹ dĩ do bala nŋa ŋa si waati iyi ǹ mu awɔ nŋa ǹ fitaò ŋa wa ilɛi Ezibitiu. Akabuu inɛ nŋu a kù kɔ̃ɔ baa do iyi ǹ jɛ Lafɛ̃ɛ nŋa fei.

Zeremi 44:17

Amma ide iyi wa fita wa hai si gɛlɛ nwa fei, nŋui à bi ka ceò icɛ. Aa ka cea ilaalu inaaboi lelei Aɔ̃u kuweei tuae ku dɔ̃ inunu nɔ ka ceaa kuweei atɛ̃ vɛ̃ɛ ŋa bɛi à nɛ dɔ̃ɔnɛi ku ceɛ awa do bala nwa ŋa do ilaalu nwa ŋa do akawe nwa ŋa si ilui Zudaa ŋa do si kpãa ŋa iyi à wa si ilui Zeruzalɛmu ŋa. Nɔ à nɛ pɛ̃ɛ ŋa bãm bãm. À wɛɛò inɔ didɔ̃ nɔ a kù ba wahala kãma.

Ezekiɛli 16:18

Jĩnɛ ku nɛ boodaɛ ŋaui ì koo ì biiò iwɛ̃ɛ ŋau. Nɔ ì so ikpom do tuae ku dɔ̃ inunum nɔu ì koo ì na ŋa.

Ezekiɛli 16:8

Ŋɔi ǹ nyi wa má ǹ lɔ kɔkɔɛ nɔ ǹ ba wee ì to awaati bii à nɛ a nɛ kubiɛ. Ŋɔi ǹ fũ ibɔ nlam ǹ bii basĩɛ nɔ ǹ ceɛ kuwã ǹ dĩ akabuu do awɔ. Si bɛɛbɛi amu Aɔ̃ Lafɛ̃ɛ ǹ fɔ ǹ ni ì baa ì jɛ tom.

Ezekiɛli 20:32

Ì waa bi i yɛ ŋa bɛi dimi mmu ŋa iyi à waa tɔɔ jĩi ŋa do kuta ŋa. Amma iyi bɛ kaa ce.

Ezekiɛli 23:12

Í ce binɛi inɛi Asiri ŋa, inɛi kɔkɔɛ ŋa iyi à jɛ ilu ilɛ ŋa do woo kiiti ŋa iyi à waa dasi jĩnɛ kusĩa ŋa nɔ à mà acĩ ŋa ku gũ nɔ à jɛ awaasũ kusĩa ŋa ntɔ ntɔ.

Ezekiɛli 23:22

Na nŋu, Oholiba, Aɔ̃ Lafɛ̃ɛ í ni, an jɔ̀ mɔkɔ kaafeɛ ŋa a dede siɛ wa hai bii fei, aŋa iyi ì saau.

Ezekiɛli 23:4

Irii igbãui Ohola nɔ ti ifɔɛ mɔ Oholiba. Aboi amu Aɔ̃ Lafɛ̃ɛi à jɛ wo, nɔ à bíim ama inɛmɔkɔ ŋa do ama inaabo ŋa. Ohola nŋui í jɛ Samari nɔ Oholiba mɔ nŋui í jɛ Zeruzalɛmu.

Daniɛli 4:17

Ì yɛ jĩi nla nla gɔ iyi í na í nɛ gbugbã ntɔ ntɔ. Jĩi nɔu í gboka hee wa bɔ ku lu lelei Aɔ̃, nɔ inɛi andunya ŋa fei à ba à waa yɔɔ.

Daniɛli 4:25

Ide ŋa iyi Daniɛli í sɔ̃ ilaalu Nebukanɛsaau, fei ndɛɛ í na í baa.

Daniɛli 4:32

Baa do iyi inɛi andunya ŋa à kpɔ fei, a kù to nkãma si wajuɛ. Hunde ŋa iyi à wa lele hee do amanɛ ŋa iyi à wa si ilɛ ihɛ̃, bɛi í bii í ya ce nŋa. Inɛ kãma kù wɛɛ iyi á jɛ ku kɔ̀ ide si wajuɛ, nɔ inɛ kãma kaa jɛ ku beeɛ ku ni, mii ì waa ce bɛ.

Daniɛli 5:21

Waati bɛɛbɛi à leleɛ hai si inɔi amanɛ ŋa, nɔ lasabuɛ í baa í yɛ bɛi ti mɛɛmu ŋa, nɔ í na í koo í nɛ bi kuwaɛi si inɔi sɛnga ŋa. Fɔfɔi à ya naa ku maa ŋɔ bɛi kɛtɛ ŋa, nɔ araɛ í ya le ikpãi hee í koo í to waati iyi í mà iyi Ilaaɔ̃ iyi í wa leleui í jɛ inɛ ngboi bommai amanɛ ŋa, nɔ inɛ iyi í bii í ya jilɛ ku jɛ ilaalu.

Ozee 1:2

Ide sinte ŋa iyi Aɔ̃ Lafɛ̃ɛ í sɔ̃ Ozee í ni ku sɔ̃ zamaai nŋu ŋau wee. Aɔ̃ Lafɛ̃ɛ í sɔ̃ Ozee í ni, koo so inaabo à ce sakara, nɔ abou ku bíɛ amu ŋa iyi aa jɛ amai abo à ce sakara, domi inɛi Izirɛli ŋau à ya dabii a maa tɔɔ iwɛ̃ ŋai bɛi inaabo à ce sakara í ya maa dabii si inɛmɔkɔ ŋa, nɔ à fũsi Aɔ̃ Lafɛ̃ɛ awɔ.

Ozee 13:6

Amui ǹ gbã ǹ bɔòɛ tuu bii aa jɛ, nɔ ì ba ì jɛ hee ì yo. Amma waati iyi ì ba ì jɛ ì yo, ì baa ì nɛ faau, nɔ ì gbɛjɛm.

Ozee 14:1

Inɛi ilui Samari ŋa à nɛ a yɛ ijuukpãi kurara nŋai si na iyi í jɔ̀ à ce ide ku kɔ̀ bi Aɔ̃ Lafɛ̃ɛ nŋa. Na nŋu, igũi á naa si ŋa ku kpa ŋa. Aa tɛɛsɛ ama kpɔtɔɔ nŋa ŋai, nɔ a pũ inaabo bãasĩ nŋa ŋa.

Ozee 2:16

Na nŋu, an faa wa bi titom nii, n gbã n bɔòɛ si gbaa ku ba n baaò laakaiɛ wa sim.

Ozee 5:13

Inɛi Efaraimu ŋa à yɛ bɔ̃ɔ iyi aŋa à nɛ, nɔ inɛi Zudaa ŋau mɔ à yɛ juju iyi aŋa à nɛ. Efaraimu í dede í bɔ Asiri, nɔ í bɛ inɛ ŋa bi ilaalui Yarɛbu. Amma ilaaluu bɛ kaa yɔkɔ ku jɔ̀ a ba iri, nɔ kaa ba nŋa iwɔi jujuu.

Ozee 5:15

Amu Aɔ̃ Lafɛ̃ɛ, ǹ wa n nɛ mbɛ. An sinda n nyi idem nii, hee koo to waati iyi aa mà kurara nŋa, a bɛi a sinda a nyi wa bi titom. Waati iyi aa na a wa si inɔ kufɔ, aa dɛdɛɛm.