Ozee 2:5 - Bibeli do fee

⁵ Bii kù jɛ bɛɛbɛ, an bɔ jĩnɛɛ ŋai fei mam mam, nɔ n jɔ̀ɔ basĩ bɛi si ajɔ iyi à búu. An jɔ̀ ku yɛi bɛi gbaa. Á baa ku yɛi bɛi ilɛ iyi í gbɛ kù nɛ mandi. An jɔ̀ ku kui do agbɛ.

Ozee 2:5 Iomraidhean Croise

Ezai 1:21

Bɛirei Zeruzalɛmu, ilu dee deeu í ce í na í jɛ woo ce sakara. Tako wo, ntɔ do dee dee ku jɛi í wa si iluu. Amma nsɛi, woo kpa inɛ ŋai à wa bɛ.

Ezai 50:1

Ide iyi Aɔ̃ Lafɛ̃ɛ í fɔ wee. Í ni, iŋɛ inɛi Zudaa ŋa, hee iwoi tiai njɛ ku kɔ̀ iyi wa nyisi iyi ǹ kɔ̀si Zeruzalɛmu iye nŋɛ í wa. Walakɔ mɔ i sɔ̃m ŋa, bi yooi ǹ koo ǹ ta ŋɛ bɛi aru si na iyi í jɔ̀ ǹ wa n mu gbesei lafɛ̃ɛ. Ntɔ ntɔ bii ǹ ta ŋɛ, na irii kurara nŋɛ ŋai, nɔ bii ǹ kɔ̀si iye nŋɛ, na dulum ku ce nŋɛ ŋai.

Zeremi 11:13

Kukpɔi iwɛ̃i inɛi Zudaa ŋau do kukpɔi ilu nŋa ŋau fei à waa mungai. Si ilui Zeruzalɛmu, bi kuwee ŋa iyi à ce do kukpɔi kpãaɛ ŋau fei à waa mungai. Si bi kuwee ŋau bɛi à ya cea iwɛ̃ Baali iyi à ya kpe anyɔu kuwee ŋa.

Zeremi 13:22

Waati bɛɛbɛ, aa bee araɛ ide i maa ni, na mii í jɔ̀ mii nɔu ihɛ̃ wa bam. Na kurara nkpɔ nkpɔɛ ŋaui í jɔ̀ itĩi ibɔɛ ŋau wa nya, nɔ ì waa ba kumɛɛ ntɔ ntɔ si cicĩisɛɛ ŋa.

Zeremi 2:20

Aɔ̃ Lafɛ̃ɛ í ni, awɔ Izirɛli, hai ku kpɛi ì dedeò ide ku kɔ̀ sim. Ì fɛ anu akã nwau. Nɔ ì ni, n kù bi n maa n jɛ aru. Amma si antaii iri kuta do si abɛ jĩi tũtũ ŋa fei ì ya maa dabii si iwɛ̃ ŋai bɛi abo à ce sakara í ya ce do inɛmɔkɔ ŋa.

Zeremi 6:8

Jɔ̀ i gba ikɔ, Zeruzalɛmu, ku ba n maà n jĩòɛ ku ba n maà ce nfeɛ nɔ ilɛɛ ku gbe hai nɛ amanɛ.

Ezekiɛli 16:35

Na nŋu, awɔ abo à ta icu, gbɔ idei Aɔ̃ Lafɛ̃ɛ.

Ezekiɛli 16:39

An soɛi n daa mɔkɔ kaafeɛ ŋau si awɔ. Aa lɛgɛ inya kugboka ŋa iyi ì maui. Aa bɔ jĩnɛ ŋa iyi ì waa dasiui. Aa ko booda kusĩaɛ ŋaui, nɔ aa jɔ̀ɛi basĩ popoopo.

Ezekiɛli 16:4

Waati iyi à bíɛu, a kù bu iwɔɛ, a kù wɛɛ do inyi, a kù sisaɛ do imu hee i maaju, nɔ a kù woɛ do acɔ.

Ozee 1:2

Ide sinte ŋa iyi Aɔ̃ Lafɛ̃ɛ í sɔ̃ Ozee í ni ku sɔ̃ zamaai nŋu ŋau wee. Aɔ̃ Lafɛ̃ɛ í sɔ̃ Ozee í ni, koo so inaabo à ce sakara, nɔ abou ku bíɛ amu ŋa iyi aa jɛ amai abo à ce sakara, domi inɛi Izirɛli ŋau à ya dabii a maa tɔɔ iwɛ̃ ŋai bɛi inaabo à ce sakara í ya maa dabii si inɛmɔkɔ ŋa, nɔ à fũsi Aɔ̃ Lafɛ̃ɛ awɔ.

Ozee 2:2

Waati bɛɛbɛi inɛi Zudaa ŋa do inɛi Izirɛli ŋau aa tɔtɔɔ njɛ nɔ a so inɛ akã ku jɛ inɛ ngbo nŋa, nɔ aa fita hai si ilɛui, domi ajɔi Yizireɛliu, ajɔ nla nlai á jɛ.

Ozee 2:8

Na nŋu, amu Aɔ̃ Lafɛ̃ɛ, an cĩmbo kpãaɛi do agũ ŋa. An ce bindii n kaakoɛ ku ba ku maà yɛ kpãaɛ ŋau má.

Ozee 3:1

Ŋɔi Aɔ̃ Lafɛ̃ɛ í sɔ̃m má í ni, abo iyi inɛ gɔ í bi iyi í jɛ abo à ce sakarau, koo buu. Buu do yaase bɛi Aɔ̃ Lafɛ̃ɛ í bi inɛi Izirɛli ŋau. Aŋau bɛ, à ya sindai si iwɛ̃ ŋa, nɔ à ya bi kaa ŋa iyi à ce do rezɛ̃ɛ.

Ozee 4:5

Aa koosɛi dasã nkpa, nɔ walii iyi í wa bi titɛɛu mɔ, á koosɛi idũ. Nɔ an ce nfei iyeɛ.

Ozee 8:9

À dedei à nɛ ilɛi Asiri. A kù yɛi bɛi sɛnga iyi í wɛɛ nŋu akãɛ. Inɛi Efaraimu ŋa aa sãi na akabuu iyi à dĩ do inɛi ilɛ mmu ŋau.

Ozee 9:10

Aɔ̃ Lafɛ̃ɛ í ni, tako wo ǹ yɛ Izirɛli í yɛi bɛi isoi jĩi ndii rezɛ̃ɛ iyi í wa si gbaa. Nɔ ǹ yɛ bala nŋɛ ŋai, bɛi iso sintei figi ŋa iyi à jĩa si jĩi ndii figi. Amma bi Baali-Peɔɔi à dede à nɛ, nɔ à koo à dasi ara nŋa anyɔ. Nɔ aŋa mɔ à baa à jɛ hai nɛ bɛɛrɛ ŋai bɛi iwɛ̃ iyi aŋa taka nŋa à biu.

Amɔsu 8:13

Ajɔ nŋu bɛ, baa awaasũ kusĩa ŋa do mudɛ̃ɛ kusĩa ŋa aa maa kasãm nii do agbɛ.

Woo kiiti ŋa 16:23

Ŋɔi ajɔ nŋu gɔ ilaalu miiui inɛi Filisi ŋau à tɔtɔɔ ku ba a cea iwɛ̃ nŋa iyi à ya kpe Dagɔ̃ɔu kuwee nla nla na inɔ didɔ̃ iyi à wɛɛò. À wasi ku ni, iwɛ̃ nwa í da nwa Samusɔ̃ɔ mbɛɛ nwau si awɔ.