Ozee 2:4 - Bibeli do fee

⁴ I yɛ taalei Izirɛli iye nŋɛ, domi kù jɛ abom má, nɔ amu mɔ n kù jɛ mɔkɔɛ. Ku nya nyindai icu ku taɛu hai si wajuɛ, nɔ ku nya sɛɛdai sakara ku ceɛu hai si amɔɛ ŋa.

Ozee 2:4 Iomraidhean Croise

Ilaalu 2, 9:22

Iyi Yoramu í yɛ Yehu gbakã, ŋɔi í beeɛ í ni, do laakai ku sũi wa? Nɔ Yehu í jɛ í ni, do iwo laakai ku sũ, bii iyeɛ Zezabɛli í kɔ̀ í wasi iwɛ̃ ŋa ku tɔɔ do dobu dobu nkpɔ nkpɔ ku ce.

Ezai 27:11

Waati iyi amaawɔi jĩi ŋau à gbɛ, à ya cɛi. Inaabo ŋa à ya naa a kooi a koo a koò ina. Ntɔ ntɔ inɛ ŋau a kù nɛ bisi kãma. Nɔ na ŋɔi í jɔ̀ inɛ iyi í taka ŋau kù nɛ araare nŋa má, nɔ kù bi ku ce nŋa didɔ̃ gɔ má.

Ezai 50:1

Ide iyi Aɔ̃ Lafɛ̃ɛ í fɔ wee. Í ni, iŋɛ inɛi Zudaa ŋa, hee iwoi tiai njɛ ku kɔ̀ iyi wa nyisi iyi ǹ kɔ̀si Zeruzalɛmu iye nŋɛ í wa. Walakɔ mɔ i sɔ̃m ŋa, bi yooi ǹ koo ǹ ta ŋɛ bɛi aru si na iyi í jɔ̀ ǹ wa n mu gbesei lafɛ̃ɛ. Ntɔ ntɔ bii ǹ ta ŋɛ, na irii kurara nŋɛ ŋai, nɔ bii ǹ kɔ̀si iye nŋɛ, na dulum ku ce nŋɛ ŋai.

Ezai 57:3

Amma iŋɛ, i sɛkɛɛ wa ihɛ̃ ŋa iŋɛ ama inɛmɔkɔi abo à ce alisi, iŋɛ woo ce sakara ŋa do woo ta icu ŋa.

Zeremi 13:14

An so ŋai n gãmɔ ŋa si njɛ nɔ a lɛgɛ yabi yabi. An gãmɔ iyeò baa ŋai do amu ŋa ajɔ. Amu Aɔ̃ Lafɛ̃ɛi ǹ fɔ bɛɛbɛ. N kaa n jɔ̀ inɛ kãma ku fita si. Nɔ n kaa n ce araare nŋa. Nkãma kaa nɔ ku ganjim n kpa ŋa.

Zeremi 16:5

Aɔ̃ Lafɛ̃ɛ í nyi í ni má, maà lɔ kpasɛ̃ bii iku í ce, nɔ i maà bɔ bi ku ce akũ ŋa, nɔ i maà wɛɛò inɔ kufɔ na iri nŋa ŋa, domi ǹ nya laakai ku sũm hai bi inɛ ŋau bɛ. Nɔ jiida ku jɛm do kubim kù wa si ŋa má. Amu Aɔ̃ Lafɛ̃ɛi ǹ fɔ bɛɛbɛ.

Ezekiɛli 23:25

An jɔ̀ idɔɔkɔ̃m ku naa siɛ nɔ a kpãɛ iju do gbugbã. Aa nya imɔɛ do itĩɛ ŋai nɔ a kpa inɛɛ ŋa do taakuba. Aa mu ama inɛmɔkɔɛ do ama inaaboɛ ŋa. Nɔ inɛɛ ŋa iyi aa gbeu, inai á jo ŋa.

Ezekiɛli 8:18

Amu mɔ an naa si ŋai do idɔɔkɔ̃ nla nla, nɔ n kaa n cɔ ŋa n ce araare nŋa. N kaa n jɔ̀ inɛ gɔ ku fita si. Waati iyi aa maa dɔ̃ sim anu, n kaa n gbɔ nŋa.

Ezekiɛli 9:10

Na nŋu, amu mɔ n kaa n ce araare nŋa, n kaa n jɔ̀ inɛ gɔ ku fita si. Daa iyi à ce, si iri nŋai á cuku si.

Ozee 1:2

Ide sinte ŋa iyi Aɔ̃ Lafɛ̃ɛ í sɔ̃ Ozee í ni ku sɔ̃ zamaai nŋu ŋau wee. Aɔ̃ Lafɛ̃ɛ í sɔ̃ Ozee í ni, koo so inaabo à ce sakara, nɔ abou ku bíɛ amu ŋa iyi aa jɛ amai abo à ce sakara, domi inɛi Izirɛli ŋau à ya dabii a maa tɔɔ iwɛ̃ ŋai bɛi inaabo à ce sakara í ya maa dabii si inɛmɔkɔ ŋa, nɔ à fũsi Aɔ̃ Lafɛ̃ɛ awɔ.

Ozee 1:6

Si anyiɛ, abou í na í nɛ asĩ má, nɔ í bí ama inaabo. Nɔ Aɔ̃ Lafɛ̃ɛ í sɔ̃ɔ má í ni, sɔɔ Lo-Ruhama, waatɔ inɛ iyi a kaa ce araareɛ, domi n kaa n maa n mɔsi do araarei Izirɛli ku ce má n maa n ceaa suuru waati kãma fei.

Ozee 5:7

Inɛ ŋau à zamba Aɔ̃ Lafɛ̃ɛi, domi à bí amu ŋa do abo ŋa iyi aŋaò ŋa a kù ce abɔdɔ̃. Na nŋu, hai ihɛ̃ ku bɔ cukpa akã, aa ce nfei ilɛ nŋaui do amani nŋa ŋa.

Zakari 1:12

Ŋɔi amalekau í sɔ̃ɔ í ni, Aɔ̃ Lafɛ̃ɛi lele do ilɛ, adɔ̃ kitaò fɛɛwai ihɛ̃ iyi idɔɛ í kɔ̃ò inɛi Zeruzalɛmu ŋa, do ilu fiti mbɔ iyi í wa ilɛi Zudaa. Hee waati yoomai aa naa i ce araare nŋa má ya.

Laabaau jiida iyi Zãa í kɔ 8:41

Do nŋu fei, ǹ wa n sɔ̃ ŋɛi, kookoosu ŋa iyi baa nŋɛ í ya ce nŋui iŋɛ mɔ ì waa ce. Ŋɔi à jɛaa à ni, awa a kù jɛ seege ŋa. Ilaaɔ̃ nŋu akãi í jɛ baa nwa.

Romu 11:22

Debɛi, cɔ jiida ku jɛi Ilaaɔ̃ do kugaabuɛ. Í gaabu si inɛ ŋa iyi à cuku, amma í jɛ inɛ jiida bi tɛɛ. Awɔ de leekĩ dim dim si jiida ku jɛɛ. Bii kù jɛ bɛɛbɛ aa da awɔ takaɛ.

Romu 9:18

Bɛɛbɛi Ilaaɔ̃ í ya ce araarei inɛ iyi í bi, nɔ ku le idɔi inɛ mɔ iyi í bi.

Zaaki 2:13

Inɛ iyi kù nɛ araarei kpaasi, Ilaaɔ̃ á kiiti nŋu mɔi kaa ce araareɛ. Amma inɛ iyi í nɛ araarei kpaasi ŋa á jɛ igũ si ajɔi kiitiu.